كفاح وجهاد حتى تدور المكينه !!!!!!!!

[Mazdaa]

السلام عليكم ورحمة الله وربكاته

اهلا بكم اخواني الأعزاء

لدي مازدا 323 موديل 1991 كربريتر

بالسابق كانت المكينة لاتدور الا من النقرة الخامسه !!
لكن بمجرد ان تعمل اطفيها واشغلها من اول نقره وهكذا الى نهاية اليوم !!
فجأة السياره بالصباح اصبحت تعمل من النقرة الثانيه واول ماتدور المكينه اتركها وماتطفي نهائياً
وصار الوضع زي العسل ....

فجأة انتكس وضع السياره
صارت تعمل ولاكن ينخفض الريس وتطفي السياره ولازم ادعس بنزين واحياناُ تكتم السياره وتطفي
لازم ادعس بنزين لمدة دقيقه !!!!!!!
وبالظهر اصبحت تعمل من النقرة الثالثه او الثانيه واذا مشيت ودعست لها يصير لها تكتيم !!!
وبالسابق بمجرد ان تدور المكينه ماتطفي نهائياً اما الان تطفي ولازم ادعس بنزين
تكتيم او تكتم = فجأة السياره ماتدعس بنزين

البواجي غيرتها اخر مره بالعشر الاواخر من رمضان
فكيتها قبل اسبوع ولقيت على الطرف الذي يشبك به السلك زيت !!!!

وش السالفه الله يعطيكم العافيه

[fhad2007]

ههههههههههههه اضحك الله سنك

والله ضحكت على الكفاح والجهاد

الله ييسر لك امرك

ليش ما تحاول تنظف الكربريتر ؟
وتتأكد من صفاية البنزين ؟
وتتأكد من قوة دفع طرمبة البنزين ؟

[Mazdaa]

جعل الإبتسامه ماتفارق محياك
الحقيقة بالغت كثيراُ في وصف المشكله
السياره ماتطفي مباشره غالباٌ تنازع وتقاوم فتره بعدها تستسلم ههههههههههههههههههه
الصفايه نظيفه ومافيها شي او انسداد
والكربريتر نظفته قبل شهر ونصف تقريباُ
والكربريتر طيب ومافيه شي

الا الطرمبة مدري كيف تقاس عندك خلفيه وما اعتقد راح تكلف كثير صح ؟؟؟

نسيت اذكر شي اخر :
دقة السلف مع الصباح المشرق تكون اطول من المعتاد

[fhad2007]

^^^
جزاك الله خير وياك بمشيئة الله

لا ما تكلف شئ وانت واقف

يفك الانبوب او اللٌي الي شابك في الكربريتر يمكن شابك بصاموله
او مشدود عليه بسيم او قفيز
يفكه لك وشغل السياره وشف هل فيه بنزين يخرج ودفعه قوي ولا لا ؟

من الناحيه الكهربائيه تأكد من الكتاوت

بس ما دام انها تنازع وتقاوم ولا تطفأ بسرعه اعتقد المشكله ميكانيكيه بنزينيه وليست كهربائيه

[S N E E K]

تاكد من الديلكو الظاهر انه منه
وبالتوفيق

[ALTIMALOVER]

أظنها طرمبة البنزين و الله أعلم

[XxTrooKxX]

شوف يالطيب
أنا عندي لومينا 98 دفع امامي,,,
مشكلتي ان السيارة ما تشتغل من التشغيل الأول والثاني وبعض الاحيان الثالث
والسبب طرمبة البنزين

رأيي إذا ما تبي تغير طربمة البنزين ,,,
قبل لا تشغل السيارة , دق سلف أربع مرات بدون ما تشتغل
أشرحها لك.......
السلف مقسم ثلاث أقسام
السلف الاول راديو ,,,
السلف الثاني تولع لمات الطبلون والمكيف والحراكات هذي
السلف الثالث تشغل السيارة

دق السلف أربع إلى خمس مرات على السلف الثاني ,,,
وبعد هذي المرات الخمس ,, دق السلف الثالث عشان تشغل السيارة
^^^^^^^^^^^^^
الأخ مجرب ومقدر المعاناة