اشتريت سيارة كدلك اسكاليد من الجميح واكتشفت انها مصدومة

[abosaud]

يا اخوان انا شريت سيارة كدلك اسكاليد جديده من الجميح في الرياض بعد كم يوم لاحضت تقشير في بوية السيارة من الكبوت ووجدت انها مسمكرة ومدهونه بوية لكامل كبوت السيارة وعند مراجعتهم عرضوا علي تغير الكبوت بواحد جديد بس رفضت وطلبت اعادة فلوسي او سياره بديلة واعطيتهم سيارتي والمفاتيح بعدها وافقو اعطائي سيارة بدلية بس مديرهم غير راية بعد اسبوع وقال ما عندنا الا نصلحلك الكبوت وبس بس انا رفضت الا سيارة بديلة او فلوسي ترجع وهم رفضوا و ش الحل علما اني عرضتها على اكثر من ورشة وكلهم اكدو لي ان السياره مسمكرة ومدهونة والسيارة مازالت عندهم علما وانا ما جلست معي الا اربع ايام

ارجو اعطائي الحل في هاللي ما يخافون الله

[aboanoof]

بلغ على الشرطة وقلهم شوفي مصدومة وجيب احسن سمكري وخذ فلوسك احسن شي

الله يعينك على مصيبتك

[ابـو الـخـل]

قلهم ان اخوي ولا خويي صحفي بجريده وبخليه ينشر السالفه

وبروح لكل الجرايد والمنتديات وافضحكم

قسم ان تلقاهم يتنافضون

ولا عين محامي وخله يجرجرهم على وجيههم وخله يطلب تعويض عن الغش الي صارله وحالتك النفسيه بعد الصدمه الي صارتلك

وابشر بالعوض الي يبيض الوجه وخل الي يعاندك يفيده عناده

[FULL OPTION]

حرام عليهم
مديرهم ذا يبـيلك تكسر خشمة
و من حقك تاخذ فلوسك وفوقها سيارة كمان

[طيب القلب..]

إذا ثبت اللي تقوله.. تاخذ فلوسك وهم ما يشوفون الجاده..

ارفع عليهم دعوى.. وتطلع بصك وينفذ من ورى خشومهم..

[dark knight 316]

اخوي لا تسكت عن حقك عشان المدير غير رايه في اخر لحظه

هذا كدك وعرق جبينك لا تستهين فيه

ارسل برقيه للملك واشتكي في البرقيه ووضح وضعك

راسل الشركه الام او الشركه في دبي

والمدير اللي غير راييه اذكر اسمه بالبرقيه واذكر اسمه يوم تراسل الشركه الام

حسبي الله عليهم لاقينها من ظهورنا

[wjdy353]

يا ريتك مارديت السيارة الحين ممكن يغيروا الكبوت من وراك و ما تقدر تمسك عليهم شي .

[أبو ديـــــالا]

لا تخليهم أبد

تراك راعي حق ولا أحد يقنعك بغير هالكلام