تكفون يالذيابه أنا تورطت مع الفورد

ســـ ط ـــام @user_50636 · 10-08-2007

السلام عليكم ورحمة الله وبركاته
أخواني الأعزاء انا قدر الله علي واشتريت فورد 97 من صالة أمريكية
المهم بعد شهر وصارلي حادث من الأمام مهوب قوي لذاك الحد ولا هوب خفيف
المهم صلحته ومشت الأمور اللهم لك الحمد ومازالت
لكن لما وديته ميكانيكي يشيك عليه لقيت ثلاجة الماكينة خربانه تهرب موية
المهم بعد يومين وانا توني مشغله الصباح ومشيت عليه قرابت 10 كيلو وقفت عند محل ولما تحركت حسيت بتفتفه مهيب قوية بس احس فيها
طيب ابي اعرف وش سببها
مع العلم! إني مغير البواجي قبل شهر ونص وفلتر القير وصفاية البنزين
وجزاكم الله خير على ماخبرتموني اياه
والسؤال الثاني : لمبة التشييك كيف أطفيها ووين الورشة المناسبه الي تعرف لها
مع العلم إني من سكان حي النسيم ,,,,‘ وشكرا على ردودكم

rahall @user_52502 · 11-08-2007

السلام عليكم

عزيزي نفس المشكله الي حصلت لك مرة على قبل شهر
ووجدت ان هناك تهريب في الثلاجه والمويه كانت نازله على البواجي
وكان الحل في تغيير الثلاجه وتنظيف البواجي والكويلات بالهواء
والحمد لله انتهت المشكله نهائيا
غير كذا لاتسوي شئ وتخسر نفسك جرب وانشاء الله اكون افدتك
وشكراً

ســـ ط ـــام @user_50636 صاحب الموضوع · 11-08-2007

جزاكم الله خير اخواني الأعزاء على جهودكم الرائعه
فديتكم والله لايورينا فيكم مكروه انتم ومن قراء معكم

ISUZU D-MAX @user_44609 · 11-08-2007

احنا عندنا فورد يتفتف في اول الدعسة غيرنا فلتر الهواء ضبط على طول وطفت اللمبة

بس انصحك انك تسأل الفني اول

في ورشة اسمها الشام في الصناعية القديمة فيها يمني اسمه ابوعادل متخصص فورد احنا نصلح

عنده السيارة ممتاز على شارع الجمعية بعد التقاطع الاول وانت جاي من طريق الخرج القديم تلقاه

على يدك اليمين يمكن خامس محل ...

sun light @user_52233 · 11-08-2007

السلام عليكم
يجب عليك تغيير الثلاجة وبسرعة ، قبل أن يفوت الأوان وتغير بعدها أشياء ثانية بسبب خراب الثلاجة،وتأكد من خبرة الميكانيكي اللي بغيرها لك.

ham2002 @user_36407 · 10-08-2007

التفتفه سببها الثلاجة لأن الماء ينزل من الثلاجة على الكويلات وتسبب التفتفه وأنصحك بسرعة تغير الثلاجة حتى لاتخرب الكويلات وتضطر لتغير الكويلات فيما بعد وبعد تغير الثلاجة أفحص الكويلات بالكمبوتر لتتأكد من سلامتها
لمة التشك إنجن ماعندي فكره عن طريقة شيلها بس هي عادي وموجودة بكل الفوردات ومامنها خوف

ســـ ط ـــام @user_50636 صاحب الموضوع · 10-08-2007

جزاكم الله الف خير أخواني الأعزاء على ردودكم
اخوي نعم اشتريته فوق الـ20 والموتر نظيف ماشاءالله ماعليه مشاكل قوية تذكر ماغير هذي التفتفه وثلاجة الماكينة وبغيرها ان شاءالله بس ابي اعرف هل سببها الثلاجة وأما الصدمه من الرديتر ومكيف الرديتر وكل ماركبته قطع غيار اصلية يعني مافيه شغل تجاري
بس التفتفه سببها الثلاجة أو لا

واما عن لمبة التشييك فصلت البطارية ومازالت شغاله
ابغى امحيها نهائياً وجزاكم الله الف خير

s9g9s @user_22530 · 10-08-2007

طيب ابي اعرف وش سببها

افحص الكويلات وخصوصا في الجهة اللي كان فيها تهريب مويه من الثلاجة :)

لمبة التشييك كيف أطفيها ووين الورشة المناسبه الي تعرف لها

افصل البطارية عشر دقايق واشبكها ثاني مرة راح تطفي اللمبة :)

بندر96 @user_51376 · 10-08-2007

بسم اللة الرحمن الرحيم
انت ذكرفي كلامك ان ثلاجة المكينة فيها تهريب موية وهذا السبب لان الموية تنزل على البواجي ويبدا الموتر يتفتف اما بنسبة لمبة التشيك بئمكانك فصل اصبع البطارية لمدة نصف ورجعة مرة ثانية ساعة واللة وعلم

الدحبول @user_50091 · 10-08-2007

الله يهديك ماحد يشتري من الصالات لانهم نصبين أكيد خذته فوق 20 الاف
الاستخدام الامريكي تعبان لانهم مايغيرون زيت إلا في سنة مرة
غير فلتر الهواء
المشكلة عندك في دخول الهواء إلى المحرك
الصدمة وصلت إلى الوجة الحديد والرديترات ؟؟