أنا كنت أتعامل مع ألترا 7 لكن بعد سفري للإمارات غيرت لزيت بروتك من إينوك عموماً السيارة يوكن 2001 الكمبيوتر يتحسس للزوجة الزيت كنت أغي رالزيت بعد ما تولع لمبة تحذير الكمبيوتر لتغيير الزيت وهذا يكون بعد 5000ك مع التر7 مع زيت بروتك الإماراتي نسيت الزيت وما ولع التحذير إلا بعد 8000ك قلت الكمبيوتر ماعنده سالفه رجعت لألترا 7 ولعت بعد 5000ك قلت أدور في السعودية بروتك لقيت وغيرت الزيت وتركته ولعت اللمبه بعد 8000ك قلت مره ثانيه يمكن ماعنه سالفه قلت أغير GTX ولعت بعد 6000ك غيرت أنواع أخرى موبيل سوبر شل لاحظت فروقات في وقت تحذير الكمبيوتر معناة كذا ان الكمبيوتر يتحسس للزوجة الزيت وأثبت بروتك أنه أفضلها لكن خساره الطيب ما يدوم ما عاد حصلته
عموماً اللي يبي يجرب يعيد برمجة الكمبيوتر بعد كل غيار زيت عشان يحصل على نتائج حقيقية والبرمجة كالتالي:
بعد غيار الزيت مع الفلتر تقوم بفتح السويتش على اللمبات الحمراء في الطبلون ولا تشغل السيارة بعدها تقوم بالضغط على دواسة البنزين لآخر مداها ثلاث مرات متتالية وفي فترة لا تتجاوز الخمس ثواني بعدها تولع لمبة الكمبيوتر تشير الى تغيير زيت المكينة ثم لاتلبث أن تنطفيء كذا برمجت الكمبيوتر وفي كل مره سو كذا وان شاء الله تحصل على نتائج مرضية
