مستشارك الخاص في الـتأمين :: أطلب اى خدمة او معلومة وحاضرين :: ضمير

[ضمير]

السلام عليكم ورحمة الله وبركاته

قبل 5 سنين صار علي حادث وحاسنى وقلب ميزانيتى ولولا الله ثم الوالد كانت صارت مشاكل

كنت اذكر ان المرور سألونى اذا عندك تأمين ما نوقفك وكان ذاك اليوم اول مرة اسمعه هالتامين طبعا وقفونى ولعبت كم صكة بلوت في الناصرية حتى جاء الفرج

اول شئ عقب ماطلعت رحت سالت قوقل عن هالتأمين ولقيت سواليف كثير وتفاصيل مافهمتها وطحت فجأة على اعلان شركة تأمين تبي موظفين ولانى عاطل قدمت عليهم مانفوت اى شئ يالعاطلين

المهم انى توظفت عندهم ولى الان معهم
4 سنين تقريبا بين التعويضات و خدمة العملاء
وعرفت وش معنى تأمين الا عرفت بلالالالالالالاوى وصرت مرجع للعائلة والشباب في التامين

لاننى احب هالمنتدى واستفدت منه كثيييييييييييييير
واعتمدت عليه بعد الله في قراري الاخير بشراء الملكة الافالون

احب ان افيد الاعضاء و أرد الدين لكم واعرض لكم خدماتى وخبرتى المتواضعة في هالموضوع المفتوح والمتجدد لمساعدتكم في كل مايختص بالتأمين على السيارات واللى وده نساعده في التأمين الطبي ترى حاضرين ولايدركم الا الكيبورد

ضمير

[zoom_833]

يعطيك الف عافيه يالغالي ..


سؤال :

الحين نزل نظام جديد كنسل فيه التامين على الرخصه .. وخلى التامين على الاستماره ..


اللي فهمته منهم ان السياره تكون مأمنه .. بحيث اي واحد على وجه الارض يسوقها ويسوي فيها حادث التأمين يشمله ..


طيب الحين انا مأمن تأمين من التعاونيه لمن هم فوق سن الـ 21 ..

بـ375 ريال ..

لان اقل من الـ 21 قيمته فوق الـ700 ريال ..

الان لو واحد ساق السياره وعمره اقل من 21 . يعني 20 او اقل بشوي ..


لو صار حادث لا سمح الله .. هل يشمله التأمين بأي حاله ؟؟

ولا يسوون فيه زي ما سوو فيك ويروح يصك له كم داس بلوت بالناصريه ؟؟


طيب هل بالامكان لو تجاوز الشرطي الوضع وكتب ان عمر السائق فوق 21 .. هل فيه تدقيق عندكم شديد ؟؟

ولا بيمشي ؟؟


شاكر لك ..

[M O H A M E D]

يعطيك العآفيهـ أخوي وعسآك عالقوهـ ..

عند سؤآل لو تكرمت ..

أنا عندي تأمين شآمل .. فلو غيرت لوحآت السيآرهـ .. كيف أغيرها في التأمين ؟

وشكراً مقدماً ،،

.
.

[ضمير]

سؤال :

الحين نزل نظام جديد كنسل فيه التامين على الرخصه .. وخلى التامين على الاستماره ..

ضمير : هذا كلام صحيح

اللي فهمته منهم ان السياره تكون مأمنه .. بحيث اي واحد على وجه الارض يسوقها ويسوي فيها حادث التأمين يشمله ..

ضمير : صحيح السيارة هي المؤمن عليها لكن السائق فيه تفصيل تلقاه تحت

طيب الحين انا مأمن تأمين من التعاونيه لمن هم فوق سن الـ 21 ..

بـ375 ريال ..

لان اقل من الـ 21 قيمته فوق الـ700 ريال ..

