الكابرس صار فيها مشكله بعد البرمجه ؟؟؟

للأخوه جميعا

في رد من المهندس ينصح فيه بالتشييك على الفيشه اللي تركب في الأير مس air mess اللي يركب على

طول بعد فلتر الهواء اذا فصلته والاشتغال مثل ماهو معناته ان القطعه لازم تتبدل لأن هذي القطعه لها تأثير

في إشتغال المحرك بصوره صحيحه حيث انها تخبر الكمبيوتر بكمية الهواء الداخله للمحرك والتي على اساسها

يعطي الكمبيوتر كمية البترول اللازمه للإشتعال يعني تغييرها ضروري حتى لوماكانت هي السبب في التقطيعه


اما القطعه الثانيه فهي اللي تركب في الثروتل بدي وأعتقد انها تقرأ حرارة الهواء الداخل للمحرك والرجاء التأكيد

على هالكلام من قبل العارفين به لأنها معلومه مسموعه وليست مجربه

وللأخ bten يبدو انك صاحب خبره في هالمجال والله يزيدك ونحن نطمع في خبرتك الله لايهينك

كلامي اللي ذكرته فوق للعلم فقط وماقول انه هو سبب علة سياراتنا انا واخوي راعي الصابونه

تحياتي

انشالله بحل لك المشكله

خطوه بخطوه

اذا المكينه الي ركبتها موديل96 لا زم رقم الكمبيوتر يكون 16214399

واذا المكينه الي ركبتها موديل 95 او 94 لازم رقم الكمبيوتر يكون 16188051

الكمبيوتر موجود تحت بوكس فلتر الهواء في المكينه

للعلم اذا الكمبيوتر رقم مخلتف يشتغل المحرك ولكن يوجد تقطيع في قومه السياره والسلف يأخر

الاخ bten : جزاك الله خير اخوي وماقصرت بس وش اسم القطعه هذي ؟؟؟ عشان اشتريها واجرب حظي

يعني اذا رحت لمحل قطع الغيار وش اقول له وش اسمها؟؟ ثانيا : هل اذا فتحو القير من تحت تحتاج زيت قير جديد

ثالثا : وين اشتغلت الموتر عشان اشتغل موتري فيه يعني في اي ورشه شكرا لك

اتنظر الرد حبيبي

عندي كابرس ال تي زد 96 حصلت نفس المشكله السياره تقوم من الغيار الثاني

الحل يفتحون القير من تحت وفي قطعه اكترونيه قيمتها 120 ريال بدلتها وراحت المشكله والحمدلله

للعلم تركيب القطعه ماياخذ 15 دقيقه فقط

واي استفار انه حاضر لانه عندي نفس السياره

جزاك الله خير اخ شروكي وان شاء الله خير

حبيب البي

هلا راعى الصابونة من جهة الضرر مافى ضرر ان شاء الله وخل دعستك فى البداية خفيفة الين السيارة تاخذ عزمها ثم ادعس..والقير مافيه شى كل الشغلة ان النمر تتغير بناء على امر من الكمبيوتر وطالما مافى امر من الكمبيوتر القير يغير على كيفه وطالما انت بالرياض روح للقصيم واسأل عن المرهمين الف من يدلك وترى لهم موقع ينقاله منتدى تطعيس بيفيدونك هناك...
بالتوفيق......

الله يعطيك العافيه اخ شروكي : على العموم الظاهر ان الكلام هذا صحيح وانا ان شاء الله بامر على محل متخصص في القير
واخليه يشوف المشكله هذي عشان نكون متاكدين 100 % وانا بارد لك خبر عن الي يصير

وبالنسبه لموقعي انا بالرياض

طيب سؤال اخ شروكي : اذا صار كلامك صحيح ليش يبدل القر بالثاني؟ هل معناته القير مخبط؟؟؟؟؟
وهل يضر لو امشي عليه لفتره شهر كذا لين نخلص من هالجامعه وبعدين ابدا اشتغل عليه في الصيفيه ؟؟؟؟
شكرا

