شوفو الجميح للسيارات كيف ظلمني ظلم مايرضى فيه الله ولا الناس ؟؟القصه بالداخل

[كابريس العالمي]

نعم انا شاب سعودي من ارض هذه البلد الطاهره ولكن انظرو الى جبروت هذه الشركه التي يقال انها شركه وطنيه ؟؟

بعد معاناه اكثر من ثلاث شهور لأشتري منهم سياره واخيرا اشتريت كابريس 2009 ال اس وبعد ماخصلت اوراقي ودفعت الدفعه ووقعت العقد وووووواكملت الاجراءات كامله !!

هذا الكلام قبل ايام تقريبا يعني يوم الاحد !!

المهم اتفجاءه اليوم يتصل علي مستشار المبيعات ويقول حنا اسفين والسياره مو من نصيبك ؟


قلت له ليش قال لي لأن السياره لقوها مكسره وملعوب فيها وغير صالحه للبيع

المهم انا قلت له طيب وش الحل وانا وش ذنبي خليتوني ابيع سياره اللومينا بسعر رخيص جدا 2004 بعتها بـ18 ونظيفه مره !!

وقال لي طيب خذ كابريس 2009 ثمانيه سلندر ذهبي .. ومافي الا هو ؟؟

انا مايناسبني اثمانيه سلندر لان راتبي ضعيف وصيانته صعبه ومتعبه شووووي !!!!!!!!!!!




دخلت على مدير المبيعات اللي اسمه عبدالعزيز البداح <<<اخلاقه زفت

وكأني جايه اشحذه والا مدري ايش

يقولي البداح الردئ !! روح اشتكي على مستشارين المبيعات واشتكي على الموظفين الصغار .. طيب وش ذنبهم انت يامدير المبيعات مالك سلطه وامر وماعندك حل انا وش ذنبي طيب !!


بالله شرايكم ياشباب !!

اقسم بالله العظيم اني توني جاي من فرع الجميح اللي على طريق خرريص والله ياجماعه ان اعصابي مولعه نااااار وابي حل !!

ابي ناس تنصفني من تلاعب البداح وشلته !! ابي حل ..


انا متضرر الان وماعندي سياره !! ورب البيت اني متوهق حييييل ومدري وش اسوي وانا بحيره من امري !!


وكنت اتمنى من الشيخ ابراهيم الجميح والشيخ عبدالعزيز الجميح ان ينصفوني ولكن !! اتمنى انهم يردون لي حقي ويحاسبون المخطئين !!!


انا اريد فقط حقي !!

انا مااقول ابي زي برا وخاصه بامريكا او بريطانيا او المانيا او الخ يعوضون المواطن هناك وتجبر الشركات على دفع تعويضات وغرامات على الشركات !! بسبب التعب والارهاق النفسي والوقتي


انا ابي بس ينصفوووني !!


وحسبي الله ونعم الوكيل ويارب اللهم اني اسالك انك تفك كربتي عني ياربي !!



كان معكم مواطن وشاب سعودي غيور مظلوووووووم يريد حقه فقط وكرامته فل تنصفنا يابو متعب فالأمر لايحتمل اكثر من ذلك !!

[v8-5700]

طيب يااخووي بسيييطة خذ اوراقك وودها لوزارة التجارة بعدين يحولونك على المحكمة
وتاخذ حقك
والله يوفقك

[mso]

غصب تشري منهم ؟

عندك 4 وكلاء يبيعون كابيرس

[عاشق الأوبيروس]

اهلاً اخوي ووسع صدرك ولاتشيل هم هذا بعض ماعند وكلاء سيارتنا المحترمين وماخفي اعضم وانا من رائيي اذا مالقيت منهم حل سو برقيه لخادم الحرمين الشريفين الملك عبدالله اطال الله عمره وجعله ذخر للاسلام والمسلمين . على الديوان الملكي واشرح فيها حالتك وانشاء الله بيرجعولك حقك وفوقه حبة راس بعد . والله يوفقنا وياك

[أبوهذال]

^^^

فعلا هذا افضل حل

و اذا تقدر تسحب فلوسك و تروح المعارض يكون افضل و افضل

و الجميح ترا كذا يعتبر ما سوا شي لانه سوا اكبر منها ولا يبالي

[max divel]

خير خوي

اتفضل بزيارة قصر الامير سطام امير الرياض

واشكي له موضوعك
واضمنلك انه الشركة تتبهدل وتنقل قيمتها

وممكن انها تتشمع احمر من ورا هالعملة هذي

ترا ماهي بسهلة مررة

طول عمري اقول مقولة يخوي

ياباني نعسان ولا امريكي عتبان

افهم المثل وتعرف وش قصدي

والسلام ختام

[keeeemoo]

الأخ العالمي ..... روق يا رجال ... والحمد لله الأمور بسيطة....
يا أخي .... عسى أن تكرهوا أشياء ويجعل الله فيها خيرا لكم...

والله من حظك.... انك ما شريت سيارة بالتأجير... أسأل الله أن يكتب لك الخير حيث شاء..

همسة للأخ الشريطي المحترم/ ابو نور....... لا تتشمت بالناس... ترى يبلاك ربي.... اقول لك اعتذر من الرجال...

[toyota ksa]

اخوي شوري لك انك تاخذ العقد هماك وقعت عقد خلااص خذة لوزراة التجارة ثم هم يحولونك على المحكمة .. لان العقد يلزم العاقدين .. وهم تلاعبوا بالعقد بس امورك تبيلها شوية تعب بس اصبر عشان تاخذ حقك من الهمج الي مايخافون الله باسلوبهم الهمجي