مشكلة في اللومينا ( رجة ) عند مسكة الفرامل

[عبدالمحسن]

السلام عليكم أخواني ...
عندي مشكلة في اللومنيا اللي شريتها من مدة بسيطة ...

LS موديل 2006 مامشت إلا 1000 كيلو ..
وهي عند الوصول لسرعة 120 وضغط الفرامل بقوة تحصل رجة أمامية ..
شيكت على الكفارت سليمة... رحت للوكالة علشان التشييك الخاص بالألف كيلو ..
قالو لي يمكن علشان القماشات توها ما خذت وضعها .. ...!!!
تعال بعد 3000 كيلو وإذا فيه نفس المشكلة راح نزينها لك على الضمان ...


وش والمشكلة و الحل ؟

[الـعـمـيـد]

السلام

هلا اخوي

انا صارت لي هالمشكلة في لومينتي


لكن غيرت الفحمات وخرطت الهوبات والحين الحمد لله مثل العسل


لكن مثل ما قلت انت ما مشت الا 1000 يمكن من الوكالة المشكلة

[افالوني]

نفس الشي عند اخوي معاه كابريس 2004 ويعاني من هالمشكله؟؟

ليت الاخوان يفيدونا بحل مثل هذه المشكله..


شكرا عبد المحسن

[ooo.ooo]

المشكلة واضحة وحلها سهل وهو خرط الهوبات أو تغييرها

والمشكله هذي دائمة الحدوث في الكابرس واللومينا.

[عاشق الالماني]

السلام عليكم ورحمة الله وبركاته

أخواني

الحل لهذه المشكله هو خرط الهوبات الأماميه بدون تغيير الفحمات .
على ما أعتقد والله أعلى أن السبب ربما يعود إلى وقوف السياره لمدة طويله وتصلب الجزء الخارجي من الهوبات ، أو لعدم ملائمة الفحمات لوضع الهوبات وربما تنتهي المشكله بعد الأستعمال المستمر لفتره وجيزه .


تحياتي ..،،

[راعي الصابونه]

خرط هوبات وانت مغمض وركب عليها نفس الفحمات والقماشات لانها جديده اكيد

[ford_t.bird]

المشكلة واضحة وحلها سهل وهو خرط الهوبات أو تغييرها
.

كلام اخونا صح خرط الهوبات و فحمات جديده وتصير احسن مايكون

[فني سيارات]

ياشباب السيارة جديدة ماشيه بس 1000 معقوله يحتاج يخرط الهوبات

انا ابي اسالك عن الرجة الامامية الي تقول عنها

يعني تحس فيها في السكان في الستيرنج او في ضغطة الفرامل تحس برجه في الدواسة
؟؟؟