قناة السيارات
السلام عليكم
ياشبــاب ياحلووووين
شريت ماكسيما 2004 الدفعة الثانية وكالة
وكانت معي وش حليلها
مدري وش اللي جاها وقلبت علي
بحفة هوا تطير
رســـــاوة XXXXX مافية
فوق كبري خريص بغيت اجيب العيــد
شيكت على الأذرعة مافيها مشكلة
كيف ياشباب ارجع السيارة رساوة وكالتها
وكيف أقدر ازيد الرســاوة لأقصى درجة ممكنه
أبي شي مضمون مع العلم اني في الرياض
عندي مشوار للشرقية يوم الاربعاء تكفون انتظركم
اذا تقصد الثبوت مع السرعة لااعتقد انه متوفر او تشعر فيه مع المكسيما
لانها خفيفة جدا و قويه جدا
في اعتقادي الشخصي لايوجد تناسب مع قوتها و جسمها الخفيف
واتمنى منك عدم السرعة
على طاري الشرقية
انا قد سافرت بماكسيما 2000 للشرقية وكنت امشي 180 الى 240 كم و السيارة ولا احلى منها
واذا كان على الهوا ترى الهوا يلعب في كل السيارات وخصوصا اذا كان قوي
احتمال ان السيارة فيها مشكلة مع اني ما اتوقع هالشي لكن يمكنك تعودت على الاوميقا عشان كذا قلت مهيب راسية
السلام عليكم ورحمة الله
من قال أنه نيسان عندها رساوة لا أحد يشكك في قوة محركات نيسان لكن رساوة وثبات !!!! أنسى
يمكن في البداية الواحد يكون مبسوط في السيارة ما يعرف عيوبها لكن تطلع بعد فترة إذا تعود عليها وهذا شي عادي.
لكن الصراحة الماكسيما من السيارات الجيدة ما شاء الله و نيسان سيارات قوية ولها إحترامها >>>لكن هوندا أفضل في بعض النواحي :P:P
الله يعطيك خيرها ويكفيك شرها
حبيبي فني سيارات
معك حق في كلامك
لكن السيارة ماكانت كــذا !!
يعني كانت أرسى !!! ومن ناحية السرعة ماكنت اتعدى 140
اخوي الخبير
يمكن اني تعودت على رساوة الأوميغا
لكن بصراحة الماكسيما كانت حليووه
صح مو مثل الاوميغا لكن راسيه بشكل معقول نسبيا
لكن الحــين لا
هل تركيب المساعدات الرياضية يساعدني في الرساوة
لأني سبق ركبت على الأوميغا وطلعت راسية بقوه
احترامي لك عزيزي Cool Civic
الماكسيما بنظري أفضل من هوندا أكورد الفل أوبشين
وتجربتي خير عنوان ودليل على ذلك
الماكسيما صارلها معي سنه بالضبط
لاحظت التغيير بالرساوة من شهر تقريبا
يعني ماهيب سالفة فرحة بالسيارة الله يرضى عليك
شكلي بوديها للوكالة مع انهم نصابين لكن امري لله
اخوي شيك على الكفرات والترصيص وبدل اماكن الكفرات يمكن هي السبب لانها قد حصلت مع سيارت الوالد
اللي قبل الكابرس 95 وغير الكفرات وصارت والسيارة تمام ولا عاد تحذف
تحياتي اخوك SOSO2004
انا اعرف شخص كان معه ماكسيما وكان يسرع كثير المهم في يوم جاني خبر وفاته لانه اسرع بالسيارة وجاب طبلونها وجاب معها العيد في نفسه وفي اصحابه اللي كانوا راكبين معه مابقى في السيارة الا واحد بس ما مات وهو اللي حكا لي كل اللي صار وهذا عيب المكسيما انها سيارات مش مبرمجة على تحديد السرعة يعني فالته وكمان خفيفة بالنسبة لسرعة الـ250 لان السيارة اللي ساقها صديقي الله يرحمه انقلبت بدون سبب والمسألة بدات بانحراف بسيط بالسيارة وهناك بدات السالفة طبعا اللي نجا هو معاق وانتبهوا من شراسة المكسيما والله يبعد الشر عن الجميع.
