قريبا: فضيحة صيانة عبداللطيف جميل بالصور والوثائق

[ابوميس]

السلام عليكم

يا اخوان انا قدر الله علي وانهبلت في مخي وشريت كامري جديده موديل 2007 فل كامل قبل 25 يوم تقريبا

ومن اول ما استلمتها طلع فيها رجه في الدركسون بعد ال 100 وصوت في الماكينه

ادخلتها الصيانه في خريص وما استفدت شي وادخلتها الصيانه في فرع العليا

ولها تقريبا الآن اسبوعين في الصيانه بلا فائده لانهم ماحلو المشكله وماعرفو اصلا ايش سبب المشكله

طبعا لم يتم تعويضي بأي شي ولا حتى بسياره بديله لانهم يقولون مشكلتها بسيطه ما تاخذ يومين واليومين صارت اسابيع وشكلها بتصير شهور

وانا مستأجر سياره ودافع الى الآن اكثر من الف ريال ايجارات من جيبي

هذا غير التأثير السلبي على نفسيتي وحياتي لاني ماخذها كاش

ابغى مساعدتكم يا اخوان اللي يعرف ايميلات المدراء الكبار في شركة عبداللطيف جميل وعلى رأسهم محمد عبداللطيف جميل يفيدني بها

لاني ناوي اسوي فضيحه قويه ماصارت من قبل طبعا بإيصالات الصيانه واسماء الموظفين وصور السياره

يعني بيكون موضوع قوي جدا وراح انشره بإذن الله في اكثر 150 منتدى عربي واجنبي وراح ارسله لاكثر من 3000 ايميل

وياليت اذا عندكم اقتراحات اخرى تفيد الموضوع لاني ناوي اسوي فضيحه قويه جدا وبعدها راح ارفع دعوى على الشركه

وشكرا لكم

[Microsoft]

بما أنك ستخطو هذه الخطوة الكبيرة

ومن ثم تختمها بالشكوى على الشركة

فضع في بالك بأن لا تدع مجال للشركة

بأن يمسكون عليك زله ..

-=-=-=-=-=-=-

وللأسف تويوتا جالست تقص ذهب

من شهرتها السابقة .. وعلى حساب إسمها العريق


ومعليش لو حست موضوعك بهالسؤال ..؟

* من المسؤل الوكيل أم الشركة .؟؟

[Guyver3]

الرجاء ارفاق الصور لاني اود المساعدة

[رومانستا]

الله يقويك حبيبي

[نوافوه]

انا من زمان مادخلت مخي هالخرابيط الكامري وطقتها

[Deeno]

بالتوفيق..وحنا معك قلباً وقالباً..

[Ahmed Shawqi]

برجاء إرسال بيانات سيارتك حتى نتمكن من حل شكوى سيارتك إذا كنت ترغب في حل الموضوع...أما إذا كنت ترغب في إشاعة الموضوع فهذا غرض اخر شخصي يخصك فقط....

[سوسوv6]

اتصل على نائب ابو جميل

الدكتور سعد عطيه الغامدي بجده..

اظن عنده الحل..

وانا اخوك لاترجع عن الشكوى ابد..

نفس المشكله صارت لي مع وكالة اسكودا وجلست السياره

شهرين عندهم بس ماتعبت واجد بالموضوع واخذتها وجلست

معي سنه الله لايوريك انواع الخرابات..

الله يوفقك..