قير اليوكن ياجماعة ابغى حل للمشكلة

[نادر العش]

السلام عليكم ورحمة الله وبركاته

تم بتاريخ 28/8/1429هـ اي قبل رمضان بيوم شراء سيارة يوكن موديل 2000 دبل من احدى الصالات بمدينة الرياض..... وكانت الفرحه لاتوصف خصوصاً بأنني مخطط على زيارة لمكة برمضان انا واولادي ووالدي.... لكن المصيبة من البداية:

اشتريت السيارة وبعدها بيومين صار القير يفصل بالتعشيقة الثالثة يعني كأنه على الفاضي.... وطبعاً على الضمان وبعد مشاكل وشكاوي على صاحب الصالة وشركة الضمان .....

ارسلوني الى ورشة القرعاوي بشارع الضباب بجانب الغرفة التجارية........ فتحوا ولقوا الزيت محروق وان السيارة لازمة كلتشات يعني توضيب.... توكلت على الله وقلت هذا امر الله .....

استلمت السيارة في اليوم التالي وبعد التمرين اسبوعين ماامشي اكثر من 120كم/في الساعة.....

اخذ اخوي والوالد السيارة وطلعوا الى حريملاء بتاريخ 10 رمضان وهم في الطريق اتصل اخوي ويقول ان السيارة ماتعشق الثالث واحنا هالحين نمشي اربعين بس ....

لحقتهم هناك وحملت السيارة على سطحة ورجعتها للورشة وقالوا لا زم نغير الكلتشات من جديد والتروس رقم 3.....

وبعدها بيوم استلمت السيارة وكانت ممتازة لكن فيه مشكلة بسيطه عند التعشيق للثالث كان فيه صوت ضربة تحت وعند الوقفة احس بصوت ثاني من تحت اذا رجعت نمرة وراء وديتها لورشة اعرفها وقال احتمال تكون سسته وتروح مع الوقت المهم ....

الغيت رحلة مكة وعيدنا مع الناس في الرياض وقبل البارح يوم السبت صارت السيارة ثقيلة في المشي بعد التعشيق الرابع..... وديتها للورشة وقالوا خلها عندنا....

رحت امس العصر واستلمتها وقالوا المشكلة كانت في الخريطة حقت القير وصلحناها (انا والله ماادري وش هي الخريطة) المهم السيارة الان تمام والصوت الاول خف بشكل كبير بس باقي لكن اخف واهون...

وقال لي الفني بالورشة لازم تمرن السيارة لمدة اسبوعين ولا تتعدى 120كم/في الساعة....


يااخوان انا متخوف من القير ومشاكلة هل فيه احتمال انه يخرب مرة ثانية ولايضبط خصوصاً في اليوكون او لا...

والخريطة وش سالفتها ياجماعة هل المشكلة اذا وصلت الخريطة معناها كبيرة.....؟؟؟

الصوت الي اسمعه دائم هل هو بسيط ويوجد دائما في اليوكن الدبل حسب كلام الميكانيكي؟؟؟

مع العلم انه كل ماوراي ودوني في هالسيارة ابغى حل؟؟

[$$ أبو يحيى $$]

الله يعينك ياخوي
لكن أقولك انشب للصالة حتي يصلحونه لك
و الأفضل في رأيي أن يستبدلونه لك بيوكن آخر و الأحسن أن يكون 2003 وطالع
لأن حسب ماسمعت أن السيارات بشكل عام و الأمريكي بشكل خاص فيه مشاكل واجد في الدفعات الأولى وعلى حسب كلامك أن اليوكن الي معك موديل 2000 فيكون دفعة أولى

لذا أشور عليك مثل ماقلت سابقاً 2003 وطاااالع

و الله ييسر لك الخير

تحياتي

[zaher002001]

وعليكم السلام أخوي
أخوي ما أدري إيش أقولك .....
بس أنا بعلمك بصراحة وحسب كلامك أنت يوم اشتريت السيارة قيرها خربان ومضروب ويبغاله توضيب كامل أو استبدال .... ولكن مع الأسف الصالة أو شركة الضمان يلي أعتبرها انا شركات نصب واحتيال ما يصلحون القير بالشكل الفني والمهني المطلوب (( يعني يبغون يمشون فترة الضمان عليك بالقوة وبأقل التكاليف )) عشان كده الحين لو القير يمشي معاك كويس - الحمد لله .... وانتبه ترا القير لا فيه صوت طقة ولاهم يحزنون يعني الميكانيك يوم يقلك كل اليوكن كدة تراه بيصرف عمره بس عشان ما يعيد الشغل ..... وعشان تتأكد من سلامة القير وده أي ورشة ثانية تكون متخصصة بالقير الامريكي وخله يفحصه لك ....
وإذا خربان عليك بالشكوى لوزارة التجارة والشرطة ..... المهم ما تسيب حقك ...... لازم يصلحون القير زي السلام عليكم ...... أجل ماخذين الفلوس هذي كلها على إيش ..... والرجال مننا يدفع عندهم أغلى من سعر المعارض بواجد عشان النظافة والضمان .... وبعدها يكون التعامل كدة ......
الله يكون في عونك ويسر أمرك.

