رجة بطارة الدينالي 2008

[تذكارعاشق]

تحية اجلال لاعضاء هذا المنتدى الرائع.....والحقيقة الشي اللي يبهرك فيه سرعة الاجابات على الاستفسارات من الاعضاء الكرام تقول مخيمين جنب الكمبيوتر.........ماشاء الله!!!!!
عموما يااخوان طلع عندي رجة بالطارة بين سرعة 100الى120 تقريبا ورحت ورصصنا ارضي للكفر الامامي والحقيقة خفت الرجة بس لازالت موجودة وقال لي التركي الكفر الايمن الامامي فيه بطناج خفيف وهذا من اثر وقفة السيارة في الشركة قلت والحل ياذيبان قال نبدل الكفرات الخلفية بالامامية وان شاء الله تروح الرجة......قلت اعطني وقت واشوف...
سؤالي/
1- وش رايكم في كلام التركي؟
2-هل هناك مشكلة من تبديل الاطارات؟ لاني سمعت انه الكفرات لها حساسات ومدري وشهو وممكن تتعرض للتلف.......!!!!
ارجو سرعة اجابتي وجزاكم الله كل خير

[loveloai]

السلام عليكم,

الوالد ان شاء الله بيطلع دينالي من الجميح ويوم سألهم إذا كانت الكفرات فيها مشكلة من التخزين...

المندوب قال له لما تستلم السيارة خذها لوكيل الكفرات حقتها...
(مثلاً إذا كفراتها بريجيستون خذها لوكيل بريجيستن)...

وقول له على المشكله وخله يعطيك تقرير بإن الكفرات فيها مشكلة ويبيلها تغيير...
وبعد كذا خذ السيارة والتقرير على الوكيل اللي شريت منه (الجميح مثلاً)...

وانشب في حلقهم عشان يغيرونلك الكفرات على حسابهم...

لأن المشكله انهم يبيعون سيارات مخزنة وكفراتها ناشفة وممكن تسبب مشكلة لاسمح الله...

وصراحة كفرات الدينالي مهي رخيصة عشان تغيرها على حسابك...!!
لأن الجنط 20" أتوقع أقل كفر بتلاقيه بـ 1000 للكفر الواحد...!!

الحق الوكالة وانشب لهم قبل مايقولون لك انك مشيت عليها وتسببت في مشكلة الكقرات...!!

تحياتي لك,
أخوك لؤي

[فهد منصور]

حياك الله اخوي

وبالنسبة للكفرات انا صديقي اشترى لومينا SS موديل 2006 مخزن من العيسى

المهم الكفرات قاسية شوي من التخزين وبعدين جرب السيارة ولا اقتنع بالموضوع راح للوكالة

وكلمهم بالموضوع وهم يقولون خل السيارة تتمرن والكفرات بتصير زينة المهم نشبلهم وكلم المدير وكلم المهندسين الى ان غيروا الكفرات بكفرات جديدة

والحين مرتاح منها


الخلاصة :

روح للوكالة وبلغهم بالحاصل وشوف ردة فعلهم ولكن انشبلهم ولا تخليهم

وبالنسبة لتغير مكان الكفرات والله ماعندي علم اذا كانت هناك مشاكل ولا لآ
لكن الاغلب في اي سيارة ما اشوف اي مشاكل من تغيير مكان الكفرات


وتقبل مروري

[تذكارعاشق]

مشكورين على الردود ويعطيكم العافية..والحقيقة السيارة عندي ماكملت تمرين العشرة الاف..يعني مادري فيه مشكلة لوخليتها مع الصيانة القادمة؟؟؟؟؟
وياليت احد اهل الخبرة يفيدني على الاستفسارات اللي طلبتهاااااااامن السابق

[الميت...]

سؤالي/
1- وش رايكم في كلام التركي؟
الله العالم وش السبب بالتحديد لاكن بما انه كشف على السيارة واتظح ا البلا من الكفر فاتوقع ان كلامه سليم وهذا دايم يحصل في اغلب السيارات وخاصة اللي توقف فترات طويله ويكون الهواء في الكفر قليل
2-هل هناك مشكلة من تبديل الاطارات؟ لاني سمعت انه الكفرات لها حساسات ومدري وشهو وممكن تتعرض للتلف.......!!!!
مافيه اي مشكله في تبديل مكان الاطارات السليمه..والكفر ماله اي حساس ولا شي
لاكن في وظعك انت ما انصحك لانك بتعالج مشكله بمشكله ثانيه
لان الكفر اللي يرج لو نقلته للخلف يبقى يرج ويلعب في السيارة بدون ماتدري
يرجهاو يلعب في الرمانات ووزن الاذرعه ووو .... الخ


وانصحك تروح الوكاله وتستبدلها وبالتوفيق

[تذكارعاشق]

الف شكر لك اخوي(الميت)على النصيحة والله يعين.........

[loveloai]

أخوي أنصحك تروح للوكالة فوراً...

لأن كل مامشيت على الكفرات أكثر , كل ماحملوك جزء أكبر من التكاليف...

يعني ممكن يقولو لك انهم راح يتحملو النص ويخلوك تدفع نص التكلفة لأنك مشيت مسافة كبيره عليها...!!

وبالنسبة لتبديل الكفرات الخلفية والأمامية فهو سيحل المشكلة بمشكلة اخرى مثل ماذكر الإخوان...

وبالنسبة للحساسات , فالجواب هو نعم ممكن انها تسوي لخبطه...

لأن الدينالي فيه نظام مراقبة ضغط الهواء في الإطارات...

واذا بدلت الإطارات ممكن يسبب تعارض مع النظام هذا (أو على أقل تقدير انه راح يعطيك انذار خاطيء في حالة وجود مشكلة بالكفرا الأمامي سيظهر ان المشكلة بالكفر الخلفي أو العكس)...!!

تحياتي لك,
أخوك لؤي

[تذكارعاشق]

اخوي لؤي الف شكر لك ياغالي بس انت متأكد من موضوع الحساسات هذي؟؟؟؟؟
طيب لوبنشر عندي كفر وحبيت اغيره وش راح تكون النتيجة؟؟؟؟
معقولة النظام بيتلخبط!!!!!!!!!!!!!
ارجو الافادة