جمس Vs باترول VTC

الامريكي فزه فقط لاغير مايطلع خط على الياباني .. واكيد ان الجمس اللي طلع ويا الفتك عليه شي لان صوته موستوك .. واحب اقولك ان مو كل من قعد ورا دركسون الفتك سواق .. فيه الغشيم وفيه السواق .. وترا السفاري أخف بكثير من الجمس .. وان كان بجمسك خير!! خله يتقاوم مع فتكات قطر او الامارات .. احلق شنبي اذا طلع عليهن ;) كل شنب فوقه مقص ;)

اول شي مبروك للفتك
ثاني شي ماشاء الله على صوت الفتك هاذا صوته وهو ستوك!!!!!!!!!!!
صراحه يطرب

يقدم الجمس لو كان على الفتك تواير الشركه ( مياجر )

لكن اذا كانت على الفتك بوالين ما اعتقد يقدم الجمس عن الفتك خط

,وييين اصحاب الجماسي اشوفهم اختفو عقب الفيديو هههههههه

قومه جمس 8100 و نيسان VTC

مسكين ياراعي الجمس


http://www.youtube.com/watch?v=ioaT9faGFUE&mode=related&search

برضوا في مقاطع راح تنزل الى مايفصل الباترول على 205 والجمس قدامه يمشي

اول شي موب شغلك ارد عقب شهر ولا عقب شهرين اتوقع ان هذا شي مالك دخل فيه

انا حر متى ماانزلها انزلها مع اني داري انك ماراح تقتنع

وبعدين طيب انت كلامك كله هياط تدري ليش لانك ماثبت لنا اثبات بمقطع او بحتى صورة

ان الباترول يطلع عالجمس في المراقى والتطعيس

صح ان الجمس ثقيل لكن اللي يعرف له ولا اطلق باترول معدل يطلع عليه

عبدالعزيز الله يحيك انا قصد الناس الي,18,grade 15,16,17 يعني manager او supervisors خاصة في الخرسانية و العثمانية و شيبه علما انهم لا يكادون يشغلون الدبل حقهى كلّه على الإسفلت!!!!
اما ال VP'S ياعمي خلّهم في حالهم ما حد قدهم ذولي زي الوزراء وتعينهم يتم اعتقد بمرسوم ملكي ولا عمرهم يخشون البر إلا في الزيارات الرسمية وصحيح مواترهم كلها مواتر فخمة سيدان زي الكادلك والأودي و المرسيدس و البي إم و اللكزيس . الله يهني كل بدنياه وفي النهايه كلها مواتر وكل وحدة لها ميزتها

ولا عيش إلا عيش الآخره
الله يرزقنا واياك والمسلمين الفردوس الأعلى من الجنّه

أخوي وانا ابادلك الاحترام .. وكلامي عادي ومن تجارب بعيدا عن التعصب

لاكن الاسلوب يحسسك بهذا الشيء

أخوي يستعملون الاند في وسط البر علشان ماترتفع حرارته بالشكل اللي يترفع فيه الجمس

بالنسبه ان ارامكو تاخذه .. ابشرك ماتاخذ الا قليل جدا وهذا ملحوظ

بعدين الباترول يستلمونه اللي بالقريد سته ( الدرجه )

يعني مو شرط سنير ومافوق

من ناحية الرؤسا السنير العاديين مايعطونهم الاند كروزر واليوكون والسوبربان وحتى السييرا

بعدين الاند كروزر بدرجة في اكس ار يعني لو في فيه جي اكس ثمان سلندر كان خذو ووفرو

بعدين الروسا سنير VB ياخذون كاديلاك ديفل ولكزس ال اس 430 ومرسيدس فياجرا << المرسيدس كانت لعبدالله للجمعه ^_^

<<< ماتحس ان الموضوع قلب على رؤسا ارامكو كركركركر

على العموم اختلاف الرأي لايفسد للود قضيه

دمت بخير

السييرا عاد ما نقدر نتكلم عليه لكن ترى هو بيك اب مو ستيشن.بالنسبة للجمس 2500 (454) موديل 96 القدرة الحصانيه هي 327 !! بس قيره شديد مرّه يعني مو ناعم زي الجدد عشان كذا مو قوي في القومة بس في السحب(من 60 إلى 160) قوي يمكن زي الجداد

طيب تقدر تقول لي ليش ارامكو جابت اللاندكروزر و السفاري وهي ارامكو اللي انا وانت نعرف انها دائما تفضّل الأمريكي ليس لشيئ ولكن فقط لأنه امريكي؟
وهل تعلم ان اول ما جابوا اللاند و الباترول ما جابوها إلا للصحاري وخصوصا شيبه ودايما انواع الأناتل و الراديوات و الجي بي إس عليها وبعدين صارت الدوائر تطلب اللاند و السفاري وتعطيه الرؤساء للكشخه و إلا تلقاه يروح ويجي على إسفلت!!!
انا بعد ابوي شغال في ارامكو

اخي الفاضل اريدك ان تعلم اني احترمك شخصيا وجميع اعضاء المنتدى وما اقوله هو فقط يعكس رأيي الشخصي المتواضع وليس عناد لأحد او تعصب لموتر فالباترول له مساوئه أيضا التي يتفوق الجمس عليه فيها وهي ليست قليله

