طلعت امس سيارة من الوكالة واليوم انسرقت (الفزززززززعه)

راعي الحميه @user_54523 · 07-09-2007

السلام عليكم

شلونك وش اخباركم ؟

يالربع تكفون طلبتكم بقولكم قصتي بس من وين ابداء ومن وين انتهي ؟؟

الله ينتقم من كل حرامي وسرااااق في هالدنيا والله ما تحسون بالحرقة والقهر اللي بالقلب

هذا يا طويلين الاعمار

امس يوم الخميس بتاريخ 24 / 8 / 1428 هـ
شريت سيارة كامري فل كامل 2007 ومستانس وعشيت اهلي في مطعم البارح وعينت خير

ونمت قرير العين مطنئن القلب مرتاح البال وليتني مانمت ذاك اليوم

صحيت اليوم الجمعه ابي اصلي الفجر وتوضيت وتوكلت على الله بس تفاجئة بان السيارة ذهبت مع هبوب الرياح اختفت معقوله يقولون السعودية اكثر دولة امان وبالاخير سيارة يوم واحد ما قعدت عندي ؟؟

انا ساكن شرق الرياض لوحة السيارة ( ى ل ق _ 037 ) اللون فضي
موديل 2007 فل كامل كامري glx

اتمنى تساعدوني لاني مجمع قريشاتي منذو مبطي وبالاخير بكل بروده تروح والله قهر

وصدقوني ان املي بعد الله متعلق فيكم تكفووون يالربع

الفزززززززعه

منقووووول

sun light @user_52233 · 09-09-2007

الله يكون في العون
بس غريبه والله كامري موديل 2007 تنسرق بهالسهولة دي والله قهر ، الله يصبرك على بلواك.

black320 @user_15634 · 09-09-2007

مثل ماقالو العيال بلغ عنها
وشيك على اماكن الحجز
واماكن التفحين

واذا في حد من حارتكم صاحب مشاكل وتفحيط اسأله يمكن يساعدك او يمكن سارقها

سلاام

toooop @user_48482 · 09-09-2007

انشاء االله يااارب تلقاها لسيارتك بس تبي نصيحه خذ سياره ثانيه وروح دور في شوارع الريااض لأن يمكن يكون الي سرقها فحط فيها بليل وخلص البانزين ورماها شووف ويين واذا ما لقيتها بلغ عنها ودور في مكان الحجز للسيارات

واحتمال لاي سرقها راح فيها ع غير مدينه فحاول تبلغ الجهات المعنيه
وانشاء الله ياارب تلقاها

اودي A8L @user_41174 · 09-09-2007

وربي عبداللطيف قااام يلعب بالنااس لعب ولاحول ولاقوة الى بالله

أن شاء الله تدخل البيت وتطلع وتلاقيها زي ماخليتها برا ومره ثانيه خلها في البيت داخل

ودور في شوارع التفحيط المشهوره(الجنادريه,عويضه,طريق الثمامه,شارع المليون,الخ

وان شاء الله تلاقيها

وبلغ من الحين وفي فكره حلوه انك تسجل بكل منتدى وتعلن وتكتب بالتوقيع ان سيارتك مسروقه

وارجو ان تلاقيها باأقرب وقت زي الورده

والسلام مسك الختام

أبـوأسـد @user_15810 · 09-09-2007

سحقا لوكيل تويوتا هو وأنظمة الأمان المتخلفة الي مالها أمان أصلا!!!

الله يفرج بلواه ويرد موتره له اللهم آمين

حسبنا الله ونعم الوكيل

أن كان صاحب السيارة يرى ردي فعليك بالألحاح بالدعاء

معقوله @user_31828 · 09-09-2007

حسبي الله ونعم الوكيل .. حسبي الله ونعم الوكيل

الله يشل يد من سرقها .. ولا تضيق صدرك يالغالي .. معوض إن شاء الله .. وبتحصلها لاتخاف :)

زمان الليل @user_45174 · 09-09-2007

لاحول ولا قوة الا بالله

حسبي الله ونعم الوكيل

red devil @user_32398 · 09-09-2007

الله يعينك
وان شاء الله تحصل السيارة

بس كيف سرقوها
يعني انت اكيد مقفل السيارة كيف قدروا ياخذوها ؟
هل الامان ضعيف لهذه الدرجة في الكامري؟

Night @user_14595 · 09-09-2007

لا حول ولا قوة الا بالله

الله يكون في عون صاحبها ، ويجب عليه بعد تبيليغه للجهات المختصة الاسراع في بحث المركبة في جميع الانحاء المشبوهه او غيرها ...

والله يساعده ان شاء الله ، والحق مايضيع

الله يكون بالعون

Night

FARES__KSA @user_20174 · 09-09-2007

ان شاء الله انك بتحصلها وعليك بالصبر والدعاء
والله يجازي السارق
ونصيحه مني لكل من اللي في بيوتهم مكان يوقفون فيه السياره انهم ما يخلونها برا
خلها داخل بيتك وريح راسك

arab mix @user_43015 · 08-09-2007

ان شاء الله تجد ضااااااااااالتك وتعود اليك بخير وسلامة وعافية....

وحسبي وحسبك الله ونعم الوكيــــل...

دوووم @user_51909 · 08-09-2007

أولا : كان الله في عوون صاحب السيارة ، والله يعوضه خير
وترجع له سياارته في أقرب فرصة

ثانيا :

و

وافي القصيد

سارق السيارة قام بالتفحيط عليها وعلى الفور قام برميها في اقرب مكان او تركها على شارع عام ومن ثم قامت الدوريات باخذها للحجز دون ابلاغ صاحبها،
فحاول الإستعلام عنها في حجوز السيارات وخاصة حجز السلي الخاص بشرق الرياض.

>>> والله قمت التخلف .. ليه ما فيه تنسيق ؟!
بس شاااطرين يوووزعوون القسااايم .. وسريع سريع تسجيلها في الحاسب !!

yo$$sss @user_19471 · 08-09-2007

حسبــنا الله ونعم الوكيل

الله يكون في عون الجميع

GTA_IV @user_21800 ROCKSTAR · 08-09-2007

ربما ضارةً نافعه :)

الله يعوض راعيها بالجنه ويعوضنا جميعاً

آمين آمين

اكثر اللي تنسرق سياراتهم يلقونها منطوله في اي حاره او مكان مثل ماقال الاخ اللي رد قبلي|1|

بالتوفيق إن شاء الله

M O A Y A D @user_15565 · 08-09-2007

.
.
.
لا حول ولا قوة الا بالله ....

كما ذكر الاخوان ان السبب الاول للسرقة يكون للتفحيط ...

فحاول البحث عنها في اماكن التفحيط ...

والله يعوض عليك ان شاء الله ...

أبـو أنـس @user_38810 · 08-09-2007

لاحول ولا قوة الا بالله

انت بلغ عنها وان شاء الله تلقاها

* أبحث في شوارع التفحيط المشهوره
* راجع الحجز السلي و وادي لبن يمكن تحصلها
* كلف كذا شخص يدور عليها خاصة من الشباب

في الأخير أسأل الله أن يكون لك في الا أمر خيرا

أخوك أبو أنس

$عازف الآهات$ @user_54556 · 08-09-2007

لاحول ولا قوة الا بالله

انت بلغ عنها وان شاء الله تلقاها

أبو خميس @user_49190 · 08-09-2007

لا حول ولا قوة ألا بالله

الملهوف @user_5304 · 08-09-2007

لاحول ولاقوة الا بالله

حسبي الله على من سرقها