السلام عليكم ورحمة الله وبركاته
كل عام وانتم بخير
انا ما كتبت الموضوع الا من الطفش اللي صار لي من السيارة
لحد يقول عين والا حسد .. الله مكثر السيارة في كل مكان
ابلشتني السيارة
تسمع انواع الطقطقة في القير وفي الأقمشة وعلى طول هذي الأصوات >> لحد يقول عادي.. السيارة مهي ونيت
الفرامل ضعيفة .. يعني ما تمسك الفرامل الا بقوة >>> ليش انا اجلس على اعصابي على طول عند الاشارات و الاسواق
الأقمشة الأمامية مكسرة >> تخيلوا الأقمشة الأمامية مكسرة مرتين بالكامل من اليمين الى اليسار ومن فوق لتحت و القماش ما انمسح و الوكالة تقول عادي
اذا دورت السيارة وضربت فرامل تسمع صوت طقة واذا غيرت النمرة تسمع طقة واذا قدمت والا رجعت تسمع طقة.. واذا جا على الفرامل غبار تسمع انواع التصفير
الفحمات الخلفية تغيرت مرتين في الوكالة و غيرت الهوبات كاملة في صيانة 40 الف
مسند الظهر لمقعدة السواق مقوسة اكثر من اللازم ..يعني انك ما تقدر تاخذ راحتك وانت تسوق
المقاعد الخلفية سيئة وغير مريحة
اما قساوة المقاعد فهي ممتازة يعني امشى 5 ساعات سفر واصل لاهلي وانا في قمة النشاط
الأنوار الأمامية ضعيفة جدااا ... الواطي والعالي كلها سيئة .. ركبنا زنون ولكن لم تنحل المشكلة
التضليل وما ادراك ما التضليل .. تشخيط كامل القزاز .. كانك ماسك ورقة تخطيط قلب
الآن فيه مشكلة في المكيف .. اذا اشتغل تسمع صوت قوي (( حنة مستمرة مع مروحة المكيف )) ؟؟!!
-----------
نجي الآن للثبات والرساوة والقوة ...
السيارة قوية وما شاء الله عليها كانها 6 سلندر
صوت المكينة ناعم ولا تسمع لها حنة الا اذا كان فيها احمال وبالذات في السفر
تغييرات القير ممتازة في الخط
نظام الفرامل ABS ممتاز بالنسبة لحجم السيارة
اما من ناحية الثبات والرساوة .. فاسمحولي يا شباب والله مهي ذيك الدرجة اللي كان اكثر الشباب يمدح ويطبل للسيارة ... سيارة عادية وتتفوق عليها المازدا6 و الالتيما ... تجربة
السيارة غير راسية ولكن الثبات فيها جيد
مكيف السيارة ممتاز ودورة التكييف ممتازة
النظام الصوتي ممتاز
العزل الصوتي عادي زي السيارات الباقية و اللكزسis & es والكابريس نفس الطريقة مع الهواء تسمع صوت
شكل السيارة ممتاز وفخم لكنه اصبح ممل من كثر الاكوردات
السيارة ماشية 66000 كم
طريقة استخدامي للسيارة متوسطة لست بالمحافظ ولا بالمفرط
هذي تجربتي للسيارة
ولحد يزعل ما قدرت امدح السيارة والله قفلت اخلاقي ... ولو شريت بقيمتها فورد والله العظيم احسن واصرف
مع السلامة