السلام عليكم ورحمة الله وبركاته:
هذا ياطويلين العمر والسلامه السالفه ذي زمااان يعني قبل عشر سنوات او اكثر صارت لشايب من شيباننا يسولفها لي الله يطول بعمره...
يقول مره من المرارير صار عرس بمدينه اسمها طريف وراحو الجماعه يحضرونها هناك ويوم جا وقت المرواح فيه رجل يبي هالشايب يوصله لكن انه خاف يطول عله خذا فروته الشايب وانسدح ورا بالسياره ونام على اساس انه لاجا الرجال بيصحى ويقول له...
الوكاد جا صاحب السياره وركبها وشغل ومشى والرجال الثاني نايم ورا ولا انتبه له شد الرحال الرجال لعرعر بعد مامشى مية كيلو صار فيه حادث زمااان وكل مامر الرجال ذا اللي يسوق يتحسر يقول ياحسافه ياذولي مانفعتهم فلوسهم اندفنو معها ومدري كيف...
الوكاد وصل السواق للمكان ذا والقى كلمته الشهيره على صحية اللي نايم ورا وسمعه وهو يحط يده على كتفه ويقول له يالابناخي تراها مقادير وانت بس سنع طريقك والا يبي يصير لك مقدر ومكتوب بس انت سنع طريقك السواق طاح اللي براسه وقام يمشي طبلون السياره من الخرعه وهذاك يقوله لاتذبحنا انا فلان انا فلان ياما هدا وهو يتأكد انه فعلن الرجال اللي يعرفه وهذاك اصلا ماقصده يخوفه بس يحسب ان الرجال منتبه له الوكاد بالوقت ذاك الجو باااااارد راح ونزله ومشى وخله بالبر ههههه
بعد ماتعدا له شوي ورجع وخذاه بس علشان يعطيه درس بالاستأذان
وسلااااااامتكم
