طيحة سعر الرينج

اذا كان البائع واثق من سيارته وانت صامل على الشراء ما اعتقد انه راح يعترض

على فكرة أقدر أخذ السيارة من الشريطي أفحصها في الوكالة؟؟؟ قصدي هل هالشي متعارف علية و متوقع من المشتري؟

تفكيرك سليم جدا وانا معاك ومدام السياره اللي رح تشتريها بتكون شبه جديده مايهمك
بس مهما كان اخوي خلي باللك ترى الشريطيه عموما مايهمهم الا يصرفون السياره يعني لا تاخذ بكلا مهم السياره اللي تعجبك روح افحصها بنفسك

أخي الكريم ، إاذا كنت تقدر تعمل ميزانية خاصة للرنج (اي ميزانيتك قوية) فتوكل على الله وخذلك مستعمل نظيف بعد إجراء فحص شامل، وإلا فلا تذهب الى شراء هذه السيارة حيث هي واللاند روفر ديسكفري رقم واحد في كثرة الأعطال وهذا هو سبب فقدانها لقيمتها سريعا، ولكنها للتشخيص كذا |1|

ما أنصحك بفكرة الرنج روفر بالمرة

لأنه جيب غير آمن بالمرة والقلبة فيه ببيزة

و فيه اخطاء مصنعية صار لها سنين ولي الحين ما غيروها

وفيه خيارات افضل من الرنج مثل الهمر اتش 2 والكايين اس (2004) والمرسيدس ام ال 55

و لا تنسى صلاة الاستخارة

إذا بتشتري مستعمل إشتريه وهو مازال على الضمان.

الأخ البحريني، ترى عندنا الـ LR3 جديد يجي بـ 158،000 ريال ثمان سلندر. لكن تلقاه فخامته أقل من إللي عندكم.

مشكورين ياشباب

على فكرة إذا شفتو واحد واقف في الإشارة يسأل الناس من سيارة لسيارة تراه مو شحاذ......... تراه انا لووووول

الحقيقة هالموضوع كان شعان أشوف إذا أحد عندة رينج أي نوع يقدر يفيدنا


عالعموم مشكورين مرة ثانية

السلام عليكم
الشباب ماقصرو

واقترح عليك
1- تقطع الشك باليقين وتروح تسأل كم شخص عنه الرنج حتى لو عند الاشارة وماتعرفة فهو الي جرب ويعرف
2- تذهل الي الوكيل وتسأل عن قطع الغيار واسعارها ومدى توفرها (اسأل محل القطع لاتسأل مندوب المبيعات )
3- وسع خياراتك فهناك البورش كاين والطوارق والبي ام M5 والفولفو

لاتنسى الاستخارة
بالتوفيق

خلني أعطيك معلومه يمكن ما تدري عنها

في بعض الموظفين بالوزارات يعطونهم سيارات على حساب الوزارات الي شغالين فيها
أغلبهم مهندسين و تخصصات مرغوبة

الموظف يستطيع أن يملك السيارة بشرط دفع نصف قيمتها بعد سنه أو سنتين
أو لا يدفع شي و يبدلها كل سنه أو سنتين

بعضهم يدفع نصف القيمه و بعدين يبيعها بسعر أعلى
يعني هو ربحان و أنت ربحان

يعني اللي حاط هالرنج بالأعلان بسعر 14 الاف دينار ممكن يكون قبل أسبوع دافع للوزارة 10 الاف دينار فقط

أنا قريب لي عنده باجيرو 2007 الشكل الجديد اللي مكينته 3.8 و شارطين عليه يدفع 3000 دينار بعد سنتين إذا يبي يملك السيارة
و الحبيب متردد :D

مشكورين ياشباب

صراحة إلي مخليني شوي مو ختيف من الموضوع هو إنةه كان عندي كاديلاد إس تي إس شريتها في 1995 و قعدت معاي إلى 2001 و بعدين بعتها و هي للحين موجودة مع لي شراها يعني السيارة عايشة بتطق ال12 سنة ألحيين مع إنها كاديلاك و خصوصا في ذاك الوقت كانت سمعتة دمار ما أقول الكدلك كانت من غير خرابات بالعكس أتذكر قد جاها كم خراب خصوصا في السنوات الأخير لكن ماكانت خرابات تخلي الواحد مايشتريها من الأساس

انا ذكرت الكدلك عشان سمعتها ذاك الوقت كانت مماثلة للرينج ألحيين....يعني أكييد السيارة بتجيها خرابات و هاذا حال السيارات لكن بدرجة تقدر تتعايش معاها


المشكلة مع الرينج إنة صحيح سمعتة سيئة و حتى لو رحت لمنتديات أجنبية بتشوف تقريبا نفس الشي لكن المشكلة إنك ما تلقا كلام يصدر من أصحاب السيارة أنفسهم يعني كل إلي نسمعة أراء شخصية نحترمها لكن اتوقع إن التجارب الشخصية بتكون خير برهان

انا تكلمت عن المواقع الأجنبية بس المشكلة ان يجيك واحد يسب لسيارة و يسرد خراباتها و يجيك واحد ثاني يمدحها بشكل غير طبيعي و هاذول ناس عندهم السيارة من سنين يعني مو توهم شارينها