الحمدلله اخيرا تأكدنا وين المشكلة بالضبط......واضح ان الكابرس عندك يقوم بالثانى....ونا كنت ابوضحلك فى ردى السابق موضوع النمرة الثانية بالقير العادى لكن قلت اذا مافهمتها ابوضحلك اياها لكن الحمدلله انك فهمتها...عموما......
شوف الشغلة ماهى سهلة وتراها مكلفة وممكن تخسر فيها كثير.....لان هناك كذا شى فى الموضوع: عندك حساس داخل القير له علاقة وعندك حساس عند الثرتل بودى او البوابة.....وعندك الشى الاخير هو فى مايتعلق ببرمجة الكمبيوتر نفسه.....واذا ماطبيت بشخص فاهم راح تتعب.............بس اهم شى انك توصلت للعلة والباقى على الله......
لكن انا ابريحك من الهم ذا كله والامر راجع لك:
اقلبها كربرتير وكل اللى انت محتاجه ثلاجة رياضية وهدرز وكربريتر هولى وقير عايدى حق جمس حوض موديل 97 او 98 حق الونشات اللى تسحب السيارات المهم اللى عليه مكاين التى ون صحيح قليل وجوده لكن انت وحضك..وعموما موضوع القير بسيط ممكن تاخذ قير شيروكى وكل اللى تحتاجه تحويله ماتكلف 150.ريال..المهم الشغلة ذى مجربة واستخدمت فى الجيوب المرهمة واعطت نتائج مذهلة.....تخيل على جيوب كفرات مقاس 31 ونت طالع اجل كيف الكابرس.....
وصدقنى بترتاح كثير لان عيب الال تى ون كثرة حساساتها.....
وفى طريقة اخرى انك تركب قير حق الكابرسات القديمة ويغير مع الدعسة ماله علاقة بالكمبيوتر لكن نتائجه يمكن تكون اقل بكثير من القير ال 700 الالكترونى اللى هو اساسا حق الا تى ون.........
وانت ورايك........
عموما اهم شى انك عرفت وين العلة بالضبط.......
ملاحظة انت وين موقعك بالضبط يعن باى مدينة ساكن...
بالتوفيق........

الاخ راعي الشروكي : بالنسبه للقومه تعبانه صراحه مقارنه بالكابرسات الاخرى , وعلى فكره لما اقومها اسمع صوت نفس صوت السياره القير العايدي اذا قومتها على 2 مثلا , والله ما ادري يمكن ان كلامك صحيح ليش لا بس المشكله انه ماعندي شاشة الاربي الكابرس مايجي فيه , بالنسبه للكمبيوتر : انا برمجت كمبيوتر السياره حقي يعني حطيت فيه البرنامج حق ال تي ون و انا ما اخفيك اني كنت شاك بالقير وقلت للي يبرمجه شف برمجة القير الي بالكمبيرتر قال تمام تمام والله شكله على الريحه

وانا بأسوي الي قلته وبأشوف

الله يعطيك العافيه

لحظة ياراعى الصابونة....السيارة قومتها ضعيفة ولاتفز معاك........شوف اذا كانت ضعيفة معناته يبو الشباب ان الكابرس عندك يقوم بالثانى عشان كذا تصير عندك الصرقعةوبعد ماياخذ الكابرس عزمه تضبط الامور ....ولو افترضنا ان القومة عندك قوية هل يمسك معك الاربى ام ولا شوى وينقل للنمرة اللى بعده.....عموما اتوقع ان لم اكن متأكد ان المشكلة بالقير عندك وبالتالى الموضوع كله يتعلق ببرمجة الكمبيوتر للقير...وبعدين انت اساسا الكمبيوتر اللى عندك حق التى ون حسب مافهمت منك انك برمجت الكمبيوتر القديم ببرنامج خاص بالال تى ون...........وفى حل بسيط جرب تركب كمبيوتر حق الاس اس او الالتى زد المهم ان المكينة ال تى ون...وعلمنا وش يصير معك.....

عزيزي هاوي الجمس : اذا قصدك البيب الي راكب بصندوق فلتر الهوا , انا فصلته مره كنت بأجرب ولكن ماصار اي شي ورجعت ركبته مره ثانيه والصراحه انا ما ادري وين يروح هذا الواير


