قناة السيارات
السلام عليكم
امتلك سيارة كابرس ال اس 2006 والقصة كالاتي :
قبل امس كنت في طريق تركي الاول ووقفت عند محطة وطفيت السيارة ونزلت
ورجعت ابشغلها ماتشتغل , قلت يمكن البطارية ورحت سويت اشتراك مافي فائدة
شوي واشوف لي ميكانيكي قال خلها عندي واشوف وش مشكلتها ودق علي بكرا
وبكرا صار في غبار دقيت عليه قال الحين غبار مايمدينا نسوي شي دق العصر
دقيت ودقيت الين رد المغرب يوم خف الغبار قال والله وانا اخوك شيكت على السيارة مافيها
شي الزيت الضغط كلو سليم . قلت كيف سليم ؟؟؟ السيارة ماتشتغل ابد
قال ابجيبلك كهربائي يشوفها وجاب .. قالو يمكن يبغالها برمجة وبرمجوها 20 مرة برضه
مافيه فائدة .. راحو ودوها بسطحة للوكالة قالوا اذا كان ماتشتغل ابد يمكن .. وقال يمكن
يعني مو متاكد .. خطا في البرمجة للتشغيل ولو كان كذا بيكلفك 600 ريال
واذا كان غير كذا يمكن يكون خطا في النظام وبيكلفك 14 الف ريال ..
ولحد الان السيارة عندهم ولاهم عارفين ايش بيسوون
فيا اخواني الكرام لو فيه احد صارت له مثل هالمشكلة ياريت يقول وش صار له
ووش الحل لان الحين ضايق صدري مررررررررررة
واتمنى اني وضحت لكم الفكرة
وشكرا لكم
رد مع اقتباس
