مساعده في الجمس 99

[ROTO7]

السلام عليكم

اخواني عندي مشكلة بالجمس موديل 99
المكيف

بداية المشكلة

اول مابده كان مفتاح قوه المروحة حق المكيف اخره في offيعني المكيف يطفي بالكامل

لكن إذا حطيتة بقى شغال المكيف مايطفي الكمبريسوور

ومع الوقت المكيف حار يجيب هوواء من تحت حسبي الله علية

وبعد بفتره ماثار يشتغل إلا المروحة بس

يا خوان وش الحل تتوقون الماتيح حقت الطبلون
؟

ولا إلاتماااس؟

[tererem]

عادتا ما يكون المفتاح

[tala55]

شيك على المفاتيح

وشيك على ليات المكيف الحار

[<نمر>]

صارت معي نفس المشكلة في سيارة جمس 99 امريكي

تحطة off ومع كذا تظل لمبة الكمبوريسر شغالة ولمبة زر التهوية ايضا


فكيت وجه الطبلون
و فكيت لوحة المكيف
و فكيت زر سرعات المروحة لوحده
فككته قطعة قطعة و سويت له تنظيف و اعدت تشحيمه و جمعته من جديد لانه ما طلع لي فيه اي مشكلة مجرد برادة النحاس الي ماليه الشحم تخليه يوصل حتى على off
و الحين شغال من احسن مايكون
العملية سهلة جدا فقط تحتاج ساعة زمن و رواقة بال

سعر الزر تقريبا 40 ريال لو حبيت تغيرة مع انه غالبا فقط يحتاج تنظيف


اما ان المكيف اصبح ما يبرد فقضية ثانية ربما الفريون ناقص
لازم تشيك عند محل تبريد

بالتوفيق

[ROTO7]

شكرا خواني

اخوي نمر طيب الحين ما اشتغل المكيف نهاائياا يقولون من السويتش الداخلي وانا محتار وش اسوي وش اخلي لاني زائر في منطقة رحت تشاليحهم مالقيت عندهم والقطع الغيار ماعندهم ولاحظ انة يفتح التهوية ويسكرها من نفسة انا الاحظ ذالك

[<نمر>]

في البداية فهمت منك ان المروحة شغاله على كل السرعات تمام باستثناء مشكلة ان الزر ما يفصل تمام على ال OFF بحيث يضل الكمبرويسر شابك
زر تشغيل الكمبرويسر و زر قفل التهويه الخارجية تمام
و المشكله ان الهواء حار


لكن يبدو الان ان المشكلة تطورت و صار المكيف ما يشتغل نهائيا مهما حركت زر سرعات المروحة

ارجو ان تصحح لي ان كان فهمي غلط

اتوقع المشكلة ممكن تكون افيوز لاني استبعد تلف الزر تلف نهائي
فهو بسيط مجرد قطعة نحاس تدور بتحريك الزر لتوصل بين اقطاب متعددة
انصحك اولا تشيك على الافيوزات

ثم ان كنت تملك القدرة و الخلفية الكهربائية البسيطة
ممكن تفك وجة الطبلون ( كبس مجرد تشده للخارج برفق من اطرافه )
و تفك لو حة المكيف ( اضغط على السانين في الاطراف )
افصل الكيبلات
اختبر وصول التيار الموجب لكيبل زر سرعات المروحة ( مفتاح السيارة على وضع on )

خذ لوحة المكيف وروق عليها و برادي الشاهي جنبك
فك زر سرعات المروحة ( انزع الفرار اولا ثم فك المسمار الوحيد من الخلف و اضغط على الالسنة )

فك الزر و تامل طريقة عمله و تفحص نضافة الروس

ان شاء الله تبين لك المشكلة من و ين

و ياليت تذكر و ين انت الحين ممكن احد من الشباب يفيدك بورشة او معلومة تساعدك

بالتوفيق

[ROTO7]

صح اخوي كلامك

لكن ما السبب اللي يخلي التهوية تفتح وتسكر لاني اسمع صوت الهواا يتغير

طيب الفيوز اللي في الكبوت ولاداخل السياره
على فكره انا شابكة دايركت المكيف من اول ما اشغل السياره يشتغل
انا بالخرج اخوي

[<نمر>]

التحكم في الهوايات يتم حسب علمي بقوة سحب المحرك ( شفط الهواء )
فيه صمامت كهربائية تتحكم بتوجيه هذا الشفط على البوابات حسب التحكم من اللوحة

الفيوزات الله يعينك تدور عليه في العلبتين الداخلية و الي في الكبوت
للاسف الجمس الان بعيد عني و الا ساعدتك

كيف شابك المكيف دايركت تقصد الكمبرويسر
والمروحة كيف شغالة
انتبه شبك الكمبرويسر مباشر اوكي للتجربة لكن للاستخدام بالطريقة هذي ما يفصل و ممكن يتضرر

بالتوفيق