هل يستطيع النيسان الزد350 التغلب على السيارات الرياضيه الاخرى؟

السلام عليكم

أخوي gmc

إذا كان الكل ستوك

بتقوم الزد تدري ليش لأن فيه أنواع للموستينج

فيه أنواع الماكسيما طلعت عينها ومثلك عارف

وفيه أنواع طلعت عين الكورفيت


مثل فورد شلبي جي تي 500

وموستينج جي تي آر

وموستينج سالين

وتوصل أحصنتهم إلى 450 حصان

والتسارع أقل من 4 ثواني مثل اللي بالصوره هذي



فـ أنا ما أقارنها بالموستينجات هذي لأنها تتقارن مثل الشلبي الجديد بالسكاي لاين

يعني فئه كبيره جداً


أنا أقارنها بالموستينج اللي تجينا وخاصه في توكيلات الجزيره

محركها مثل محرك اللومينا بالضبط (5.7) مع اضافات بسيطه ولعلها أثقل بالوزن

(موستينج جي تي )

فحينها أقولك لو طلعت الزد مره وحده فهي خساره للموستينج لأنها ملكه الكيلوا الأول ...

وفيه على فكره الموديلات الجديده مقاطع الألتيما تقوم عليها وبالراحه ...

تحياتي

الاخ التيما اليتيما ؟؟؟ وينك؟؟

التيما اليتيما اشكرك على التفاعل وكما ذكرت سابقا اني دعست مع انفينتي كوبيه اوتوماتيك وكانت معاي سيارت صاحبي لومينا اس اس 2006 اوتوماتيك عليها انتيك وفلتر رياضي من القومه فز علي والمسافه بسيطه كما ذكرت بس عندي لك سؤال يا التيما اليتيما من اريدك ترتب لي هذي السيارات من حيث المستوى من الاسرع الى الاقل سرعه

الانفينتي كوبيه اوتو
الزد350 اوتو
الزد 350 عادي

وارجو انك تخبرني معلوماتك عن الانفينتي كوبيه لانه الصراحه دخل خاطري


M.R GMC انا بقولك الحل بدل ما تعدل الكابرس 79 حط عليه مكينه ورويهم كلهم لا لومينا ولا زد ولا كلام فاضي:D

بالنسبه للومينا والموستنج اللومينا اقوى والموستنج قوي في القومه يعني تقريبا من 0-120 وبعدين يخورها (يثقل) بس انا مستغرب انه جنن صاحبك اعتقد انه مزود ؟؟

اكورداوي الله يعطيك العافيه

التيما يتيما
الزد اللي سرعتها 260 انا اقولك بالخط بتروح على اللومينا والكابرس لان اللومينا والكابرس تفصل عند 230 تقريباً أو 240

لكن كيف اذا كانت ستووك تقوم على الكابرس واللومينا والموستنق ؟؟
ترى الموستنق قويه لاتستهين فيها خصوصاً القير عادي
تصور انها مجننه لومينا اس اس
حقت احد الشباب من سنه ونص تقريباً
لومينته قامت على مواتر انواع واشكال
المعدل والستوك

يعطيك العافيه يابطل

السلام عليكم ورحمة الله وبركاته


اهلين أخواني وأشكر أخوي أكورداوي على طرح الموضوع ...

أنا أبي أتكلم بالمنطق واللي ذكره قبلي احد الاخوان ...

ألتيما تقوم على كابرس والكابرس تقوم على الألتيما يعني مستويات متقاربه

رغم ان الألتيما وللتصحيح أنها 257 حصان فقط لا غير ...

نرجع للزد أجل اللومينا والكابرس تقوم عليها ؟؟؟

غريب بصراحه ...

أوكي بمشي معاكم حبه حبه ...

الزد كان عدادها 2004 و 2005 260 وعزم الأحصنه 294

ما أدري عنها

بس موديل 2006 عدادها 280

يعني بالخط محسومه بينها وبين اللومينا والكابريس وحتى الموستينج

في القومه إذا الكل ستوك والسواقين بنفس المهاره

فراح الزد يقول لهم |3|

ولو فكرنا شوي محد راح يقاوم زد إلا وهو معدل سواء ألتيما ولا كابريس ولا لومينا

وانا شفت إل تي زد 2006 قامت على زد بسياره ونص ليش ؟

لاني أعرفه وش مسوي بسيارته مبرمج وفلاتر ودبه رياضيه ( هذا بس اللي اعرفه مدري وش مزود بعد)



أخوي راعي الأفالون ( رساله خاصه )

الأربعاء في الليل في طريق الخرج القديم (الأربعاء اللي راح )

أفالون اللون عشبي + سوناتا 6 سلندر اللون أسود )

الأول والثاني قامت السوناتا بالراحه

وعادوها مره ثانيه ونفس الشئ ...

فالجدير بالذكر أنا مصدقك والكل مصدقك بس تلقى هفوات راعي الزد لما تقاوم معك كثير

ولا فيها مشكله

تحياتي للجميع

صاااااااااااااااااااااااااااادق يا MR.GMC والسواق يفرق فعلا و انا شاكر لك المتابعه في تفاصيل النقاش

والله ياجماعة الخير شوف عيني
لومينا والتيما اللومينا تقوووووووووم
مع اني ماحب اللومينا والكابرس الجديده

لكن شوف عيني
وللمعلوميه ترا السواق يلعب دور كبييييييير في قومة السياره
يعني في ناس ماتعرف تقاوم مع انه يلعب بالقير لعب الاوتوماتيك

ونا ما انكر قوة النيسان

يعطيكم العافيه جميعاً

في المسعود بالامارات يجي جير عادي فل اوبشن ب 150 درهم والاوتوماتيك فل اوبشن ب 155 الف

