برفع قضية على الوكالة اعطوني رايكم ياشباب

[فتووش]

بسم الله الرحمن الرحيم
السلام عليكم ورحمة الله وبركاته
ياجماعة الخير انا وديت سيارتي للوكالة فيها بعض المشاكل وبنفس الوقت صيانه واعطوني سيارة مجامله (بديله) الين تخلص سيارتي
أيام المطر اللي جانا بالرياض الاسبوع الماضي طلعت من البيت بسيارة المجامله والشوارع غرقانه مريت من شارع وطفيت السيارة وما اشتغلت فتركت السياره يومين ماشغلتها ورحت اليوم الثاني شغلتها بعد ما اتصلوا الوكاله وقالو انو سيارتي خلصت اقدر استلمها فمن باب الامانه لمن رحتلهم قلتلهم اللي صار وهذي سيارتكم سليمه مافيها الا العافيه قالوا اذا السالفه كذا تترك سيارتك عندنا الين نفحص سيارة المجامله ونشوف وش صار فيها يمكن المويه دخلت عالمكينه او شي واذا تبي تاخذ سيارتك اوكي ادفع 10 الاف ريال تأمين وخذها بس لاني عارف ومتأكد انو السياره سليمه ومافيها شي قلت لا خلوا سيارتي عندكم الين تخلصون الكشف ودقوا علي
اللي صار انهم اتصلوا بعد يومين وطلبوا مني اروح لهم واقابل مديرهم وفعلا رحت وقابلت مديرهم وتفاجأت فيه يعطيني تقرير السياره ومكتوب فيه تلف كامل في السياره
والسياره تكلف مبلغ 40 الف ريال وقالي ادفع المبلغ والا بيننا وبينك المحاكم وعند الشركه محامين كثير ولا نسوي صلح ونخفض لك بقيمة السياره شوي فطبعا انا قلتله ابي اشوف المهندس اللي فحص السياره وطلعت ادور عليه مالقيته قالوا مو موجود
فرجعت عند المدير قلت له اعطيني التقرير حق الاضرار على قولتك والغريب انو رفض يعطيني اياه وقال حنا اطلعناك عالاضرار وماراح نعطيك التقرير وحاولت اخذ سيارتي ومارضوا يعطوني السياره قالوا ادفع الا 40 الف اول
طلعت افكر في المصيبه هذي وقلت امر مكتب محاماة ومريت مكتب من اكبر مكاتب المحاماة
وريته عقد الاجار اطلع عليه وقالي وظعك قوي لعدة اسباب
ومن اهمها ان سيارات الشركات مؤمن عليها تأمين شامل والشركة طالبه المبلغ هذا من غير وجه حق
ورحنا انا والمحامي للشركه وقالهم نبي سيارة موكلي والسيارة البديله قدامكم المحاكم ارفعو قضيه علينا وحنا نرافع فيها عن موكلي
رفضو
اتصلت على احد الشباب استشيره قالي نفس كلام المحامي وانه مرة عليه قضيه اكبر من هذي على نفس الوكاله وكسبناها ببساطه (( حادث على سيارة المجامله ووفاة الركاب وتحملت الوكاله دية المتوفين ))

المصيبه الادها والامر واللي قاهرني انهم قالوا انت جبت لنا السياره ما تشتغل خير شر ... وانا ياشباب اقسم بالله العظيم اني رايح بالسياره وشغاله مافيها الا العافيه يعني الموضوع فيه شي ..

انا اللي بسويه اني راح ارفع قضيه

ابي رايكم ياجماعة الخير مع العلم انو السياره صغيره يعني تقريبا بحجم السوناتا والكورلا او اصغر شوي

اعذروني ماراح اقول اسم الوكالة الا بعد رفع القضية ومباشرة الحاله في المحكمة

تكفووووووووووووووووووون الي عنده معلومات او تفاصيل يفيدني فيها

الي ذابحني ان سيارتهم بالوكالة حقتهم موديل 2009 ماتسوى 45 الف ريال
والمجامله مديل 2008 وطالبين 40 الف

[أمير الصراحة]

شف أخوي إذا أنت واثق إن شاء الله من الحكم في النهاية من صالحك أرفع القضية عليهم يستاهلون
كفاية نصب وإحتيال قاعدين هالوكالات يسرقون منا هالدراهم وحنى نقول ههههههههههه عادي
ارفع القضية وخلهم يتأدبون مع أني متأكد أنهم ماراح يتأدبون وبيسونها مع ناس غيرك
((الله اللي بيحاسبهم عن كل قرش صرف))
وما نقول غير إلا(( حسبنا الله ونعم الوكيل))
ومالك غير الصبر وأنا أخوك
وتقبل تحياتي ودمت

[A N D]

ارفع القضيه وطالبهم بالنصب الي سوه لك عشان يتأدبون

[fafr]

بسم الله الرحمن الرحيم اولا" انا عضو جديد وثانيا"اعلم ان لو مالهم فائدة ماسووكذا وانا انصحك ارفع القضية والله معك

[A L R A J H I]

لا يضيع حق وراءه مطالب


توكل على الله وانشاء الله القضية بتكون لك اذا محاميك قوي وعندك أدله وشهود


تحياتي

A L R A J H I

[mso]

اساساً السياره مأمنه ...ليش يطالبونك دراهم ...؟

الحق على دراهمك وسو سوات خويك

[حـاتم]

أخوي فتوش من كلامك فهمت إن موقفك ممتاز
وهذا ما قاله لك المحامي أيضاُ إذا كنت متأكد
من قوة موقفك فلا تأخذك بهم رحمه ..


حاتم

[ولي العهد]

دام المحامي قالك القضية في صالحنا

فتوكل على الله ولا تتردد

ولايضيع حق من وراه مطالب ~~~