قناة السيارات
اخواني اليكم تجربتي مع هاذه السياره التي يزداد عشقي لها يوما بعد يوم . واليكم الاسباب.
.
.
.
.
.
.
اولا اقتنيت تويوتا ونيسان وكلاهما سيارات قويه وجباره بلاشك وكل سياره لها ايجابياتها وعيوبها .
بعد ان اصبح اليباني سعره مبالغ فيه بدأت افكر بغيره .
فوقع نضري على فورد اكسبلورر لعدة اسباب منها :
1- ماديا << لايعتبر غالي مثل الياباني
2- شكله جميل وشدني << بالنسبه لي
3- فخامه وينافس ويعتبر افضل من GXR 2007 بمزاياه العديده مثل
مثبت سرعه << جي اكس ار لايوجد
مسجل ام بي ثري
ABS
عدد وسم ماشئت
4- راحه يعتبر في الخطوط كانك راكب سيارة صغيره حتى داخل الزحام.
5- والاهم الصيااااااانه << ياجماعة تفاجئت من توكيلات الجزيرة .. يتعاملون مع السيارة وكاني بامريكا . مستحيل اشرح لك حتى تجرب وتشوف يغيرون لك اي شي خربان حتى لو هو السبب انت مجانا . ولاهو غالي الصيانه .
...........
باختصار انا رجال عائلتي صغيره وعلى قد فلوسي ولله الحمد
.........
طلعاتي للبر لكل مكان طبيته بالفورد شمال جنوب شرق غرب سم ماشئت
اخر طلعه لي كانت من حائل الى الخطة الى الجفر داخل النفود 30 ومن ثم الى حفر الرخيص داخل النفود 100 الى العليم ايضا 100 داخل النفوود . ومع الروحه والجيه شفت للعداد وكان ماشي اكثر من 300 كله داخل الطعوووس . وطبعا الوعوره مايحتاج .
.........
اليكم بعض النصائح للي يبي يطلع للبر بكثره
1- غير الكفرات بمقاس اكبر
2- افصل مانع الانزلاق . وهناك طريقتين
اولا: من خلال الطبلون يوجد زر يفصل مانع الانزلاق لكنه للاسف يرجع اوتماتيكي اذا تعديت سرعة 50 كلم.
ثانيا : من خلال الفيوز الموجود داخل الكبوت واضن رقمه 33 . لكن انا مافصلته الحقيقه . وان شاء الله الطلعات الجايه راح افصله .
3- اذا رجعت اغسل الموتر ورح نم .
.......
وهاذي بعض الصور اعزائي المشاهدين :
وهاذي
رد مع اقتباس
المشاركة الأصلية كتبت بواسطة n7oool
بصراحه ماقدر اقولك انه 100 % بس ماتشتكي منه . يعني التويوتا والنيسان احسن مكيف . بالنسبه لمكيفه فيه امامي ووسط وخلفي وتبريده زين بس يمكن اذا وقفت تحسه انه يتغير شوي بس . ولا هو عيب قوووي .. يمكن فيه ناس مايلاحضه.
استغربت وقلت ليش والفلوس .؟؟ قالو على الضماااان ...