الطامة الكبرى: تويوتا كورولا صناعة صينية

[Xterra2010]

السلام عليكم ورحمة الله وبركاته...

ذهبت البارحة إلى معرض السيارات 2010 المقام في الرياض وقد كان محطم للآمال بقوة لقلة الماركات المعروضة التي لا تتعدى أصابع اليدين

وأول ماتدخل المعرض تجد تويوتا أمام المدخل مباشرة
وبعد التقليب بسياراتها أردت التأكد من أن الكورولا مازال تعليقها الخلفي مستقل
أم أنهم ألغوه ووضعوا حديدة أوعارضة حديدية بين الكفرين الخلفيين على حسب كلام أحد أعضاء المنتدى
فأستنكرت الإنتاكاسة في الكورولا لأن سيارتي القديمة موديل 1993 كانت بتعليق خلفي مستقل

ثم أردت التأكد من صناعتها حيث أنها فخر الصناعة اليابانية
فأنصدمت بأنها صنعت في تايوان (الصين) فسألت الموظف تايوان يعني الصين؟ قال لي نعم

إذاً بكم فذكر لي السعر الذي لم أستطع إدراكه من شدة الغضب وغادرت المكان وأضنه قال ب74000 ألف ريال للفل كامل

[e-v]

ياخوان شفيكم انتو اهي السياة مو صينية السيارة صنعت في الصين بعمالة يبانية شوف هالحين تشوف الكامري استرالي لكن هل اهو استرالي لا اهو يباني بس اليبان مو فاضين يجبون لك سيارة من اليابان المكان بعيد يمكن تتكسر السيارات الين ماتصول لسعودية او الخليج عامتا فيسون مصنع في استراليا يصنع سيارات علشان توصل هنا لنا سليمه هذا ماقله لي موضف تويوتا
بس سالفة الكورولا والله عجيب مع انو من زمنها مكان الصنع اليابان الا اذا هاحين سوو لهم مكان في الصين مادري والله
يعطيك العافية على الموضوع واتمنا اني قد افدتك

[ابو فنه]

ياخوان شفيكم انتو اهي السياة مو صينية السيارة صنعت في الصين بعمالة يبانية شوف هالحين تشوف الكامري استرالي لكن هل اهو استرالي لا اهو يباني بس اليبان مو فاضين يجبون لك سيارة من اليابان المكان بعيد يمكن تتكسر السيارات الين ماتصول لسعودية او الخليج عامتا فيسون مصنع في استراليا يصنع سيارات علشان توصل هنا لنا سليمه هذا ماقله لي موضف تويوتا
بس سالفة الكورولا والله عجيب مع انو من زمنها مكان الصنع اليابان الا اذا هاحين سوو لهم مكان في الصين مادري والله
يعطيك العافية على الموضوع واتمنا اني قد افدتك

عزيزي مع احترامي للموظف اللي عطاك هالعلم ما عنده سالفة
السيارة يتم استيرادها من غير بلدها الأم لخفض التكاليف وليس لقربها أو بعدها عنا.. بعدين استراليا ابعد من اليابان كيف تقول استراليا اقرب!! والمسألة وما فيها ان العمالة في غير البلد الأم ارخص سواء في استراليا او تايوان او تايلند ووش الفايدة من صناعتها في تايوان اذا كانوا العمال يابانيين؟؟

واللوم يقع أولا وأخيراً على الشركة الأم لاستهتارها بنا كعرب وقناعتها بأننا لسنا بكفؤ للتقنية والجودة وأن أي شغل بيسكتنا ولا ننسى الوكيل اللي يبي يكسب أكبر قدر ممكن من ظهور الشعب المسكين

[$ AL Z3IM $]

عادي .. جدا هاذي تيوتا وبعد كم سنه بتصير ..

هنديهـ .. مشكور اخوي على الخبر ..

[mr.nawaf]

تيوتا صارت مستهتره جدا

عقبال ما نشوفها في مستوى تاتا


تقبل شكر وتقدير اخوكم { mr.nawaf }

[مـــلـــوكـ]

تعلموآآآ ياللي تقولون انها يابانيه بس تصنع باستراليا

كو بالاول تسمون الكابرس واللومينا خروف استرالي

تعبنا نقولكم امريكيه لاكن تصنع باستراليا .. يعني بس التركيب باستراليا
لاكن مافيه عقول تفهم وقولون لا كيف امريكيه ومكتوب عليها استراليه

... الحي صارت المسآله عندكم ... عادي تكون يابانيه بس مكتوب عليها استراليه

... انشاء الله من تحت لتحت للتويوتا
مو لان جودته حلوه لاكن لانه نصا الوكيل اللي هنا وراعي سرررررق

آجل كامري اشتريها بـ 78 الف 2009 علشان تصير لي قزاز هندل .. وبدون ريموت
وان طلبت كزاز كهرب زادو عليك 2000 << يعني ياقلك بالهند طاحت الفين
.. ياخوك حتى الددسن الجديد تلاقيه الحين السياحي قزاز وريموت

[الوقدان]

سياسة تويوتا..
القير والمكينة والاجزاء الحساسة تصنع بالبلد الأم اليابان..
وبقية الاجزاء..البودي والاكسسوارات تصنع ببلد التجميع..
والسبب رخص الايدي العاملة مقارنة باليابان..
ومو الكورولا وحدها..
الهايلوكس..تايلند
الفورتشنر..اندونيسيا وتايلند..
الكامري والاوريون..استراليا..

[Jeep2222]

ماعندي مشكلة في بلد التصنيع لأي ماركة
ليش محد جاب طاري الألتيما وهي تصنع في امريكا
وعندك الجيب الجراند شيروكي يصنع في النمسا
وجيب الأودي الQ7 يصنع في سلوفاكيا وسعرة متعدي ال250الف

أعطيكم مثال بسيط كنت عند عالم سوني وشفت شاشة LCD بوصة 32 ياباني أصلي
ب10 الآف ريال ونفس الشاشة بالضبط سوني مصنوع في ماليزيا ب 4الاف ريال
شوف الفرق 6 الآف ريال وهي على شاشة كيف السيارة

لو الكامري يصنع في اليابان كان سعر الأستاندر منه متعدي ال90 الف ريال بالراحة
اليابان بلد غالي جدا ويالتالي يؤثر على سعر المنتجات المصنوعة فيه