انقذوني... قراند ماركيز2000 تفتفه (جننتني)

[بانادول]

السلام عليكم ورحمة الله وبركاته...

اخواني الاعضاء ارجوا منكم مساعدتي ... حيث انه ظهرت تفتفته مزعجه في سيارتي قراندماركيز2000استخدام امريكي...
فحصتها كمبيوتر قالوا مشكله بالشكمان ...

غيرت تشيلح خفت التفتفه ولكن عادت ...
هم غيرت مرة ثانية من التشلح خفت ثم عادت ...

البنزين غيرت إلى 95 واصبحت السيارة تصرف في البنزين بشكل مذهل ... ولكن التفتفه زي ماهي ( يعني تكتم ) وتجيب الهم ...
سوينا تصفيه ... غيرنا بواجي ... غيرنا صفاية بنزين وهواء ... (سيم سيم) نفس المشلكة ...

انا في الشرقية (الجبيل) ... الرجاء ياشباب ماهو الحل (هل اشيل دبات الرصاص الزفت) واركب سعودي واصبر على الصوت العالي ... ماعندي مشكلة بس اهم شيء تروح التفتفه لاني اعاني منها من سنتين... علما ان الشكمان مخرج واحد ولكن هناك اربع دبات رصاص اثنتين بسلك حساس ؟؟؟

تكفون الي عنده الحل يرسلني على ورشة او اي شيء تـــــــــــــكــــــــــــفــــــــــون؟

[توب جير]

اخوي انا عندي فورد كروان فكتوريا موديل 90 ونفس حالك كانت تتفتف معي كثير وطفشت
لكن وديتها الورشه قالولي يبغالها بواجي مع وايرات البواجي وقالو يبغالها تنظيف بخاخات انا غيرت بواجي مع وايرات البواجي وراحت التفتفه الحمدلله انت نفس الشيء الظاهر يمكن من البواجي ووايرات البواجي وشوف البخاخات يمكن فيهم اوساخ يبغالهم تصفيه وشوف فلتر البنزين وصفايه البنزين
وانشاللله تضبط اخوي سيارتك والله يوفقك

[الهايـم]

العااااادة تكووووون التفتفة من البواجي وصفاية البنزين ....؟؟



فيييييه ورشة الملحم يلي بالدمام مرهم وان شاء الله يفيدونك

و الشباب يلي عندهم خبره يفيدونك...

والله يعينك..

[بانادول]

... الله يجزاكم خير ع التفاعل السريع ...

ولكن عملت كل شيء ... من صفاية إلى بواجي (( ماعدا تنظيف البخاخ قالوا ما يحتاج ))

وفي انتظار الفزعه

[توب جير]

اخوي يمكن من البخاخات يحتاجون تنظيف جرب انت موخسران شيء وانشالله يطلع منهم لانه دايم تكون البخاخات فيها اوساخ وتسكر ماتخيلي السياره تتنظلق بسرعه

[أنـــــس]

هل تأكــــــدت من الكويلات بأن جميعها سليم......؟؟

ينقل لقسم الورشة

[فني سيارات]

دبات التلوث يجب ان تكون موجوده اضافة الى ان يجب ان تكون سليمة وايضا يجب ان يكون السلك راكب فيها بشكل صحيح وهو سلك الحساس وهو الي يحسب لك كمية الخروج بناء عليها يحسب لك كمية تدفق البنزين لو صار خلل في الدبات يعطي الحساس قراءة غير صحيحة بتالي سيارتك تصرف بنزين وتطلع تفتفه
ربما عند تبديلك للسكامين لم تطلع على الدبات او الحساسات
التي ربما تحتاج تبديل و الله اعلم

[M~أمير بكلمتي~M]

اخوي حاول تشيك على الكويلات والبخاخت

أخوكـ