انطباعي عن سوناتا 2009

[خميسان]

السلام عليكم
طبعا اشتريت سيارة تاجير منتهي بالتمليك قبل شهرين وهي من فئة الجنوط والقير التوبترونيك بدون فتحة وفيها تحكم بالدركسون ومثبت سرعة والان ماشية 11000 كم
الايجابيات :
السيارة عزلها جيد جدا ما في ازعاج كثير داخل المقصورة حتى لو عديت على ارض خشنة .
السيارة سافرت عليها من اول يوم ولاحظت انها راسية رساوة جميلة وطارتها تثقل مع السرعة .
مقاعدها مريحة
انيقة في ديكوراتها .
قومتها نشيطة وممتازة .
النظام الصوتي والسي دي جميل .
السلبيات :
احس بالتغييرات في القير .
السيارة لما تبدأ تسوق بشيء من السرعة اسمع صوت المكينة يبدأ في الظهور اما لو سقتها بهداوة وسرعة تدريجية ماتلاحظ الصوت .
عزم السياره لك عليه وخصوصا في الطلعات ولا حظت انها لازم تدعس قبل الطلعة بمسافة ولا راح تحس ان العزم يطيح وصوت المكينة يعلى .وبعدين لا حظت حاجة ثانية وهي ان المكينة على الدعسة الاولى فان كانت الدعسة الاولى نشيطة فان الاداء فيما بعد يكون نشيط اما لو بديت بهدوء وبعدين دعست تحس التسارع بطيء ,
انا مشكلتي ياشباب اني سريع الملل واخاف اني اكره السيارة وادور على وحده انشط وارجع للمعمعة الاولى واقول الله يستر وانا زي ما تلاحظوا راعي سفرات وسافرت خلال شهرين ثلاث سفرات واحب السيارة النشيطة دات التسارع والعزم القوي ونشوف تعليقاتكم ونصايحكم .

[vector]

احس بالتغييرات في القير

اخوي كيف استجابة القير؟؟ بطيئه ولا سريعه؟؟

السيارة لما تبدأ تسوق بشيء من السرعة اسمع صوت المكينة يبدأ في الظهور اما لو سقتها بهداوة وسرعة تدريجية ماتلاحظ الصوت .
عزم السياره لك عليه وخصوصا في الطلعات ولا حظت انها لازم تدعس قبل الطلعة بمسافة ولا راح تحس ان العزم يطيح وصوت المكينة يعلى .وبعدين لا حظت حاجة ثانية وهي ان المكينة على الدعسة الاولى فان كانت الدعسة الاولى نشيطة فان الاداء فيما بعد يكون نشيط اما لو بديت بهدوء وبعدين دعست تحس التسارع بطيء

اعتقد طبيعي كون السياره 4 سلندر


والله يبارك لك بالموتر

[سوناتا 994]

والله بالعكس السوناتا تعطيك وفيها قوة رائعه

لكن بما انك تحب الموتر النشيط والتسارع كان المفروض اخذت لك ستة سرندل قير عايدي

[لحظه صمت]

الله يعطيك خيرها ويكفيك شرها
والسوناتا بطل بالخطوط والسفريات فيه رساوه مو طبيعيه
وترا مع الوقت تتعود عاد جرب تسوق يالتيبترونك تراه وناسه

[ســرــرــرــراب]

الله يعطيك من خيرها ويكفيك من شرها

انا كان عندي سوناتا موديل 2004 اوتماتيك

طبعا كان عزم السياره فااشل جدا بس اكيد من بعد الشكل الجديد صارت قوة المكينه اكبر

بالتوفيق اخوي

[خميسان]

الاخوان فيكور وسونتا ولحظة صمت يعطيكم العافية على المرور اما بالنسبة للاستجابة جيدة جدا ولكن تشعر بها وانا احب الموتر اللي ماتشعر فيه ابدا بهدي الشغلة لاني سقت الالماني فترة وتعودت على رساوته ونعومت قيره

[vector]

^^^^^^

تصدق عاد ان الازيرا ناعمه جدا بغياراتها؟؟ لكن هالشي ضريبة الاستجابه البطيئة للاسف

[(شرشبيل)]

مبروك اخوي

وصدقت بنسبه لتغيير القير
خصوصا عندما تكون سرعتك تحت الخمسين

وصراحه شي يقهر
واخاف ياثر في تروس القير على المدى البعيد

وصراحه بعض الاحيان يغير بقوه وينتل نتل تقول بزر يتعلم السواقه
وهذا يحدث عندما تكون سرعتك تحت الثلاثين ثم ترفع رجلك عن البنزين
ويمكن يكون هذا في 2009 بس
حيث اني بحثت قبل اشتري السياره عن المواضيع المتعلقه بها
ولم يذكر احد هذا الشي غيرك اخي الكريم
ويوم ذكرتها للوكاله صرفني الفلبيني وقال هذا علشان السياره جديده

المهم السياره في الامور الثانيه لا يعلى عليها
واعتقد ان عزمها حلو جدا بنسبه لمكاين الاربعة سرندل

وبتوفيق اخوي