طيب التورك لاينفع اذا كانت القوه الحصانيه ضعيفه

وبالنسبه بالبر انا قلت لك جيب في اكس ار اتوماتيك او سفاري

وراح تحكم

ياأخي الفاضل ... انا لي اقارب كثير وموظفين بارامكو واولهم الوالد

جربو في اكس ار قير اتوماتيك ويوكون << للمعلوميه ارامكو تغير كفرات الوكاله

لان كفرت الوكاله اليوكون ماتنفع بقرش بالبر .. وبالكتالوج كاتبين خاصه للمناطق الجليديه

المهم

قالو ان اليوكون عزم قوي جدا واقوى من الفي اكس ار

عاد موظفين ارامكو بعضهم في بقاع الصحرا

وجربت لاندكروزر 2006 جي اكس ار قير عادي

بصراحه حمار على اربع كفرات

وفي البر حليو لاكن عزمه رايح ... الفي اكس ارافضل بالبر وبشرط يكون قير عادي

لان القير الاوتوماتيك مايعطيك بالبر وخاصة لما تبغى تطلع من تغريز

...

واذا كان بنظرتك ان السفاري اقوى من الجي ام سي

مافي الا السييرا يهجد الباترول بالبر !!

START OVER انا والله مصدقك إحنا زي ما قلت لك عندنا مواتر جموس 94 و 96 و97 و والله انها قويه جدا في البر لكن ياخي ثقيله و الصراحه ان ما عمرنا غرّزنا لانا ناس والحمد لله نسوق ونداري المواتر وهي دبل يعني ما نسوي استعراضات. وقوة السحب فيها هائله جدا اقوى من الجديد لكن ياخي الصراحة ان النيسان فيتك اخف وزنا وارشق حركة من الجمس و هذا حتى في الموديلات الجديده في البر وليس في السفلت.

عبد العزيز العتيبي. اخي الفاضل انا الوالد عنده جمس 1500 2002 و الله صدق انه قوي وقايم فيه على لاند و سفاري و جمس 2500 وسيادين اخرى زي الكامري و الأكورد (4سريندل) بس بالنسبه للعزم(التورك) القديمة ترى اقوى ولا اعلم يقينا مدى قدرات اليوكن 2000 وما فوق في البر لان اللي عندنا مو دبل ولكن انا ابدا لا انكر قدرته في البر بل انه قوي و يكفي و يوفي ولكن هل هو افضل من الباترول المخصص لذلك (لا اعتقد)

انا شخصيا سيارتي القادمة بإذن الله تاهو ببساطه لانه اريح ومواصفات اعلى و اقوى وحياتي ليست في البر وطلعاتي للبر هي طلعات عائلية بسيطة وإذا رحت للجنوب ما راح اكسّر موتري في الجبال و الوديان حتى لو كان لاندكروزر . عندنا الشاص الله يخليه هههههه

أولا موديلات 2000 وفوق أقوى من 99 وتحت

ومن ناحية تجربه أخوي وبيوكون موديل 2002 دفرنسين

قمت على سوابر موديل 99 وتحت محرك 454 مكعب و355 مكعب

وحتى بالبر مايشد معاي

وقمنا على سوابر موديلات 2000 محرك 6,0 ليتر ماشد لاقومه ولاخط بسبب ثقله

بعدين ياخوي

اذا جيت تقارن السفاري بجمس وخصوصا يوكون بالبر

جيب سفاري قير اوتوماتيك وكفرات حجريه مثل كفرات اليوكون

لان الكفر وادا القير له دور

يعني لو فرضا جبنا يوكون بقير عادي وكفرات بالون

كان خلينا السفاري بشتى انواعه والاندكروزارت ورى مليون سنه ضوئيه !

انا ردي كان على ان الجمس مايطلع الا بسحب وكتبت لك عن موقف صارلي انا ماتكلمت عن امكانيات
الجمس على الطعوس لأني موب راعي تطعيس ولاعمري جربت اطعس فيه حتى اعرف امكانياته.

ملاحظه صدقني لو كملت المقاومه للنهايه رايح يطلع السفاري

راعي 8100 كيف حالك عساك بخير
شوف الجمس ماحد يقدر يقول فيه شي موتر ماعليه كلامك وخصوصا 8100 ماشالله طياره
بس حده الزفلت اما البر والطعوس حبيبي هذي لعبة الكبار السفاري واللاندكروزر
وننتظر المقاطع
وشكرا

لا والله ما عندي ولا حولي باترول الحين لكن انت تقول ان عندك مقاطع بالهبل الجمس يطلع عالباترول وعرضت علي تنزيلها. تكفى اتحفنا بما في جعبتك يالمهايطي. لا تستنى شهر رد وحط الرابط الله لا يهينك. مو انا اللي يهايط من ورى الشاشه.

حبيبي اللي بيني وينك النفووووووووووود

حولك باترول اطلع لي ياخي

ترا كلنا نعرف نهايط من ورى الشاشة

الكلام الزايد مايجيب نتجيه جب لي باترول وانا مستعد اطلع لك بجمس

ها وش قلت ؟؟؟