السلام عليكم ورحمة الله وبركاته
في البدايه احب اشكر كل القائمين على هالموقع
لأن والله وبكل صراحه صار يوفر على الكثير منا الدواره على الورش والوكالات في اغلب الحالات
الله يعطيكم العافيه جميع ...
ياجماعة الخير ..
انا عندي سياره لكزس موديل 1996 .. (LS 400 ) استخدام امريكي
والسياره فيها شوية مشاكل ..
واكبر مشكله اني سويت عليها حادث وتلفت علي الشمعات الاماميه والشبك والصدام
ومحتار وين القى قطع غيار .. ( للاستخدام الامريكي ) .. خاصه وانا في المنطقه الشرقيه وفي الدمام بالتحديد
لأني رحت الوكاله وقالي مافيه الا قطع للسعودي والخليجي .. والامريكي يختلف شوي عنها بس مو موجود
عندهم .. وجربت في التشاليح .. وقالوا لي مقدمه كامله بألفين وخمسمائة ريال ( الشبك + الشمعات + الصدام )
وش تنصحوني فيه ........... ؟؟؟؟؟؟؟؟؟ والله متوهق وابي اصلح الموتر ..
وثاني شي قامت السياره تقطع (( تتفتف )) .. بين فتره وفتره
وتوصل الى انها تطفى وانا ماشي على خط سفر وبالتحديد اذا هديت السرعه عند نقطة تفتيش او محطه
بدون سابق انذار ..
وسألت عن هالمشكله ..
اللي يقول غير حساس الاكسجين ..
واللي يقول غير حساس المكينه
واللي يقول واللي يقول ................... الين تهت بينهم كلهم
وآخر مشكله وهي مهمه برضوه
الفرامل عندي ضعيفه يعني ما الاحظ قوة في الدعسه لما امسك فرامل زي اي سياره ثانيه مثل الفورد او الكابريس مثلا
مع العلم اني غيرت الاقمشه كثير ولا يوجد تهريب في الباكم حق الفرامل
واذا ما عليكم امر ...
ابي اعرف اسعار ولو تقريبيه للقطع اللي تلزمني
... انا طولت عليكم وكثرت المشاكل ..
بس انا متوسم فيكم الخير وان شا الله انكم تساعدوني
:confused: :confused:
والله يعطيكــــم الـف عافــيه ..
Lexus96.