انا شقت رد في موضوع اخر للأخ عاشق الللألماني يذكر فيها خبرتة مع وكيل الرينج (الرجال أو أخوه معاه جاكوار مو رينج) بس خلاصة كلامة يقول إن السيارة عندهم لها سنة و نص و الوضع ماشي مع الوكيل و مدح كم شغلة لاحظها عندهم يعني هاذا كلام واحد تعامل مع الوكالة و إن كان ماشافهم خرافيين لكنة شافهم معقولين (هاذا رابط الموضوع http://www.assayyarat.com/forums/showthread.php?t=102757&page=2)

لا اعتقد ان فكرة شراء لاند روفر مستعمل فكرة حسنة لان السيارة فيها مشاكل وهي جديدة فما بالك بالمستعمل
فيه البديل سعر مناسب وفخامة وضمان والعب على المضمون افضل
تمنياتي لك بالتوفيق

يا اخي انا من اشد المعجبين بسيارات لاند روفر شكلا واداءا بل انني من العشاق وفكرت كذا مره في اقتناء سياراتهم الديسكفري حتى انني في احدى المرات دخلت مستودعهم وانتقيت السياره نفسها

لكن الواقع والي خلاني اعدل عن قرار الاقتناء وبدون عواطف انها من اكثر السيارات اعطال ومشاكل ولكل بدون استثناء حتى البريطانين يذمو فيها ويشتكو مر الشكوى منها

غير كذا الوكيل من اكثر لوكلاء سوءا يعني موت وخراب ديار

روح اسال عن اسعار القطع الي بعشرات الاف من الريالات في الوقت الي اسعارها في السيارات الثانيه ممكن تكون بالمئات \

لما تروح تصلح السياره في الوكاله ممكن تجلس السياره الى ثلاثة شهور في الوق الي في اكثر الوكالات الثانية تاخذ السياره ثلاثة ايام لنفس العطل وعندي على كذا شواهد ...

شراء مستعمله هذا يضيف مخاطره فوق مخاطرة انك شاري لاندر روفر بمستوى جودتها الردئ اساسا وهي جديده

انا لا انصحك رغم حبي لهذه السيارات بشراءها حتى لوكنت مستعد تصرف عليها لانه سوف تاكل وقتك واعصابك لما تخرب عليك وانت في الطريق وانت كاشخ فيها............

اذا مره السياره داخله مزاجك ولابد خذها باسلوب الايجار بحيث اذا خربت وبدات تطلع مشاكل كبيره غيرها وخذ جديده او يكون عليها عرض ضمان ممتد لمدة اربع سنوات ا خمسة وحافظ على الصيانه الدورية وتكون مؤمن عليها تامين تعاوني اول ما ينتهي الضمان بيعها على طول والي تجيبه او بدلها في الو كاله هذا عشان تريح راسك

وعموما البديل موجود في الالماني والياباني
وربنا يكتب لك الخير

مشكورين ياشباب عالمرور و المعلومات الحلوة

الحقيقة في شغلة ثانية مخوفتني و هي إن السيارة إلي نتكلم عنها لاند روفو و كلكم تعرفون سمعتها إلي مش ولا بد

يعني خوفي تكون خرابتها كثيرة و لو ماكان هالشي مبين في البداية

مدري إذا في أحد عندة معلومة يقدر يفيدنا فيها بهالخصوص....... هل يقدر يكون الواحد مطمن إذا أخد رينج روفر مستعمل لة سنو ولا سنتين؟؟

طبعا أكيد السيارة المستعملة مو زي الجديدة لكن نوعية السيارة بعد تفرق يعني لكزس غير رينج روفر ...... الكلام إلي أقولة عام و مو مبني على تجربة شخصية من ناحية الرينج روفر عشان كذا حبيت أعرف رأي مجربي السيارة

هلا أخوي

هاذي غلي تتكلم عنها سيارات الcamel trophy

بس إذا تبي الصراحة هاذي السيارات بالذات ينخاف منها لأنها بعد السباق تصير السيارة قد شافت الوييييييييل و السباق إذا ماني غلطان في غابات جنوب أمريكا

يعني كأني ماخذ مرسيدس جديد و أقعد أفحط فية شهرين و بعدين أبيعة

بس مشكور حبيبي عالمعلومة

بصفة عامة السيارات الغالية طيحتها أكثر من غيرها.... حتى لو كان استخدامها خفيف...

على كل حال إذا لقيت النظيف المضمون فتوكل على الله ولا تشاور.... بس تكون متأكد 100% من نظافته,,

بالتوفيق..

اذكر قبل فتره يمكن 3 شهور ....... الوكاله في البحرين مسويه عروض على الاندروفر و الرنج

السيارات كانوا لسباق القدره ........ يمكن استخدموهم اقل من شهرين ورجعوهم الوكاله يبيعونهم و كانت اسعاره اقل بـ 5000 الى 8000 دينار بحريني !! الـLR3 سعره جديد 22000 الف دينار بحريني و كان سعره مستخدم بـ15000 الف بس !!

روح الوكاله وشوف المستخدمين عندكم !

السلام عليكم

السيارات الفخمة بشكل عام تخسر الكثير من قيمتها في السنوات الاولي وبمعدل 20 ا لى 30%

امس انا في معارض النسيم

فيه رنج 2004 عادي وليس سبورت

بــــــــ125000 ريال ونظييف

روح المعارض وشوووف