السلام عليكم
موضوع حلو اخوي التيما وسؤال ممتاز ........!!!
لكن ماتلاحظ ان نظرتك ماتستند على دليل ؟؟؟؟
وهل هنالك في الخليج والعرب أدله لأي سياره أو مقياس كباقي الدول العالميه ؟؟
أكيد لا
ولكن خبرتنا ومشاهده السيارات في الحياه اليوميه هو من برهن لنا ذلك
وبصراحه أخوي أنا من محبين كابريس ال تي زد ثمانيه سلندر
لكن هنالك صعوبات جمه لإقتنائها وبوجود بدائل أخرى تفي بالغرض عنها
وبنفس السعر تقريباً أو أقل
اللومنيا من هولدن لكن نراها أكثر من كابرس وخاصه في الموديلات القديمه
ونراها اقل في التشاليح واقل متطلبات
شركه هولدن واضحه الإتساع ولكن لماذا لم تدخل السوق الامريكيه من اوسع ابوابه ؟
لماذا لا نراها في اغلب دول اوربا بينما تجد التاتا الهنديه منتشره اكثر
لماذا ؟
ليس هذا نقاشنا ....
ولكن تساؤلي كان فقط لماذا تتلاشى الكابريس اول بأول ويوماً عن يوم
بينما غيرها متواجد ويسبقها بعقد من الزمن
أشكر لك اسلوبك الراقي في الأخذ والعطى
تحيتي
اولا انا اشكرك ياغالي على الرد الرائع وياليت كل النقاشات تكون مثمرة زي كيذا وبدون تعصب
ثانيا : يعني وش الي يخلينا نتأكد 100% ان السبب الوحيد لرفض دخول الكابريس واللومينا هو فشلها في انظمة السلامة !!!!!!
ماتعتقد ان السبب هذا غير مقنع ؟؟؟؟؟
يعني جميع انظمة السلامة موجودة في الكابرس بالاضافة الى العديد من الانظمة يمكن ماتلقاها في السيارات الامريكية نفسها
يعني ((ايرباقات امامية وجانبية متوفرة ونظام مانع انزلاق وabs وموزع الكتروني للفرملة عشان ماحد يقول السيارة تزحف وقت الفرملة القوية ))
انا كثيررررررر سمعت كلام ان سبب عدم دخول الكابريس لامريكا هو نظام الامان
وقلت لازم اشوف وش قصة السيارة يعني يلعبون علينا هولدن يقولون المواصفات وانظمة الامان وفي الاخير يطلع مو موجود في السيارة !!!!!
الايرباقات : تعمل بشكل فعال بزاية اظنها 75 درجة من امام السيارة
مانع الانزلاق : مرة وقفت وجربت افحط بالسيارة كنت بروح الشارع الثاني مو قوة مانع الانزلاق مو راضي يخلي السيارة تزحف
الموزع الالكتروني : ماعمري مسكت بريك وسمعت صوت الكفرات
ومرة كنت امشي 170 وتفاجأت بالوااايت الي يسقي الشجر بالشوارع في منعطف واضرب بريك قوووووي وماتحركت السيارة ملي
بتقولي السيارة تنقلب زي مايردد الكثير من الناس
بقولك السرعة تقلب حتى البي ام
والله يحفظك ويحفظ الجميع مابقى سيارة ماشفتها منقلبة من السرعة الجنونية
طيب اذا كانت امريكا تهتم بنظام السلامة بالسيارة ليه ماهتمت في السيارة الامريكية 100 %
الي هي كراون فكتوريا من الاحتراق !!!!!!
خالي عنده ورشة سمكرة شفت فورد محترق في الورشة سألت العمال قالوا كان واقف وفجأة احترقت السيارة
وانطرح موضوع قبل فترة ان شركة فورد الامريكية 100% تنوي سحب سيارات فورد الي تحت موديل 2002 على ما أظن ماني متأكد من الموديل
أنا عن نفسي مايهمني رأي الامريكان عن الامان في السيارة اذا ماعطوني دليل انها فاشلة في هذا الشي !!!!!!!
طبعا هذا كله مو دفاع عن السيارة لكن الكلام الي مايقنعني ما أخذ فيه
وصحيح كلامك ان الكابريس موديل 2000-2002 صار يقل لكن بشكل بسيط
ولاتنسى ان السيارة كانت جديدة على الخليج ومابعد تاخذ وقت عشان تستوعب شركة هولدن اجواء المناطق وتحمل السيارة ،،،
آسف على الاطالة
<<< بدري :D
تحياتي ،،،
