بســــم الله الرحمن الرحيم ...
السلام عليكم و رحمه الله و بركاته ..
بعد السلام الكلام احم احم ..
اولاً كيف حالكم و شخباركم و علومكم ؟
ثانياً راح اتكلم عن الجير بوكس طبعاً لازم بأول تقراءه الجزء الاول عشان تفهم شل طبخه ..
الجير العادي فيه منه 3 انواع او اثنين لانه الثالث تطويره الثاني ..
1 - الشبكه الثابته او التبديل الثابت constant mesh Gear box
2- التعشيق بلمزامنات او الموقتات synchro mesh
3- نفس الثاني بس مطور ....
طبعاً مالنه شغل بأول لانه نزل عام 1930 و ما تم وايد لانه فاااااااشل
وظيفته انه يعشق دايركت يعني ترس بترس ف مزعج و بسرعه يخترب و مشاكل كبييره ..
ف لغوه و نزلو النظام الجديد الي يسمونه النحاسات ..
ف الحين ببدأ بنظام الجديد و مالنه شغل بلباقي ..
توكلنه علي الله ...
هذا هو الجير شوفه مكوناته من الداخل
هذا الجير الجديد التروس معشقين مع بعض بصوره دائمه يعني ما يفصلون بس ترس واحد الي نفصل عنده تبع الجري ...
خلنه نشرحه من بره اول شي و خلنه من اليمين ..
اول شي هذي فتحه الي يدش فيها القاردن و فيها الاويل سيل (( الجبنه الجير )) .
الي بعدها فوق هذا يعني جسم الجير او ما يسمي سكبه الجير ...
الي بعده تحت (( سبيد ميتر كيبل )) هذا يحسب سرعه السياره ..
و الي بعده فوق ال Vent هذا مال التنسيم او التهويه ..
الي تحته هذا مال كرسي الجير ..
الي بعده فوق هذا كفر ينشال عشان تطلع الشفتات و التروس ..
و الباجي معروفين مثل العامود الداش و الكيس و غيره ..
الحين خلونه في الاهم ..
ف كل الجيرات 4 عواميد ((شفتات )) و كلهم مو متصلين مع بعض ..
خل نبدأ من اليسار ..
الاول علي اليسار صغير الي هو Input shaft اي العامود الداخل او الشفت الداخل هذا المتصل مع الكلتش ف يسمونه بعض الاحيان بعامود الكلتش
و الي يمع علي طول يسمونه Output shaft اي العامود الخارج و يسمونه بخارج لانه يطلع القوه حق الدفرنشل (( القاردن بتحديد ))
معلومه مهمه حييييييييل (( عامود الداخل مو متصل مع عامود الخارج و بينه بوبرنق يعني مو متصلين ابدأ )) و بعدين نقول ليش ..
طبعاً تسميه بوبرنق غلط و الناس تقولها غلط اهي اصلاً بول بيرنق ....
و العامود الثالث Revers Idler shaft هذا العامود يثبت عليه ترس السرعه الخليفه (( الجري )) ...
و الترس الاخير Counter gear اي التشكيل الثابت او عامود التشكيل الموحد ...
مفروض هل صوره ما احطها عشان لا تفر مخك فر ..
معلومه مهمه حييييييييييييييييييييل (( الترس في العمود الداخل متصل مع الترس الي تحته في العامود التشكيل الثابت بصوره اساسيه و ما يفصلون عن بعض يعني العامود الداخل يفر العامود التحتي التشكيل الثابت بصووره ثاابته )) ....
خلني اقولك شغله اختصر الموضوع ..
العامود الي داش علي اليمين يفتر عن طريق المكينه و هل عامود يفر العامود التحتي عن طريق الترس المشبوك معاه ..
و هل عامود يفر العامود الخارج الاوت بوت علي البكسس ..
اول عامود Input shaft العامود الداخل للجير شوفو اشلون مفصول عن العامود الثاني يعني ما يدورون مع بعض ابد ابد ...
هذا العامود الثاني الاوت بوت output shaft الي واصل بقاردن ..
هل عامود تقدر تطلع التروس و كل الشغل في هل عامود ال Synchronizer تنطق سكرونايزر (( موقتات او المزامنات )) هذا اهم شي في هل عامود و اهو يتحكم في الجير ..
هذا العامود الي تحت كلش عامود التشكيل الثابت ..
هذا العامود يسمونه تشكيل ثابت لانه التروس الي عليه مع العامود قطعه وحده يعني مصنوعين مع بعض ما تقدر تطلعهم ابداً ابداً ابداً ...
و هذا العامود الرابع تبع الجري ترسين و خالصين ...
يتبع ...
