قناة السيارات
اهلا هلا يانسل الاجواد * * * * اقلط تفضل داخل القلب مركاك
السلام عليكم ورحمة الله وبركاتة
اول شي اذكروا الله تراى العين حق
ماشاء الله تبارك الله
ماله داعي اروح للوكالة بكرة اطلب طبلون جديد
من اول يوم شريت سيارتي ونور الطبلون مضيق صدرى
احس انة يجيب النوم فرحت وسالت يمين ويسار ولقيت المحل الى يغيرها لى
طبعا كثير من الشعب اصحاب السوناتا ودة يغيير نور الطبلون
من اللون الاخضر الى الالون الابيض مثل طبلون الاكورد
طبعا انا الان لى مايقارب شهرين مغيير النور والحمد لله تمام
وراضي عن النور كل الرضاء
طبعا انا كنت مصور عملية تغيير النور خطوة بخطوة
من اول مافك الديكور من فك الطبلون من تركيب اللمبات الى نهاية العمل
لكن للاسف قبل اسبوع انسرق جوالى في الجامعة نسيتة على الطاولة
لكن قلت الحمد لله على كل شي والصور كنت منزلها على الحاسب
يوم جيت امس دخلت البيت لقيت اخوى مفرمت الجهاز وراح كل شي
لكن نقول خيرة
بقول لكم وش سوى المحل
1/ فك الديكور الى تحت الطبلون الى فية زر trip و الزر الثاني حق التصفير
2/ على طول طلع الطبلون بكل سهولة
3/ فك الطبلون قطعة قطعة
4/ طلع الشريحةالخضراء الى في الطبلون وحدد مكان مرور الكهرباء
5/ بداء تركيب شرايح اضاءة وتاكد من شبكها مع زر الى يضعف النور ويقوية
6 / رجع كل شي لمكانة
وكذا نكون اتهينا من تغيير نور الطبلون
الشغلة تاخذ ساعة ونص
والتكلفة 400 ريال
الضمان 6 شهور
اذا احترقت المبات بعد انتهاء الضمان
ياخذون 50 ريال قيمة فوك الطبلون وتغير النور المحترق
وهذي بعض الصور
واذكروا الله
الصورة بالاضاءة الخفيفة
هذي بالخفيفة
وهذي بالقوية
5
6
7
ملاحظاتى على النور
1/ اذا كنت واقف ومشغل المكيف الشاشة الى فيها الكيلوات يرمش النور حاجة بسيط
واضحة للى بيدقق
2/ اذا طفيت النور او كنت امشي الظهر شاشة الكيلوات نورها قوى
لو كانت اخف افضل طبعا لان المبات الخارجية طافية
وهذي صورتين خطافية من أبوبدران
وفي النهاية ودي اقول.....
اعذروني على القصور.
اتمني من احد الاعضاء ينزل صورة للطبلون الاخضر نشوف الفرق.
فية مثل ودي اقولة لااحد الاعضاء هو عارف نفسة زين
(((( الى مايطول العنب حامض عنة يقول ))))
ولا تــــنــــسون التقييم
رد مع اقتباس
المشاركة الأصلية كتبت بواسطة vector
