اليوم الخميس طلعنا العصر مع بعض الزملاء الى طريق المطار وكان واحد منهم يبغى يطلع جيب وعنده خبرة قليلة وطلب يسوق موتري اعطيته الموتر بعد ماطلعنا من منطقة مليئة بالرباضات وقام يسوق الاخ بشكل جميل وصادف تل وطلبت منه يوقف عشان مايعلق الموتر او يصدم بالوجهية وما ادري ليه ماسمع كلامي وعلق علينا الموتر ولما سالته ليه ما اخذت بكلامي قال مادري ايش اللي خلاني اكمل .. نشوف الصور مع بعض بعد مشهد الفيديو ..
بعد ماشفتو مقطع التعليقة المحترمة اليكم هذه الصور مع التعليق المحترم
صورة للموتر من جهة السائق
الكفر الامامي وتظهر عليه ملامح الغراز وان كان خفيفا الا انه توقف عن الدوران بسبب عدم وجود تراكشن او الدف لوك (وينك يابوالخل )
هنا تشوف مدى المأزق اللي وضعونا فيه الاخوان
واحد جلس يتفرج والحيرة راكبته والثاني يلف حول الموتر كانه حارس مواقف شركة
طبعا بعدها خليتهم يدفون الرمل تحت الكفر الامامي المعلق
واصبح بهذا الشكل ثم نسمت الكفر بشكل كبير جد الى 10
ونفس الشيء للكفر الخلفي
وبعد ما تحركت السيارة بشكل قليل جدا بدأنا في تمهيد الطريق بالحفر نزولا كنوع من الدعم للكفر المعلق
رد : تقرير رحلة الغشامى ( طريق المطار) صور + فيديو
السلام عليكم
اهلا اهلا بسيد داكار والحمد لله على السلامه والحقيقه اناوقعت في مثل هذا الموقف ولاكن على سيف نفود وكنت توي مطلع الاكستيرا من الوكاله وضغط الكفرات كان 40 والله ياجماعه كانت السياره تتمرجح لان الكفر الخلفي الايمن مرتفع عن الارض ارتفاع كبير والموتر بتمرين ماقدرت اشد عليه ومن خلال هذا المازق قدرت ارد على الاخوه الى يقولون الاكستيرا فيه دف لوك او كلتشات وجلست حوالي نصف ساعه وانا عالق لين رحمن ربي وارسلي اثنين قمنا بتنسيم الكفرات وقامو بدف السياره وهزه حتى طلعت بعدها مادخلت البر حتى كملت السياره 1000 كيلووقمت اروح للمكان نفسه ولكن اشد على الموتر حتى مايتعلق مره ثانيه والحقيقه هذا الموقف لن انساة
والحمد لله لك اخوي داكار على السلامه وننتظر جديدك
قناة السيارات
رد مع اقتباس
