طريقة تركيب كتاوت للأنوار... ( بالصور) !!

[M~أمير بكلمتي~M]

اخواني الكرام كما هو معروف وفي اغلب اهل السيارات ذوي الانوار الضعيفه من السيارات ذات

الموديل القديم ومنها سيارتي كراون فيكتوريا 94

اشتكي وكما هو الحال في اغلب معشر فورد ضعف الانوار والاضائه السيئه

وبطئ الاستجابه وخاصه في التكبيس فالحل البسيط هو بتركيب الظفيره الصفراء كما تسمى

عند الاغلبيه وهي كتاوت بظفيره واسلاك وتوصيلات لا تحتاج الى تقطيع لاسلاك الوكاله ولا شئ

كما هو موضح في الصوره طريقة ترتيب وتركيبها وهي بسيطه ولكن في بعض الورش

تلقى العجب العجاب مع ان شغلتها بسيطه جدا حبيت اوضحها لكم







السليكن الصغيره العلويه تركب في اصبع البطاريه الموجب


تظهر تحتها الكتاوت


بعدها الفيش الازرق وهذي الكتاوت للفورد من موديل 98 - 2009 لانها خط واحد


اما الموديلات القديمه يختلف الفيش ويجي اثنين واحد للعالي والثاني للواطي


الازرق هذا تركب فيه الفيش حق الوكاله


اما الفيشين الاخيره توصلها للنور اليمين واليسار

وايضا نلاحظ بجنبه سلكين صغيره للتأريض وهذي تحاول تركبها في اي مسمار في بدي السياره

للكهرب السالبه


وصلى الله وبارك لا عامل ولا كهربائي يصلحها لك بيدك وتوفر الباقي في شمعات

للتذكير شمعات الفورد من موديل 92-97 رقم الشمعه

للنور الواطي 9006

للنور العالي 9005

اما بالنسبه للفورد من موديل 98 - 2009

تجي خط واحد فقط ورقم الشمعه 9007

بالنسبه للاسعار الكتاوت 35 - 40 ريال

الشمعات 10 - 20 ريال للحبه

الشمعات لابد من تغير للشمعات اقوى ويفضل النوعيه الكوريه ونوع اسمها بريتي كرتونها ازرق

قوة الواطي 80W والعالي 100W واذا بتركبها على شمعات الوكاله ماراح تفرق معاك


أخوكمـ

[المرزم511]

الله يعطيك العافيه على المجهود

[الألتيما]

الله يجزاك خير

الله لايهينك والله يعافيك ويوفقك

====

سؤال الشمعات ماتخرب ابد ؟
والكتاوت إذا تعطلت يتعطل النور كامل ؟
والشمعات شكلها نفس حقت الوكاله او يختلف

[عشقي ماركيز]

الله يعافيك يالغالي على الطريقة

[qama96]

نور الفورد وما أدراك ما نور الفورد ، أنا مستغرب ليش شركة فورد ما يحطون لنا أنوار مثل أنوار السيارات اليابانية !!
الله يعطيك العافية يا أمير وأنت صراحة من المبدعين في هالمنتدى ولا يهونون الإخوان

وتقيل تحيات واحد متلعوز من نور الفورد

[M~أمير بكلمتي~M]

الله يجزاك خير

الله لايهينك والله يعافيك ويوفقك

====

سؤال الشمعات ماتخرب ابد ؟
والكتاوت إذا تعطلت يتعطل النور كامل ؟
والشمعات شكلها نفس حقت الوكاله او يختلف

الشمعات مثلها مثل اي قطعه ودوام الحال من المحال وخاصه القطع الكهربائيه تكون العرضه

الاولى للخراب ولكن اذا خذيت نوعية ممتازه اما كوري او الماني وتكون كتابتها واضحه انها

مصنوعه بعنايه مثل الارقام والخط وقوة الشمعه

لان فيه شمعات صيني ويقولك قوتها 300

الي تجي في علب ولونها ازرق هذي حط ثوبك في فمك وانحش منها ههههههههههه

والشمعات بالضبط نفس حقت الوكاله اللهم انها اقوى فقط لا غير

شاكر للجميع المرور

أخوكـ

[hoaway]

يعيك العافيه ومجرب وفعال جداا علما ان قيمت الكتاوت رخيص ... وتركيبه سهل جداا وبعطي نتيجه

[سكوود]

بالنسبه للكتاوت اللي في الصوره أرجوالانتباه ياشباب من ان هناك نوعين (صيني و تايوان)
النوع الصيني ولا بريال لانه يسبب لك حوسه بالنور والتماس ويطفى معك النور ويمكن تطفى السياره كلما شغلت الانوار وهذا بسبب الاتماس.
أما التايوان فجيد ومجرب
وتقدر تفرق بينها لانه مكتوب عليها بلد المصنع. Made in Taiwan / Made in China

أما الفورد عموما فانا قال لي واحد معلومه وانا الصراحه مقتنع فيها "بأن الكريستال في عاكس الاضاءه في السيارات اليابانيه أعلى من الفورد"
والعاكس يعني المرايه اللي داخل الأنوار. يعني كلما شفت انها أقرب للمرآه وتعكس صورتك بوضوح كلما كانت نسبة الكريستال أعلى.

هذا اللي أنا فهمته.