عندك مشكلة في بيجو307 أتفضل

[جداوي بقوة]

السلام عليكم

كيفكم انشالله تكونوا بخير

بس حبيت اقدم لكم خبرتي بما إني عندي خبره في البيجو 307

لأني كانت عندي 2002 وبعتها ودحين معايا 2004

وعرفت كل صغير وكبيره وكيف حلها واش مشاكلها

والعيوب والمشاكل إلي تحدث لكل واحد
مع العلم لإن اول الدفعات من السياره كانت عيوبها اكتر


ودحين الدفعه الأخيره 2005 تقريبا خاليه من العيوب اكترها مو كلها


ودحسن اي شخص عنده مشكلة أتمنى انه لا يبخل علينا
وانشالله بنساعده


وسلملم

[Accord V6]

أشكرك اخوي جداوي بقوة على وضع موضوع لمساعدة اخوانك الأعضاء بالييجو




يعطيك ألف عافيه









مع التحية والتقدير

[بندر بستن]

قواك الله وياليت تحط رابط موضوعك بتوقيعك عشان اذا راح الموضوع بالصفحات الخلفيه يشوفون الموضوع بتوقيعك عشان تقدر تساعدهم

سلاااااام

[جداوي بقوة]

السلام عليكم


بصراحه اشكركم على تعاونكم معي




وشكر خاص لـ Accord V6

ولبندر بستن


وانشاء الله احط رابط في التوقيع وسلملم

[مسترنت]

مشكور يا جداوي على الموضوع
بس عندي سؤال
ايش رأيك في البيجو 307 وبحكم خبرتك ايش هي عيوبها ومميزاتها
وشكرا

[جداوي بقوة]

اهلا بيك حبيبي مستر نت

والله السيارة مرره ممتازه وصراحه ميزاتها تغطي على عيوبها

صراحه من اكبر عيوب السياره عندنا في السعوديه

الوكاله حقتها ((بالبيد))

بالنسبة للسياره عدوها اللدود حاجه وحده وهيا المطبات يعني بعد فترة اذا ما كنت محافظ

راح تسمع اصوات وكأنها السيارة بدأت تفكك

تاني حاجه عزمها جيد جدا وليس ممتاز

ولكن في الطلعات والله زي ما يقولوا ((البيجو شينيور الجبل)))

كانت مشكلة المكيف ولكن دحين المكيف هوا القطعه الوحيد اليابانيه في السياة

ونوعه ميتشووبيشي ويبرد مرره ممتاز واذا مو مصدق تعال اركب معايا واريك


الحراره مافيها اي مشاكل مرره

في مشكلة صغيره وهيا الكمبيوتر ساعات لما تسيب السيارة تحت الشمس لفترة طويلة يبدا ((يخرف شويه))


مثلا تجي تنزل القزاز يوصل للنص ويرفع لحاله

ولكن نادرا تحصل

وتعرف ماشاء الله عندنا الشمس ما يحتاج



وبس


يعني تستاهل سعرها واكترط

انا الشي إلي عاجبني مرره الثلاجه الموجوده في السيارة

والله تستفيد منها كتير وصدقني والله تبرد العصير ابرد من ثلاجه بيتكم

وسلملم يا عسل

[*الـسـفـيـر*]

هلاااا

انا عندي 307 موديل 2004

فيها مشكله بالحرارة

إذا طفيت المكينة ترتفع الحرارة للـ95 درجة

والحل اللي عندي حل مؤقت .. وهو أني أقعد بالسيارة حتى توصل 95 درجة بعدين أفر المفتاح حد التماس وتشتغل المروحة

بس ما يصير كل ما جيت من مشوار أقعد في السيارة دقيقتين وانتظر العداد حتى يرتفع

يا ريت تفيدني

سلام

[جداوي بقوة]

اهلا بيك اخوي السفير

حبيبي السيارة اول حاجه عايدي لو وصلت لل95 مررره عايدي تعرف يعني إيش مرره عايدي

بس المفروض لما توصل من مشوار إذا كانت المروحه لساعها شغاله لا تطفي السيارة على طول استنى بس شوية وتلاقيها انطفت ونزلت الحراره

ولكن دا مو موضوعنا


الحل لموضوعك ولا حاجه اذا مرره كنت مستعجك شغل المكيف راح تشتغل المروحه طفيه على طول والمروحه راح تجلس شغاله إلي ما ترجع الحراره لما دون 90

بس في اسهل من كده


دق المكيف تسمع المروحه اشتغلت((المفروض لما تكون 95 والمكيف اشتغل لازم لازم تشتغل المروحه ولو ما اشتغلت ترا عندك مشكلة يمكن))

طفي المكيف وانتهى الموضوع المروحه راح تكمل شغل ماهي إلي 15 ثانية او زياده شويه إلا والحراره باذن الله تنزل


أتمنى اكون افتدك ولكن دا على حسب تجربتي انا وصدقني مافيه اي مشاكل لا على المكيف ولا على المروحه


ولكن ارجع واعيد واكرر مافيها مشكلة لو كانت درجه الحراره 95 مافي خوف مررره وعلى ضمانتي انا دا الكلام


وسلملم ياعسل