إستفسار عن كراسلر 300C

[oamd]

السلام عليكم
أنا ودي أشتري كراسلر 300C موديل 2008 وارد أمريكا فممكن واحد يقولي عن مشاكل
هذه السيارة قبل ما تقع الفاس في الراس حيث أن السيارة أعجبتني لاكن خايف منها
وشكرا

[NOT HEMI]

اخي الكريم اذا انك انسان مقتنع ان كل السيارات فيها خرابات , بتكون الكرايسلر مناسبة .
بس اذا انك انسان تبي تشتري شيء وعلى بالك انه مافي امل تجيه خرابات فالله يعينك .

المهم بعد المقدمة الراائعه
شوف انا معي كريسلر نوع تورينق والسيارة احلى ما يكون ,, لكن في اذا انت تسوق بالسرعات الي فوق 120 ثم هديت بقوة حبيتين بتجيك رجه , يمكن تبيع السيارة عقبها
بس تراها في اغلب سيارات كرايسلر ويقال ان السبب الهوبات و اذا غيرتها مارح تجيك الرجه .. بس للعلم تراني حتى الان ماغيرتها .

هذي المشكلة الي انا اواجهها . السيارة تراها شوي نازلة عن السيارات الثانية , يعني عند المطبات حاسب .
ما اذكر اي مشكلة ثانية .

للعلم السيارة صار لها معي شهر و اسبوع ومشيت فيها حدود 1200 ميل .

راح اكون بأذن الله معاك في هذا الموضوع بشأن اي استفسار " غير اني بجيب فزعات " خخخ

[oamd]

شكرا لك وأرجو المزيد

[Čнячѕlėя Ĉ300]

السلام عليكم

السياره صار لها معي 3 شهور ونص تقريبا ..
تورنق 2006 .. السياره حلووه معي .. والبدي قوي ما شاء الله تبارك الله
المكينه قويه ,,

بالنسبه لاخونا اللي معاه تورنق ما صارت لي مشكلته !

وبالنسبه لك .. كانك بتشتري تورنق .. فالتورنق نوعين
واحد سته سلندر 3.5 .. اما الثاني سته سلندر 2.5 على ما اضن < بس انهم ما يمدحوووونه ابد ابد ..

انا معي سته سلندر 3.5 قوي مره ماشاء الله كمكينه واستعمال وعزم حلو

حاول انك تهتم بالسياره قدر المستطاع من ناحيه الزيوت والماء ..

بالنسبه للسواقه .. اذا كان معك فكتوريا قبل .. فأنت بتتفل بوجه اللي صنع الكرايسلر
لانه سبورت ومقاده سبورت واصلا هو سبورت ..

تراه ثقيل .. الموتر ينحب بس حافظ عليه .. واي استفسار انا حاظر

اخوك ,

[M.L.E]

88
8
8
وصلت الفزعه

الله يحيك اخي الكريم اول شي
بالنسبه للسياره مايحتاج اوصف لك مميزات السياره لان بصراحه لها مواصفات عاليه

شوف يالغلا عشين اكون صريح معك من عيوب السياره
والمعروف عنها اسعار القطع>>>فقط الهيكل الخارجي
اما اسعار قطع المكينه فهي رخيصه بحدود المعقول

من اكثر المشكال اللي واجهه اصحاب السياره الاقمشه لها صفير في اغلب الاحيان...

بصراحه
والله وانا اخوك عندي معلومات كثيره عن السياره

ياريت من قلب قبل لاتشتري السياره
زورنا بالرابطه وراح تشوف جمع الاشياء سواء قطع او مشاكل او مميزات
وراح يساعدوك الاخوان هناك
لكن اذا ماعندك حيل اسأل اللي تبي وانا تحت امرك يالغلا

لكن لاتشتري السياره الا عن قناعه تااااامه...

في انتظارك اخي ولي رجعه مستمره باذن الله

[M.L.E]

للمعلوميه الفرق بين 300 و 300سي

ال300 يجي 6 سلندر ويخلتف بالشكل والمواصفات

اما 300 سي يجي 8 سلندر هيمي وطبعا الواصفات والشكل غير

وراح ارفقلك اسعار القطع لل 8 سلندر الهيمي

ونصيحه >>توي اتذكرتها لو حبيت تاخذ السياره خذها بشاشه داخليه
والسبب سعر الشاشه لو حبيت تركبها بعدين جدا جدا غالي

[Čнячѕlėя Ĉ300]

من اكثر المشكال اللي واجهه اصحاب السياره الاقمشه لها صفير في اغلب الاحيان...

هذا عندي بعد .. وسويت حادث بسبة الفرامل يقطع معي ..

[NOT HEMI]

شكرا لك وأرجو المزيد

شوف وانا اخوك .
انت كاتب في الموضوع 300 c فهذا يعني انك بتاخذ ابو 8 سلندر . بس يمكن ماعندك خلفية ان حرف الـ C انه يعني ..
الـ 8 سلندر و قوتة 360 حصان , وسعة 5,7 .
طبعاً السيارة تسمى بـ كرايسلر هيمي او 300 C
وطبعا الـ هيمي يفرق عن الـ تورينق الـ 6 سلندر
بالحساسات الخلفية وشكل الانوار الامامية وايضا الانوار الهيدروجونية والاصطبات الخلفية والتحكم بالدركسون والتخشيبة الداخلية وشكل المكينة وشكل الجنوط . هذي الاختلافات الي تحضرني الان .

بالنسبة لقطع الغيار التورينق ارخص من الهيمي .
ويفرق عن الـ 6 سلندر وسعة 3,5 في بعض المميزات