قناة السيارات
السلام عليكم ورحمة الله وبركاته
الشكر للجميع مقدما على الإهتمام
أبي اشتري فورد - جراند ماركيز - وبصراحة أنا أول مرة اشتري سيارة أمريكي
بس السيارة عاجبتني وما أدري وش رايكم فيها
يقولون عيبها ( الحرارة ) يعني تسخن وخاصة مع المكيف وماهي سيارة خطوط يعني ماهي سيارة سفريات
ياليت اللي عنده فكرة كاملة عن السيارة - ميزاتها - و - عيوبها - لايبخلبها علي
وياليت أعرف أسعارها
وكل الشكر للجميع
اخوي أبو فايزز أهلاً وسهلاً بك معنا في المنتدى السيارات ومبارك عليك الشهر
وبالنسبة للماركيز احد الزملاء معاه ماركيز 98 فل كامل شاريه مستعمل سافر عليه اكثر من مره
وسفرتين كنت معاه ( موتر راسي + مكيف ممتاز + صرفيه ممتازه في الخطوط + حراره طبيعيه )
يعني الموتر ممتاز وعائلي وحق سفريات واترك عنك شركة قالو واسئل المجرب والموتر يحتاج
إلى شخص يهتم فيه عشان يعيش مو شخص يدمره ثم يقول فيه وفيه .
وإيضاً أحد الزملاء ناوي علي ماركيز مستعمل موديل 2001 فل كامل.
انتظر المجربين راح يفيدوك اكثر من ناحية الاسعار و التحمل
ونصيحه استأجر السياره وجربها بنفسك ... وبالتوفيق
اتوقع لو بتعمل بحث في المنتدى الأمريكي عن القراند ماركيز راح تلقى عشرات المواضيع التي تتحدث عنه...
http://www.assayyarat.com/forums/search.php
أما الكلام عن الحرارة فهذا كلام ناس مغبرين وقديمين مرة..... مشكلة الحرارة في الفوردات انحلت منذ عام 1998 .... وما عادت الفوردات ترفع حرارة أبد... مؤشر الحرارة ثابت تحت النص بشوي في مختلف الظروف...
أما إذا الفورد مهي سيارة خطوط وسفريات... فما أدري أجل ويش هي سيارة الخطوط والسفريات؟!؟!
بالعكس، الفورد من أفضل سيارات الخطوط والسفر....
مريحة... وثباتها لا بأس به (موديلات 2003 وفوق أكثر ثباتا ورساوة من الموديلات السابقة)... وهادئة.... ودوران محركها منخفض... وماله أي صوت حنة وازعاج في الخط... وصرفيتها معقولة في الخطوط السريعة... وعزمها في الخط رائع... حتى مع وجود 5 أشخاص بالسيارة والكثير من الأمتعة... العزم بيظل نفسه ولا بتحس أنه قل مثل بعض السيارات... (الكلام هذا كله عن تجربة).
وبالنسبة للأعطال، أعطال السيارة قليلة... ولاهي كثيرة خراب.... ويعتمد على الأستخدام..
وميزة السيارة أنها دفع خلفي... وقلما تجد سيارة سيدان بهذا المبلغ دفع خلفي... اغلب سيارات السيدان الي اسعارها حول الـ 100 ألف صارت دفع أمامي...
وهذا لا يعني أنه ما فيها عيوب.... وما فيه سيارة في الدنيا كاملة....
تحياتي،،
التعديل الأخير تم بواسطة الرائد ; 08-10-2005 الساعة 02:48 AM
اخوي السياره ماشاء الله تماااام
انا كان معاي وحده واستخدمتها 3 سنوات ومشيته 100000 كيلو وتمام ويوم اشتريه كان ماشي 120000 مديل 99
والحين معي واحد ثاني وتمااام مافي احسن منه وموضوع الحراره انساها مافي حراره وعزمه مقبول والعمليه غايه في الروعه بس يبيلها هدوء مو عباطه...توكل على الله اهم شي خذ واحد نظيف اذا ماكنت بتشتري جديد...
شخباري ايام الحرارة
blue chevy : أخبارك عندك
اهمشي ماي السيارة يكون من اللي ينصحو به
فيه ناس ما تفرق و تعبي لك من ماي الحنفية !!
البلوك حديد و اذا دخله ماي مثل ذا يحلي و يجمع رواسب و يقلل ضغط الماي فما يدور عدل ولا يبرد
فيه ماي احمر أو ماي اخضر و اذا نقص ماي مقطر و بعدها خلاص الموتر 100%
و ابشر بتعجبك الصرفية في هالموتر
هـلا وغلا اخوي أبو فايزز
مبرووك مقدما والله يعطيك خيرها ويكفيك شرها
وبصراحة الشباب ماقصروا افادوك فيها
وبالنسبه للحرارة انسى همها ولا تصدقهم
انا معي والحمد الله ولا مرة ارتفعت الحرارة
وامسك فيها خطوط والحمد الله ماشتكيت منه
ولا تصدق وكـاله يقـولون لترويج الاشاعات
ولو فيـه عيوب كان ماشفت في كل شارع لايقل عن 5 ماركيز
< قوية شوي 5
قصدي 2
وبالنسبـه لآسعـار الماركيز فل كآمـل
موديل 98 يبدا تقريبا من 37 اذا كان نظيف مررة يوصل 40 وطبعا على حسب ممشـاهـ
وزود من 3000 الى 5000 على كل موديل فوق
طبعا انا اتكلم عن الصـالات بالشـرقيـة
اما بالمعارض الماركيز ينزل 5000 تقريبا عن قيمه الصالـه
يعني بالعربياول ماتركب اللوحة عليـه من الصاله ينزل من سعر الموتر 5000 ريال
وان شاء الله اكون افدتك
واذا تبي تجرب قبل لاتشتري اعطيك موتري اجار
وفوق هذا ترجعه لي معبي بنزين فـل
يعطيكم العافية أخواني وبصراحة فيكم الخير والله على الإهتمام
وأنا يا أخوان ما عندي أي خلفية عن الموتر منشان كذا سألتكم أما وكالة يقولون فعز الله يقولون بقوة - هم يقولون وأنا ما أقول شي ( ضعيّف ) -
ما أقول إلا الله ييسر الأمور توكلنا على الله ما بعد كلامكم شي
راح نشتري السيارة
واذا باقي أحد عنده معلومات عن الموتر لا يبخل علينا نستفيد ونفيد غيرنا
تحياتي لكم