[نادر العش]

الله يعينك ياخوي

لكن أقولك انشب للصالة حتي يصلحونه لك
و الأفضل في رأيي أن يستبدلونه لك بيوكن آخر و الأحسن أن يكون 2003 وطالع
لأن حسب ماسمعت أن السيارات بشكل عام و الأمريكي بشكل خاص فيه مشاكل واجد في الدفعات الأولى وعلى حسب كلامك أن اليوكن الي معك موديل 2000 فيكون دفعة أولى

لذا أشور عليك مثل ماقلت سابقاً 2003 وطاااالع

و الله ييسر لك الخير

تحياتي

انا هذا الي سويته طالبت صاحب الصالة بأن يبدل السيارة لي بأخرى وادفع انا الفرق لكن كلامه ان اللوحات تم اصدارها خلااص....والمشكلة ان السيارة ممشاها قليل تقريباً 135000 كم وبديها ووقفتها ماشاء الله تبارك الله.

وعليكم السلام أخوي
أخوي ما أدري إيش أقولك .....
بس أنا بعلمك بصراحة وحسب كلامك أنت يوم اشتريت السيارة قيرها خربان ومضروب ويبغاله توضيب كامل أو استبدال .... ولكن مع الأسف الصالة أو شركة الضمان يلي أعتبرها انا شركات نصب واحتيال ما يصلحون القير بالشكل الفني والمهني المطلوب (( يعني يبغون يمشون فترة الضمان عليك بالقوة وبأقل التكاليف )) عشان كده الحين لو القير يمشي معاك كويس - الحمد لله .... وانتبه ترا القير لا فيه صوت طقة ولاهم يحزنون يعني الميكانيك يوم يقلك كل اليوكن كدة تراه بيصرف عمره بس عشان ما يعيد الشغل ..... وعشان تتأكد من سلامة القير وده أي ورشة ثانية تكون متخصصة بالقير الامريكي وخله يفحصه لك ....
وإذا خربان عليك بالشكوى لوزارة التجارة والشرطة ..... المهم ما تسيب حقك ...... لازم يصلحون القير زي السلام عليكم ...... أجل ماخذين الفلوس هذي كلها على إيش ..... والرجال مننا يدفع عندهم أغلى من سعر المعارض بواجد عشان النظافة والضمان .... وبعدها يكون التعامل كدة ......
الله يكون في عونك ويسر أمرك.

والله يعين

مثل ماتفضلت طلعت الصالة نصابة وشركة التأمين نصابه... وشغلهم كلهم نصب الله يكفينا شر الحرام في رزقنا.......
وبالنسبة للورشة سمعت عنها ان شغلها ممتاز ومشهورة في عنيزة وبريدة وكل عمالهم فلبينيين ويمكن مثل ماتفضلت يصرف النظر عن المشكلة....


لكن انا وقعت بالمشكلة وانتهيت وان شاء الله دفعت بلا لي ولاهلي ...

بس ابغى اعرف هل هذه المشاكل مطمئنه وماعليها خلاف

[نادر العش]

وين الناس؟؟

[نادر العش]

للرفع للاهمية

[Magellan]

والله يا أخوي وقعت ضحية لنصب الصالة وورشتهم السياحية
ويا أخي القير ماوضبوه صح
أنا أنصحك تروح لصابر في صناعية الخليج رقم المحل 217 ويعلمك وش في الموتر
وإن كان به خلل إرجع وتهاوش معهم
وفي هالحالات أنا من الناس اللي يحب تغيير القير من التشليح بشرط مايكون موضب سابقا أضمن من توضيب اي كلام

[A L H A M O O R]

الصالات وما ادراك ما الصالات

حسبي الله عليهم

هم وشركات الضمان ..... يستغلونك استغلال عجيب ونحن وقعنا ضحيه لهم مثلك اخوي

مرمطه في مرمطه بسبة حرارة كاديلاك امريكي لين بعناه و افتكينا

الله يعينك اخوي