واعتقد من خلال متابعتي للاسعار بالسعوديه ان اسعارها بين 135 الى 145 الف ريال سعودي

الحين كم سعر الزد فل اوبشن

والله كلامك صحيح ومنطقي فعلا ............. انا ما جاء على بالي سالفه الوزن والاحصنه وصحيح ان الالتيما 6 سلندر تروح على اللومينا والكابرس قومه الى 140 تقريبا اعتقد ان الزد بيكون اقوى
بس في الخط بعد ال 200 اعتقد ان اللومينا او الكابرس بيروحون على الزد والله اعلم

اشكرك يا اخي على هذي المشاركه الطيبه واعتقد من تجارب الشباب مع الزد الجديد ان زمان الزد وّلا بلا رجعه على مايبدو....... والقديم يقولون انه احسن من الجديد والاراء متضاربه حول قوه الزد

احد يقول الموستنج واللومينا اقوى و احد ثاني يقول ان الزد اقوى منهم ......... والله الصراحه انا محتار بهذا الموضوع

هذي السيارات اللي ذكرتها قويه ومستواها متقارب بالقوه..... والزد مفروض انه يروح عليهم لكن غريبه الناس كلهم يقولون انه تعبان ...... انا الصراحه ما جربت الزد. فما اقدر احكم عليه

بس جربت مع انفينيتي كوبيه G35 من الواقف (قومه من الزيرو) و معاي لومينا اوتوماتيك موديل 2006 حقت صاحبي عليها انتيك مع فلتر رياضي و راح عني الانفينتي G35 مسافه سياره و نص تقريبا.... واللي مستغربه ان الانفينتي كوبيه يجي من الوكاله عليه مكينه الزد !!! والانفينتي ما يجي الا اوتوماتيك !!!! فكيف راح علي الله اعلم

وبالنسبه للومينا اللي تتكلم عنها عندكم بالجميح !!!! انا مصدم صراحه اول مره اسمع ان الوكاله تجيبهم بالاسلاك والبواجي (الصراحه الوكيل اللي عندكم اوكيه) اما في الامارات ما سمعت ان الوكاله تجيب هذي الزوايد........

واشكرك يا MR.GMC على هذي الاطلاله الحلوه واتمنى انك تبقى معانا في هذا النقاش

ادري شلووووووووون جت؟؟

الالتيما 268 حصان وتقوم على الكابرس لا وهي بعد اكبر من الزد

وشلون الكابرس واللومينا يقومون على الزد وهي 300 حصان المفروض تقوم وهي تضحك

اذا قارنا الزد بالالتيما الوزن لصالح الزد والثوة لصالح الزد والمقاومات اثبتت ان الالتيما تقوم على

الكابرس واللومينا بالراحة

يعني كان فيه تناقضات صح؟

اشكرك على هذي المصداقيه و اعتقد ان الزد اللي طلعت معاه جير اوتوماتيك والاوتوماتيك عدد احصنته حوالي 294 حصان وقوته مش نفس الجير العادي........... بس مستواك معاه حلو كثير والافلون قويه فعلا

اشكرك على المشاركه بهذي التجربه

والله ياقلبي الزد يكفي انه نيسان ...والزد له سمعته من زمان ولا احد ينسى zx280


موديل 79 و 80 ...اللي للحين له هيبه وسمعه بالسووق ...ولا تنسون zx240 للحين يستخدمونه

للقومات.. الصراحه زد الجديد zx350 شكله حلوو وماحد يقدر ينكر قوووته لكن كل قووي في اقوى منه

والصراحه ماظن انه اللومينا والكابرس والموستنغ يطلعون على الزد الا اذا كانت المكينه معدله

انا مره سقت زد موديل 2004 والله شي خيالي يا جماعه مايمدي تترك الكلتش ولا الموتر قمززز

وعلى العموم الزد يكفييه انه نيسان ..

مع التحيه اخوك777

الزد ماشاء الله سياره رياضيه وفيها حقها
لكن في سيارات اقوى منها
مثل اللومينا والكابرس والموستنق
والفلاتر اللي تقول فيها
انا شايف لومينا اس اس 2006 بالوكاله عند الجميح فيها بواجي مع الاسلاك الرياضيه ؟؟

لكن لحد يقول ان الزد قامت على فيراري ولا على كورفت ولا على بورش او او او..........
لانها مليون بالميه بتكون معدله
للتوضيح فقط|1|

يعطيك العافيه اكورداوي على الموضوع الحلو

تقبل مروري

على فكره
اتوقع الزد من مديلات 2004

السلام عليكم
الزد سياره رياضيه .. وقويه .. وانا مادخلت عشان احاول انزل من مكانتها او اقلل من مستواها..
انا معاي افالون 2006
280 حصان
دفع امامي
تيبروترونك

جربت مع الزد .. وبصراحه طفته على ال 200 وبكل سهوله ..

خلوه يتغلت على الأفلون عشان يتغلب على السيارات الرياضيه ..

جربت مع الموستنق الجديد .. طبعا الفرق شاسع .. رااااااااااااااااااااح الموستنق بكل سهوله ..

أرجو أن لا تحدث ضجه في الموضوع .. الأشياء هذي صارت معاي شخصيا وعن تجربه ..
بس ماادري إذا الزد قير عادي او اوتوماتيك ..

تحياتي لكم
اخوكم
ابوعبدالله

طبعا الايفولوشن و السوبارو STI معروفين بالقوه لكن ما توقعت ان يكونوا اقوا من الزد
اشكرك على المشاركه و رايك يهمني