ألـتيـما ..وش الـفـرق بيـن الـنص فل و السيـاحـي..؟؟

[MeeShoo]

بسم الله الرحمن الرحيم

أولا أشكر أخوي
CAMRY -- XL-I على التقارير الرائعه عن سيارة الالتيما ..
ثاني شيء أولا إلى الان ماشريت السيارة لكني كنت محتار بين الاكورد والزووم والالتيما ..
ورسى الامر على الاخيره ..
والان محتار بين النص فل والسياحي وأبي الفرق بينهم بالشكل الخارجي والداخلي والمكينه ..؟
هل النص فل يجي فيها فتحة ..؟ وبرايكم وش أفضل لون على الالتيما ..؟

ياليت التجاوب لانكم بصراحه أشوفكم ماتقصرون من ناحية الردود والتجاوب مع الاعضاء ..

[ابو شطب]

والله ياخوي فيه فئتين للألتيما 4 و 6 سلندر مدري وش تقصد

على العموم

التيما 4 سلندر (سياحي): مافيها شي مميز (طيس)...قيمتها 59000
التيما 4 سلندر (فل): قير توماتيك+جنوط 16+ تشغيل 6 سي دي.....مافيها فتحه قيمتها حول 70000

التيما 6 سلندر ستاندارد(اقل نوع): نفس مميزات 4 سلندر....لكن الأختلاف في المكينه+جناح خلفي قيمتها حول 80000
التيما 6 سلندر (نص فل): قير توماتيك+ جنوط 17+فتحه+ انوار زينون +مراتب كهرب.......يعني نفس ميزات الفل سته لكن الأختلاف فقط في ان المراتب مخمل.....والفل الراتب جلد......سعر النص فل 89500 يعني 90000

[MeeShoo]

يعطيك الف عافيه ..
انا اللي ابي 4 سلندر ..
طيب الفرق بين الفل والسياحي ..
بالجنوط والسي دي والقير بس ..
انا ناوي 4 سلندر نص فل ..كم سعرها كاش ؟ وبالاقساط ..؟

[ابو شطب]

والله النص فل هو ما بين الـ 60000 والــ 70000 ريال

لو تروح الوكاله راح يعطونك كل المعلومات اللي تبغاها بما فيها اسعار الأقصاد......والله يعطيك خيرها ويكفيك شرها

[MeeShoo]

تشكر على ردك السريع ..
وجزاك الله خير ماقصرت..
كفيت ووفيت..

[# OMAR #]

توني اليوم رايح وكالة نيسان ..
الالتيما ستاندر (( اقل نوع )) بـ 59 الف ريال قير عادي اما الاوتو بـ 63 الف ريال ..
الاربعة سلندر فتحة وجنوط وسيدي بـ 66 الف ريال والجلد يزيد عشرة الاف ريال يعني بـ 76 الف ريال ..
الستة سلندر فل اوبشين مخمل بـ 89 الف ريال والجلد يزيد عشرة الاف ريال يعني 100 الف ريال تقريبا ..

[vAMP]

اخوي اللي مع خويي نص فل اوتوماتيك ب 85 ألف ..
واللي معاي فل بس قير عادي ب 85 ألف !!

وترا الفرق شااااااااااااااسع بين النص فل والفل !!

يعني مع إن الفرق 5000 بس لكن الفل فيها زينون (قيمته لحاله تركيب الحمراني ب 4100!!) وفتحة سقف ومقاعد كهرب وحساسات في مراية السواق تغمق مع النور العالي وانوار اتوماتيك ومكيف اتوماتيك !!

والفرق 5 آلاف بس !! والله حرام الواحد ياخذ نص فل !!

تحياتي ..

[سيارة]

عزيزي بالنسبة للوان عند اللؤلؤي حـــلو مرة ع الالتيما