مشكلتي مع مكيف السياره

[Cars Vs. Cars]

السلام عليكم ورحمة الله وبركاته

عندي مشكله مع مكيف سيارتي(كراون فكتوريا 2003) ومافي احد عرف لها حل
المشكله ان الكومبرسر ما يشتغل الا اذا وصلت حرارة الماكينه الى النص الحراره الطبيعيه للفورد ومادام ان السياره موحاميه يجي هواء حار والمشكله اني اخذتها لكهربائي ومجرد ما فصل فيش الكوبرسور طفت السياره ولاتشتغل واضطريت اني اوديها الوكاله وغيرو لي كمبيوتر للسياره بالاضافه الى قطع ثانيه وما طاحوا على مشكله المكيف اخذتها لصناعيه الشامي بالاحساء وفحصها كمبيوتر وما طلعت معهم المشكله
الي عنده فكره عن المشكله او ينصحني بورشه بالشرقيه
نبي فزعتكم

[العميد 9]

والله يا الغالي أنت مشكلتك مستعصية لكن انتظر ردود الأخوان خباراء الفورد وإن شاء الله يفيدونك .

[التسعه شفر]

والله مشكلتك غريبه !!
ماقد مرت علي اطلاقا
ولا اعتقد احد بيعرف لها
واتوقع صاحبها الي قبلك سواها لحاجه في نفسه !!

[Cars Vs. Cars]

يعطيكم العافيه وما قصرتوا
بالنسبه اصاحبها السابق ما اعتقد ان له يد في الموضوع لان السياره عندي من اكثر من سنه ونص

[Cars Vs. Cars]

الحمد لله اخيرا لقينا كهربائي يفهم
اخذت السياره الى ورشه الحدب بالاحساء مقابل شركة الكهرباء وبمجرد ما قلتله المشكله قام وبدلة كتاوت الهرن (البوري) مع كتاوت المكيف وطلعت اجربها وانتظرت الى ان بردت السياره وشغلتها وشغلت المكيف والحمد لله اشتغل المكيف بدون اي مشاكل بس الهرن (البوري) ما اشتغل رجعت له ورحنا عند المحل الي جنبه واشتريت كتاوت كابرس (كلها تركب ما في مشكله) ب60 ريال والحمد لله السياره رجعت مثل الاول واحسن.

[عبودي ال اس]

السلام عليكم اخوي انا اعرف احسن ورشه في الدمام الملحم عشان فورد وانصحك تخليها اخر الحلول

[Cars Vs. Cars]

مشكور اخوي المشكله مع الملحم ان تعاملهم تعبان وكل واحد فيهم نفسه خايسه انا رحت له وما لقيت اي احترام يا اخي حتى لما دخلت عند مديرهم وسلمت عليه ما رد السلام ولا حتى رفع راسه من على الفواتير الي كانت على طاولته
مشكور اخوي والحمد لله السياره ما فيها مشاكل المسأله مسأله انك تلقى كهربائي فاهم مو ان عنده كل الاجهزه والمعدات لكن ما يعرف يغير سير للسياره.

[ناصر الخزي]

ممكن تزويدنا بصور للكتاوت وطريقة تركيبها

وشكرا