قناة السيارات
السلام عليكم ورحمة الله وبركاته
أهلاً وسهلاً
فجأة اليوم الصبحية كنت فاضي وشبعااان نوم وودي أطلع من البيت بس مدري وين أروح كل الشباب نايمين قلت يا ولد خل ندور لنا شغلة تقضي الوقت
وفجأة قلت خل أروح على المعارض لي حول سنة وأنا أدور على سيارة
فجأة وأنا رايح طرى في بالي وكالة الرنج
فجأة قلت خل أسألهم عن قطع غيار السبورت لأن كثير من الناس يقولون غالية بناءً على قول شخص
يقارن الرنج روفر الصناعة البريطانية بسيارة أخرى صناعة كورية واسترالية ويقول خل ندور الرخص
طب يا خوي خذ لك تاتا أن كان تبي رخيص
فجأة دخلت للوكالة
ولقيت السبورت <<< وترى لهاتي ما طاحت يوم شفته
فجأة جلست عند البياع وأسولف معه وقلت صحيح الي يقولون الناس عنكم؟
قال: أنت شف الأسعار وأحكم لكن ترى هي غالية
قلت زين عطنا الأسعار وأهم شيء الفحمات
فجأة لين الأسعر عندي وهذي هي عندكم:
الفحمات: الأمامي 390 والخلفي 305
طبعاً رحت لوكالة الشيروكي أبي قطعه منه لجيب أخوي لأني ماخذه لأن الوكالات لو يشوفني بالصابونه يشوتوني
فجأة يقول سعر الفحمات بـ 245 وإذا تبي النوع الأجود بـ 700 !!! خير خير يبو الشباب وين عايش فيه لو انه مايباخ يمكن
وسعر فحمات الاند كروزر 2008 بـ 256 أمامي وخلفي بـ 198
[ طبعاً كنت باخذ قائمة الأسعار بس يوم سألت عن الفحمات حق 2008 كلهم بققوا في صراحة ارتعت وقلت دام ذي طلعت منهم الحمد لله]
المهم فجأة نكمل معكم الرينج:
طبعاً السوبر شارجر والعادي كلهم يشتركون في نفس السعر إلا في أشياء ببينها لكم إن شاء الله
سير المكينة: 90 ريال
شبك أمامي 1120
صدام أمامي: 2590
صدام خلفي:2285
مراية جانبية يمين ويسار: 1650
باب أمامي يمين ويسار: 4410
والخلفي كذلك بـ 4410 أذكر واحد كان كاتب في المنتدى يقول حق الأكورد بـحدود الألفين بس مانيب متأكد
باب الشنطة 5125
كبوت: 5075
شبك جنب الرفوف يمين ويسار سوبر شارجر 510
العادي:265
رفرف أمامي يمين: 2135
رفرف أمامي يسار:2030
شمعة أمامي يمين يسار: 4300 !!!!
كشاف أمامي يمين يسار: 560
أسطب خلفي يمين يسار: 880
أتمنى أني أكون أفدتكم ولو بشيء بسيط
والي عنده معلومات عن قطع غيار السيارات لا يبخل علينا خلونا نفيد الجميع
وفجأة شكراً لكم
والسلام عليكم ورحمة الله وبركاته
رد مع اقتباس
