السلام عليكم ورحمه الله وبركاته
أول شي كيف حالكم أخواني
شوفو أنا بعطيكم القصه من البدايه عشان نعرف شو صاير بالضبط معانا
المهم
ذاك اليوم دق علي الوالد الله يحفظه وقلي ها يافهد تبغا أكورد بفتحه سقف ولا سيفك فل أوبشن أنا لسه دوبي متخرج ثانويه طبعا :p
المهم
قلت ياولد مايبغالها كلام الأكورد أحسن وأقوى مع إن الشكل مايختلف إثنين إن السيفيك أحلى
وبعدها بكم يوم رحت أستلم الأكورد حقتي
المهم إستلمتها وأنا مبسوط ووجهي زي كدا |6|
والله مشيت فيها أسبوع
بعدها بديت أحس ب تنسيم هوا من الأبواب وفتحه السقف
إلين الواحد يحس إنو فاتح طرف شباك وهوا ناسي
المهم سألت 2 من أصحابي الأول قالي إيشبها بي إم عشان يجيك العزل الصوتي 100 %
والثاني حس بفرق وهوا معاه إبيكا
بعدين قلت ياولد بطل وسوسه السياره توها جديده ممكن تكون كدا من الوكاله << يعني كل الأكوردات كدا
الخلاصه أمس ركبت أكورد حقت أخو صاحبي والمفاجئه :eek: :eek: مافي أي صوت بالمره
والمشكله إن السيارتين من نفس الفئه يعني ماتقول هاديك 6 ودي 4 ممكن تمشي يعني
المهم إتصلت على الصيانه ورد عليا واحد قلي خلاص تعال بكرا فرعنا الي عند المينا عشان يغيرون لك الأبواب
بس بصراحه أنا مو مرتاح لهرجه تغيير الأبواب
وأنا عني راح أحاول بكرا إنهم يعطوني سياره بديله
ولا إيش رأيكم بالموضوع ؟؟
ملاحظه سيارتي مالها شهر وماشيه 4700 بس :rolleyes: << مررره مايحرك السياره |3|
ياليت أخواني تساعدوني في الموضوع
