@@افضل الطرق لحل مشكلة الكويلات والتفتفة في الفورد @@

[فكتر]

بسم الله الرحمن الرحيم

السلام عليكم ورحمة الله وبركاته

اخواني الاعزاء ملاك وخبراء الفورد عامة من فكتوريا وماركيز وتاون كار

اسعد الله اوقاتكم بكل خير وسرور

مشكلة الكويلات باتت وسيلة ازعاج وقلق وعدم راحه للجميع

والتفتفة اكثر شي جنن اهل الفوردات والاسباب كثير ومن اهمها هذه الكويلات

نبي كل شخص يدلي بدلوه في مشكلة الكويلات وطريقة فحصها
يدويا

لاحد يقولي كمبيوتر لان اكثر الكمبيوترات من جنبها واصحابها نصابين

وغير ذلك الكمبيوتر مايطلع لك الكويل الضعيف

لذلك نبي افضل الطرق لفحصها باليد دون الرجوع الى اصحاب الورش

غير ذلك مسألة تهريب الكويل وتغيير الخرطوم وكيف يتم معرفة انه يوجد تهريب في الكويل

وهل يتم تغيير السسته الداخلية وكيف يتم معرفة ما اذا كان الكويل خربان منها؟؟؟

مثل مافي الصورة اعلاه

واين توجد هذه القطع في المحلات في جميع مدن المملكة ليستفيد الجميع منها

واتمنى التفاعل في هذا الموضوع لان اغلب الشباب يعانون من هذه المشكلة

وتقبلوا خالص تحياتي وتقديري

[الإدريسي]

انا عندي تفتفة لما امشي على 80
كويلات كويسة والبواجي جديدة

[فكتر]

انا عندي تفتفة لما امشي على 80
كويلات كويسة والبواجي جديدة

يوجد اسباب كثيرة للتفتفة منها البواجي والكويلات والصفاية والطرمبة والحساسات


بس كيف تأكدت من الكويلات انها كويسه؟؟

[kmn]

لافحص الكويلات خل السيارة شغاله وابدأ افصل الكويلات واحد ثم اشبكه مرة ثانية ولاحظ اثناء فصلك للكويل اذا لاحظت ان السيارة صوتها تغير هذا دليل على ان الكويل اللي فصلته شغال والعكس صحيح

[القلب المحروم]

لافحص الكويلات خل السيارة شغاله وابدأ افصل الكويلات واحد ثم اشبكه مرة ثانية ولاحظ اثناء فصلك للكويل اذا لاحظت ان السيارة صوتها تغير هذا دليل على ان الكويل اللي فصلته شغال والعكس صحيح

المشكلة ان بعض الكوايلات محلها صعب لازم فك

والمحلات ابياخذ مبلغ بس عشان الكشف

[جاك سبارو]

الافضل طريقة هي فك الكويل وحط فيه سكروب وقربه من المكينة واذا شفت يطلع منه شرار معناته شغال و العكس صحيح <<<< بس انتبه اثناء الفحص انت لا تكون لامس السكروب و البودي او تكون حااافي لانه بينفضك ب15000 فولت يعني بتشوف العصافير ههههههههههههههههههه

[ttoo]

انا سيارتي ...تاون كار 2002 .....

كانت تفتف ..


غيرتلها ((ثلاجة مكينة لانها انشطبت ..))...


وغيرت بوااااجي طقم كاامل ....


لكن للأسف بعد 4000 الاف كيلو تقريبا رجع التنتيع او التفتفه من الجديد ...والله شي يقهر .))

الحل لو سمحتو لاني كرهت السيارة بسبب التفتفه ...

تحياااتي..

[فكتر]

لافحص الكويلات خل السيارة شغاله وابدأ افصل الكويلات واحد ثم اشبكه مرة ثانية ولاحظ اثناء فصلك للكويل اذا لاحظت ان السيارة صوتها تغير هذا دليل على ان الكويل اللي فصلته شغال والعكس صحيح

كلامك صحيح اخي العزيز

ولكن يجب التركيز جيدا لانه صعب تقدر تحدد واحيانا مايظهر

وفعلا هذه الطريقة المعروفة لكن لو كان الكويل ضعيف ممكن ماتقدر تطلعه

شاكر ومقدر لك تعاونك معنا

المشكلة ان بعض الكوايلات محلها صعب لازم فك

والمحلات ابياخذ مبلغ بس عشان الكشف

حياك اخوي القلب

مافيه شي صعب راس مالها سكروب عادي تفك الغطا حق الثلاجه وتفك اللَي حق الانتيك ويبان معك كل شي

وان ماذكرت هذا الموضوع الا عشان ماتروح الورشة وياخذون مبلغ لكن عشان تفكها انت بنفسك وتعرف تصلح سيارتك بدون الرجوع للورش

اتمنى ان تكون وضحت الصورة