السلام عليكم ورحمة الله وبركاته:
اخواني احب انقل لكم قصه صارت لي شخصيا امس وانا طالع من المزرعه...
في ليله من الليالي المظلمه اللي مابها ضو قمر طبعا طلعت من المزرعه لنا في الجوف طبعا انا من سكان عرعر وصارت لي اشغال بالجوف قلت بريح وانام بالمزرعه اللي هي طبعا تقريبا بعيده عن الديره شوي وعقبها اتسير لديرتي...
الوكاد كلمة العامل حق المزرعه وهو نيبالي شكله يخرع الذيابه وقلت له ضبط لي فراش بجي انام وكذا الوكاد جيت المزرعه ونمت بعد يوم متعب جدا...
صحيت من النوم الساعه12.5 بالتحديد قلت بنفسي الله متأخر متى يمديني اوصل ومدري كيف ركبت السياره على طول حتى ماغسلت ولاشي مشيت يوم تعديت المزرعه بكم كيلو واظلم الخط...
فجأه ناظرت بالمرايه حقت السياره ... شوشه راكبه معي اف وش ذا يايمه الحقيني لا اله الا الله
من الخرعه قريت الايات القرانيه كلها وطبعا بدون ماناظر المرايه قلت يمكن عقب هالايات يختفي
اناظر مره ثانيه الا الشوشه موجوده وش ذا شكله جني مسلم بس بيني وبين نفسي قلت ياولد جني مسلم ماراح يضرك وطول الطريق وانا احكي مع نفس والتسلب عيا يختفي اقرا ماش موجود موجود...
انا مسكر المسجل قلت اللحين يقول لي يالاخو شغل المسجل والا عطني فصفص والا شي ..
الله يرجه وش ذا رضيت بالامر الواقع افكر دام اني اخذت على الوضع على الاقل يجي ويونسني بدل مو راكب ورا الوكاد اني مشيت وقلبي يبي يتوقف وبالتالي وش طلع.........
حطيت يدي على راسي وطلعت شوشتي هههههههههههه
