غسلت يدي من الوكاله انتبهوااا

مشكلتك بسيطة يوم حصلة الحل

لكن أخوي كبير عنده كابرس رويال يستخدمه حق الدوام طبعا الدوام في أبوظبي ونحن في العين طبعا دوم على الخطوط الطويلة 150 كلم

يودي السيارة الوكالة تكلفة 3000 ألى 2000 درهم ما يقارب الريال السعودي و أقلها 1000 طبعا قلتله أخوي يا حبيبي مب حرام تعطيهم 3000 درهم قام و قال

لا لازم أهتم بسيارة

أقولة الوكالة شغلها نهب وسرقة يقول شغلهم نظيف

مب حرام يخسر على الوكالة هذي المبالغ

لا لا الموضوع ذا فيه دعايه لابوصالح ههههههههههههههههههههههههههه

دايما العالم يشتكون من الوكاله ماقدسمعت احد يمدحها الا القلييييييل..........ليش؟

يا ليت لو ترسلي رقم أبو صالح .. ووصف الورشه على الخاص او على الايميل اذا ما عليك أمر .

[email]d7oomy999@hotmail.com[/email]

والله بيني وبينكم الوكالات ماعندهم سالفه

انا كان عندي سوناتا 2003 وكنت شاريها وكاله وقدر الله علي وانقلب بعد ماطلعتها بكم اسبووع ورحت بوديها لهم يصلحونها قالو لي تكلفك 45 الف جلست اضحك قلت انا شاريها منكم با 44 الف شلون اصلحها با 45 الف قالو البويه لحالها 7 الاف وقطع الغيار لحالها توصل 28 غير شغل اليد يمين يسار وتحطمت نفسيا وخنقتني العبرره وقررت ابيعها ووقفتها في ابو خالد الي على الدائري اسبوع لين جاني مكانيكي ويحاول يشتريها مني وصلها معي لي 11 الف وقلت في نفسي ليش ماجرب اروح اسال بكم يصلحونها في الورش مو الوكاله واطلع على الصناعيه القديمه واخذ لي كم لفه فيها انا وراعي السطحه الي طفش مني وقال توبه اذا شفتك بشارع بمشي مع الشارع الثاني من كثر مالفيت به على الورش لين طحت لي في ورشه وبعد الماسر انا وياهم اتفقنا على شغل اليد 6 الاف ريال وشريت القطع وربي من الوكاله اصلي حتى من زود الدلاخه البيبان والتنده شاريهم وكاله ماكلفتني قيمه القطع 9 الاف وطلعت علي كلها با 15 الف تزود شوي وقسم ان الي يشوفها مايدري انها مصدومه وبعدها بفتره تقريبا 6 شهور بديت اسمع صوت في المكينه طقطه خفيفه وقلت بروح للوكاله << لين الحين ماخذ مقلب فيهم ويطلع لي ذاك السوادني الي واضح انه في وادي والسيارات في وادي ثاني وجاب لي حديده طويله وحطها على راس المكينه والطرف الثاني بوسط اذنه وقال عليك الله يازول هاذي مخبطه ويبيلها توضيب يمين يسار وش الي مخبطه خاف ربك السياره زي الفل مافيها بس طقطه خفيفها قال لزم توضيب مكينه المهم وانا اجادل فيه كان في جنبي ثنين وسمعوني لني بديت اعلي صوتي من الغبنه والقهر وقلت له كم تكلف قال تكلفك 4 الاف ريال شوي الا واحد منهم نط وقال ياوليدي وش تدفع 4 الاف في توضيب اطلع التشليح وخذ لك مكينه جديده با 2500 احسن لك بالكثير تحصلها با 3000 شوي الا الزول فقد اعصابه ياخي عليك الله ماتتدخل داير تقطع رزقنا ولا شنو وانا قلت وخر وطلعت وانا امشي مريت على محطه بنزين وفيها ميكانيكي قلت خلني اجرب واساله وقفتها قال وخر خلني اشوف ساقها وجربها قال هاذي فيها الله يسلمك فحمه كلتش وتكلفك 300 ريال قطعه وتركيب وقال اذا ودك تقطع الشك باليقين وتريح بالك غير دسك وصحن وفحمه كامله تكلفك مع شغل اليد 700 ريال قلت توكل على الله والله ثلاث ساعات الا والسياره زي الورده ماتشتكي من اي شي ورجعت تمام التمام وقلت برجع لا الزول ابو ماصوره الي مسوي طبيب عام وجه وابرد حرتي فيه ورجعت وتهاوشت انا وياه لين طاح الي في راسي وحلفت من بعدها ماتطب رجلي وكاله لو ارمي السياره من وادي لبن
طبعنا كل هاا الاحداث في وكاله هونداي الي في خريص << يحس انه طول عليكم وجلس يفضفض عليم من القهر الي فيه هع هع

انا حصلي نفس الشي في الفورد ارتفعت الحرارة ما خلو شي الا غيروه وما في فايد ما نزلت الحرارة وديتها لورشة شافها كل لسواه انه غير غطه الاديتر وتحلت المشكلة ودفعت 30 ريال بس والوكالة دفعوني 600 ريال

في واحد صاحبي معاه كامري وكان ملبس مقاعد السياره تلبيسه عاديه لحماية قماش المقاعد وسيارته جديده وماشيه بس 20000 يعني لسه على الضمان وانكسر كرسي السائق من غير سبب ووداها للوكاله والمفروض انها لسه على الضمان فعشان يتهربو من تصليح أو تبديل الكرسي على حساب الضمان قالوله الكرسي انكسر بسبب التلبيسه الي عليه يعني شي ما يدخل العقل...............