بالنسبه للأخ موفق انا بأراسلك والله يكتب الي فيه الخير

بسم الله الرحمن الرحيم
بلنسبه لموضوعك يا صديقي ليس صعب ولكن الواحد من يبحث في الامور الصعبه والمعقده ويترك الامور السهله قريت تعليقاتك وتعليقات الاخوه الاخرين واريد توضيح شيء ما هو عمل الكمبيوتر انه نضام للتشغيل والمراقبه وانا استغرب جدا من موضوع تنزيل البرامج للسيارات سيارتك تعتبر موديل اشوي قديم اول شيء تعمله تشغل السياره بلكراج وتراقب العادم الي بخرج من الصالنصه فيه تفتفه اعيدها تفتفه ام العادم مستمر ومستقر اذا كان متقطع معماه البواجي واذا صارت الحاله عند الضغط على البنزين فهعناه احد مشكلتين اما طرمبه البنزين فيها بداية ضعف وهو الارجح واما ضعف في الصبابات اي الولفات الي براس المحرك الكور اما بلنسبه للحساس الي ذكره الاخ في البدايه فهو حساس الاونس نوك سينسر وهو حساس يراقب ولا يشغل والفحص بلكمبيوتر يضهر ذلك ودعك من موضوع اعادة البرمجه او تغير الكمبيوتر رغم اني مهندس كمبيوترات سيارات واذا احتجت لشيء راسلني على العنوان التالي [EMAIL="rahma1998@yahoo.com"]rahma1998@yahoo.com[/EMAIL] والله ايوفق الجميع

عزيزي راعي الصابونه

بعد فلتر الهواء فيه قطعه راكب فيها واير إفصل الواير وخبرني شو يصير عندك

هل يتغير الاشتغال يعني ينزل الريس شوي ولا الاشتغال مثل ماهو

بإنتظارك

الاخ العزيز شروكي : والله متردد من ناحية الديلكو اخاف اغيره ويطلع مافيه شي , كل ميكانيكي يقول لو ان الديلكو خربان كان نتع الموتر ولا مشى يعني يقولون مستحيل يصير الخراب في الديلكو

الاخ هاوي الجمس : مشكور على الموقع , وعلى فكره فيه واحد يبرمج عندنا في السعوديه لقيت عنده برنامج في كمبيوتره فيه كل انواع البرمجهTAXI , POICE, SS IMPALA صراحه بغيت ابرمج الموتر برنامج الشرطه بس قال لي اذا خبط القير بعد كم من شهر من كثر التدعيس والقومات ترا ماني مسؤول >>> قهر والله على العموم انا كذلك قررت اغير كل شي لين اكتشف

الاخ عاشق الفورد : والله ما اتوقع القير لاني فحصته وكل شي تمام وزيت القير ماينقص ولا يتغير لونه

نبي حل والله طفشنا

أخوي عاشق الفورد عندنا جمس 1500 سنغل مكينته سته سلندر ركبناله ثمانيه سلندر 501

اللي هي 8.1 على نفس القير الاصلي اللي هو 4l60 مع تركيب كلتشات هاف ديوتي

بس صادفتنا مشكلة الغيار الرابع ماكان يعشق رابع يعني ثلاثه غيار بس وفوق هذا كان يجيب

230 على الجي بي اس كانت فيه نفس المشكله بس بشكل خفيف جدا

والحين صاحب السياره رجع المكينه الاصليه ومازالت المشكله موجوده

يعني ممكن تكون المشكله اللي عندك غير اللي عندنا

تحياتي

اذا كان السبب شي ثاني تراني نويت اغير كل قطعه الى ان اجد السبب



سلااااااااااااااااااااااااااااااااام

أخ ميييييييييييييشو

تحياتي انا خرطت محرك ال تي ون .60 وركبته بدون برمجه والسياره كانت من احلى مايكون

عزيزي راعي الصابونه فحص الكمبيوتر يكشف اي خلل في الحساسات او الكهرباء

هذا رابط ممكن يفيدنا بالنسبه للريشيو او نسبة الدفرنش مع اني ماعرفت اتأكد من نسبة الدفرنش

اللي أدور عليه http://www.9c1.com/technical/engineapps.htm

هذا اذا كنت بتعرف النسبه المطلوبه وبتركبها

واذا كان السبب شي ثاني لأني نويت أغير كل قطعه إلى ان أجد السبب

هلا راعى الصابونة احتمال وارد....عموما قيمة الديلكو الامريكى حدود 450 ريال والاصلى يمكن 800 يقل او يزيد مااذكر والامريكى افضل.....
الاخ هاوى الجمس كورونة 4.1 والله نسبتها كبيرة على كابرس مستحيل السيارة تقوم بالاول الااذا عندك محل كفرات ...لان ببساطة الكفرات بتحفر محلها......