ضمير : 375 ريال من وين شاري التأمين لو سمحت لان فيه اسعار ارخص ؟

الان لو واحد ساق السياره وعمره اقل من 21 . يعني 20 او اقل بشوي ..


لو صار حادث لا سمح الله .. هل يشمله التأمين بأي حاله ؟؟

ضمير : لايشمله التأمين ولو رجعت للوثيقة المكتوبة تلقى انهم يستثنوا السائق اقل من 21

ولا يسوون فيه زي ما سوو فيك ويروح يصك له كم داس بلوت بالناصريه ؟؟

ضمير : و يمكن في الاحداث ههههههههههه لا امزح الناصرية زينة

طيب هل بالامكان لو تجاوز الشرطي الوضع وكتب ان عمر السائق فوق 21 .. هل فيه تدقيق عندكم شديد ؟؟

ولا بيمشي ؟؟

ضمير : الان ماعاد فيه شرطة ولا مرور الان فيه شركة اسمها نجم هي اللى تعمل التقارير في موقع الحادث والموظفين اللى فيها فاهمين تدقيق شركات التامين العنيف ولا يبون يحطون انفسهم بوجه المدفع لو انكشفوا ، ولو حصل وحط العمر فوق 21 والحداث صغير ( يعنى اقل من 5 الاف ريال) انت وحظك ممكن تمشي او لا

التدقيق الله يسلمك والسامعين في الحوداث الكبيرة او اذا بلغ الطرف الاخر اذا جاء يبي قروشه وهذى دائم تصير لا لالالالالالالا ويعطوه مكأفاة مالية حوالى 30 % من مبلغ التعويض على تعاونه وانت يحولوك للمرور لزووووووووووم صككة البلوت ودفع مبلغ التعويض

باختصار فك عممممررررررررررك وخل اخوانك يمشوها سيااااكل


شاكر لك ..[/quote]

ضمير : اتمنى انى افدتك وتقدر تسأل لو تبي ايضاح أكثر

ضمير

[ضمير]

يعطيك العآفيهـ أخوي وعسآك عالقوهـ ..

عند سؤآل لو تكرمت ..

أنا عندي تأمين شآمل .. فلو غيرت لوحآت السيآرهـ .. كيف أغيرها في التأمين ؟

وشكراً مقدماً ،،

.
.

سؤال حلو


يتم ذلك بواسطة رقم الشاصية و يجب ان تتصل على شركة التأمين بعد الحصول على الاستمارة

الجديدة حاجة اسمها " ملحق تعديل اللوحة " ويفضل يكون عندك برنت قبل وبعد التغيير زي عمليات

التجميل



ملاحظة : عمرك حسب ملفك 19 سنة انتبه لنفسك لو هذا صحيح لازم تأمينك يكون فيه هذه الخاصية >>>> شف دقة موظفي التأمين ( ماشاء الله ) ويحطون لك لون وردي يعنى خدمات عملاء وكلام ذرب بس يصيدووووووووووووك ويرفضوا مطالبتك ههههههههههههههههههههههههههههه

ضمير

[KYRON]

موضوع جميل واشكرك عزيزي على عرض خدماتك لمساعدة اخوانك الاعضاء.

تقبل أطيب وأجمل تحية

[zoom_833]

ضمير : 375 ريال من وين شاري التأمين لو سمحت لان فيه اسعار ارخص ؟

انا امنت عند التعاونيه ..


لان الصراحه ما ودي اصدم واحد وابهذله معي .. خله ياخذ حقه والله يستر عليه ..

طيب ممكن تذكر شركات التامين الارخص من هالسعر ..

كل شركه وسعرها وموقعها لا هنت !!

[Viper_911]

مااشاء الله عليكـ اخوي ضميير !
قصتكـ رهيبه بعد
وان شاء الله اعود محمل بالأسئله ,, لأني لو راعي الكامري ماتناازل ,, كان قد صكيته بلووت في مرور الشمااال
الله يعاافيكـ