نظام جميع الوكالات هو ...

يصلحون قطع كثيرة بالمنقطة المشكو منها إلا أن يطيحوا على المشكلة

والتشييك وهالأشياء ما يعترفون فيه

وتعال شف الفاتورة بعدين !!!

عش رجباً ترى عجباً.....اللهم إكفينى فيهم ياعزيز ياقدير

الله يعيننا على الوكالات .. في بعض الحالات مالك الا الوكالة للأسف !!!

اخوي المهندسين بالوكالات مضغوط عليهم

تعرف ليه ؟

لأنه بكل سنة يطلع تقرير عن كل مركز صيانة وقد إيه كسب الوكالة وطبعاً الفرع اللي يكسبهم أكثر يكافؤون منسوبيه من مدير الصيانة لآخر فني

عرفت ليه يغيرون اللي له داعي واللي ماله داع

هذا كلام جبته من شخص يعمل مسؤول صيانة بأحد الوكالات

والله يهدي الجميع

^^^^^^^^^^^^^^^
وزارة التجرة هي المسؤولة لكن وزارة التجارة يبي لها من يحمي المستهلك منها لأن كلهم متعاونين الله المستعاان

ويييييييين

حماية المستهلك من هذا النصب كله


مشكور على الإفادة

الاخ الفاضل : انا وانت السلام عليكم ورحمة الله وبركاته

كما تعلم بان السوق كبير والسياسات تختلف من محل لمحل ولكن الذي يطلع ويذهب هنا وهناك

ويسال فسيجد ان شاء الله الطريقه التي يتم اصلاح سيارته وباقل التكاليف ولا تستغرب من الوكاله

هذه سياسة تجاريه والا لخسرت صيانه الوكالات فلا تتعجب من هذه السياسه

ولاحظ (( الكشف على السياره ب 250 ريال )) مجرد كشف حتى يضمن في حالة خروجك

ان تدفع مبلغ وقدره وبالنسبه للقطع التي طلبها مهندس الوكاله : اولا لكي يمشي قطع الغيار

ثانيا لكي يضمن بان العطل سوف يصلح 100%

وللمعلوميه سياسة جميع الوكالات في الغالب هي تغيير القطع وليس اصلاحها ويتعاملون

بالساعة والساعة ب 130 ريال عند الاصلاح بمعنى سيارتك استلمها المكانيكي

في تمام الساعه الرابعة عصرا وانتهى من اصلاحها الساعة السادسه عصرا فسيحسب

مبلغ 260 ريال قيمة اجور الاصلاح والقطع على حسب القطع طبعا اسعار الساعة تختلف قليلا

من وكاله لوكاله ولكن الوكاله فيها ميزه واحده فقط بانهم متلزمون باصلاح اي خلل

عندما تدخلها عندهم ولكن طبعا بسعر وقدره اما الورش الخارجيه فانهم لايلتزمون

ويطلبون قطع من صاحب السياره ويتم تغييرها وفي حالة عدم الاصلاح يطلب قطع اخرى

حتى يتم اصلاح السياره بمعنى حقل تجارب حتى يتم اصلاح العطل في بعض الاحيان

طبعا هذا الكلام ينطبق على اغلب الورش القليله الخبره في مجال المكانيكا او التخصص

لذا من المفترض هو الاتفاق دائما بين مهندس الورشه وان كنت اعلم انهم لايحملون اي شهاده

مكانيكيه ولكن اكتسبو خبره من اصلاح السيارات

المهم الاتفاق يتم كالاتي :: عندما تحضر السياره تتفق معه بان يحظر جميع القطع هو بنفسه

ويغيرها وعند حضورك تجرب السياره واذا وجدت بانه قد اصلح العطل فتدفع قيمه الاتفاق بينكم

وقيمة قطع الغيار بموجب الفاتوره واذا لم تصلح فيتحمل هو قيمة قطع الغيار او يرجع كل شي

كما كان في السابق وان كان في بعض الاحيان يتم زياده قيمة القطعه حتى يكسب من القطعه 10 ريال

المكانيكي وهذه اتفاقيات بين صاحب محل قطع الغيار وبين المكانيكي ((قطعه لو ذهبت انت بنفسك

تجدها مثلا ب 60 ريال وعندما يذهب المكانيكي يشتريها ب 80 ريال 10 ريال للمكانيكي و 10

لصاحب المحل وهذه تحصل كثيرا لقليلي الخبره في اصلاح السيارات


عموما اطلنا في الحديث والله الهادي الى السبيل

أنا اللي ما دخل راسي وشلون ياخذون فلوس التشييك وهم ما شيكوا أصلاً ، لأنهم أعطوك جميع احتمالات ارتفاع الحرارة . مع إن المروحة كما ذكرت ما تشتغل ، يعني مابيلها عالم ، مادام المروحة ما تشتغل ، إذاً المشكلة من المروحة ( دينمو المروحة ، حساس المروحة ، .....) .

أنا في أحد المرات ارتفعت درجة حرارة سيارتي ، وعندما فتحت الكبوت وجدت أن مروحة المكيف لا تعمل ، فأول شي عملته وكعادتي في أي عطل كهربائي ، شيكت على الفيوز ، لأجد الفيوز الخاص بمروحة المكيف محترق فغيرته ، وكلفت العمليه ريالين ودقيقتين . ولا زلت أتخيل ماذا لو مررت بها على إحدى الورش أو الوكالات .

ياخي والله كلامك معقول ويمكن بس لهالدرجه عاد
يعطيك العافيه