الخبر الاكيد في دبل السكويا... من الوكالة

[hathoof]

السلام عليكم ورحمة الله وبركاته

كل عام وانتوا بخير بمناسبة الشهر الفضيل...

اليوم مريت الوكالة كان فيي بالي البرادو .. وبما اني لست مهتم بالمواصفات كثر السعر... لأن بصراحة الميزانية حقت الوالد بتضرب

رحنا وما لقينا عندهم إلا vx3 فول اوبشن... وب15600 دينار بحريني اي 156 الف ريال

فكنسلناها انا والوالد

شاف الفورتشنر وما عجبته

فرحنا للسكويا والSR5 موجود وبسعر 13600 دينار اي 136 الف ريال

المهم سألته عن الدبل ولو انه ما يهمني بس حشريتي وخشمي اللي لازم ادخله في كل مكان

وسألت الموظف قالي اكيد 100% حيجي بدبل سواء بالدفعة الاولى بال2010 او بالدفع الثانية وبالكثير الثالثة

وقال انه فيه ضغط على دبل السكويا وشركة تويوتا رضخت لضغوط الوكلاء
وسألته عن انهم ما نزلوه خوفا من تكسير خشم الاند كروزر

فقال ابد بس شركة تويوتا ارتأت هالشي والوكيل راح يربح سواء من هالسيارة او حتى الكورلا........

طبعا الوكالة وكالة البحرين والرجال كلمته موثوقة

فافرحوا يامن تريدون الدبل بالسكويا
بس قالي اكيد سعره حيكون فوووق...

وبصراحة انا حاير بين سيكويا سياحي او تاهو اقل فئة
بس شكلي على التاهو لأن مواصفاته اكثر بسعر اقل

الخبر عن السكويا واللي يريد تقديم نصيحة ممن جرب السيارتين ارجوا انه يخبرنا
وطبعا ما راح اطلع منهم
وعائلتي مكونة من 5 افراد بس ... لكن نحب الراحة

تحياتي،،،،

[..][ ح ــياة التــم ــيز ][..]

انا انصحك بالسيكويا SR5 مقابل تاهو اقل فئه

وبالنسبة لخبر الدبل انا كان عندي علم من قبل والى الأن منتظرينه وفيه اخبار تقول انه راح ينزل للسعوديه بعد رمضان والله أعلم

وفيه بعض الناس تقول الوكلاء مانزلو السيكويا بدبل عشان مايطيحون سوق اللاند كروزر طيب العميل يشتري سيكويا ولا لاند في الحالتين ربحان الوكيل لانهم من نفس الشركة!!

ونرجع لموضوعك اخوي انصحك في السيكويا وفيه نوع من الـ SR5 يجي بفتحة سقف حاول انك تقنع الوالد يشتريه افضل من الـ SR5 العادي

اما التاهو اقل فئه اولاً قير علاق ثانيا مايمسك سعره عكس التويوتا

تحياتي وبالتوفيق

[fhad2007]

شكراً يا حذوف والله يوفقك

اقترح الارمادا بديل لغلاء السكويا ومواصفات التاهو

بس 5 افراد ما يستاهل الامر سياره بهالحجم

ليش ما تشوف الباثفايندر SE ?

تحياتي

[جوكر الملكي]

و عليكم السلام

هلا يالغالي
انا بعد من البحرين و الوالد ناوي علي سياره و نفس عدد الافراد 5

لكن كم ميزانيه آبوك ؟

آعذروني علي الاخطاء لآني في طهران و الكيبورد فارسي

[hathoof]

شكر لك اخوي حياة التميز على المرور
اخوي رحت وسألتهم يقولي السيكويا SR5 نوع واحد فقط بدون فتحة ولا شي
وبصراحة ما فيه اي وسيلة امان غير ال ABS حسب كلام الموظف
وبصراحة الميزانية ضاربة احنا بناخذها اقساط وبالكثير 14 الف دينار اي 140 الف
ما نقدر ناخذ اكثر مستحيييل
وبصراحة السعر ما يهم لننا بناخذها ان شاء الله اقل شي 10 سنوات نستخدمه
يعني احنا مو من النوع اللي يحب يغير السيارات دائما
شكرا لك على النصيحة ولو عندي فلوس الليمتيد 16800 كان اخذتها



اخوي فهد 2007 شكرا لك على مرورك وبصراحة الباث فندر مو السيارة المطلوبة
الوالد شافها وما اقتنع كثير فيها مع انها ارخص وفيها مواصفات احسن
وحتى الفورتشنر ما اقتنع فيها.... ترى الوالد ما يعرف ابد بالسيارات ولا يسوق بس على الاحساس
خخخخخخخخخخخخخ
وبصراحة مرات يجون معانا ناس وننحرج على المكان الضيق... والوالد يبي سيارة بوديها قوي عشان تتحمل الصدمات اللي يسببوها السواقين



اخوي جوكر الملكي الله يردك بالسلامة وميزانية اولالد 14 الف دينار ومع الاقساط بتوصل 18 وما يقدر ياخذ اكثر مستحيييل
وان شاء الله بكرة بمر على التاهو معاي الاهل وان شاء الله اجيبلك اسعارها كلها


تحياتي،،،،

[الثاني 121]

السيكويا يتحمل اكثر من التاهو <<< كلام واحد عنده تاهو

مكينة السيكويا 5.7 لتر

مكينة التاهو 5.3 لتر

السيكويا اقل فئة

فيه
2 حساس في الأمام

4 في الخلف

السيكويا مصنع في امريكا وليس مثل بعض سيارات تويوتا في اندونيسيا

قير ارضي< السيكويا
قير علاقي< التاهو

[hathoof]

شكرا لك اخوي على النصيحة
طيب ممكن سؤال للخبراء ... هل السكويا اقل فئة فيها ستابلتي تراك؟؟؟

[راشد 11]

شكرا لك اخوي على النصيحة
طيب ممكن سؤال للخبراء ... هل السكويا اقل فئة فيها ستابلتي تراك؟؟؟

نعم فيها

http://www.toyota.com/sequoia/features.html?trim=7916

اضغط على كلمه safety
و بتلقاه ف اول شي ..