من واقع تجربه كورلا و النترا

[سمير بوحه]

السلام عليكم ورحمة الله وبركاته احكي عن تجربتي لسيارة النترا وكورلا سيارتي طبعا كورلا 2004وانا اشتغل في في ابقيق وكل يوم رايح جاي على الخط للحسا المهم سيارتي تعطلت علي وماعندي سياره ثانيه عاد نسيبي بوعادل مسافر سوريا وسيارته النترا 2003 ابيض قير توماتك كان اكلمه واستاذن منه بستعمل سيارته وقالي ماتغلى عليك يالنسيب واخذ المفتاح من اختي والبانزين فول لوووول لوول واستعملها شهر كامل رايح جاي على الخط وبصراحه السياره ممتازه بمقارنتها مع الكورلا الالنترا ارسا في الخط بشوي من الكورلا والعزم انا اشوف نفس الكورلا بالضبط وبرودة المكيف نفس الكورلا ومن مميزات الالنترا المسجل ممتاز بصراحه رادو الكتروني خطير يطلع محطات الكورلا ماتطلعها والمسجل بعد ممتاز وسمعاتها ماشاء الله ممتاز وفي الهدوء الالنترا افضل بقليل من الكورلا والصرفيه البنانزين نفس الكورلا واقل بشوي بس الانترا فيها عيب شرعي بالنسبه لي اسياتها مو مريحه لاني شوي مليان بس شريت لها هذا اللي يحطونه على السيت وصارت مريحه وطبعا الشارع اللي فيه بيتنا كله مطبات وحفر واذا مشتي عليه اهداء من الكورلا وبس هذه اللي عجبني في النترا
بس حبيت اسال بكم قيمة الالنترا بجمميع فئاتها

[الوقدان]

النترا 2008 فل اوبشين..فتحة جنوط..مراتب مخمل..قير عايدي..
56000ريال..هذا الكلام قبل شهر تقريبا..عاد ما ادري عن اسعارها الحين..

[T O R N A D O]

الالنترا ما يحتاااج موووتر .. مريح وهادي وراسي ..

لكن الطامه الكبرى هل يعييش مثل الكورولا ولا لا ؟؟

[mnaief]

^^
أكيد يعيش ولا ماكان شفنا مع التكاسي موديل 2002 وبأفضل حال

[أنـــــس]

الالنترا سيارة رائعه..ولكني أفضل المازدا3 على جميع منافسيها

أشكرك على التجربة المتواضعة

[شحاته]

لا انا اشوف الكورلا افضل باكثير
انت مجرد تستعمل الالنترا فقط 3 سنوات بالكثير 4 سنوات راحت فيها السيارة وتتقرطع
مو مثل الكورلا تحياااااااااااااتي بالنسبة للاسعار ماعندي فكرة

[abo sirag]

انا حاس انه بيقوم حرب بين اصحاب الياباني واصحاب الكوري ...

[abdelrhman most]

انا املك سيارة كورولا الشكل قبل الشكل الجديد و هى موديل 2006
واود ان انصح الاخ الكريم بالابتعاد عنها بصرف النظر عن الالنترا او غيرها وذلك لان المسافة العرضية بين محاور العجل قليلة بالنسبة لارتفاع جسم السيارة مما يؤدى الى عدم ثبات السيارة عند السرعات العالية و قد لمست ذلك بنفسى