يفرجها الله

[DAHER]

اليوم مريت على وكلا السيارات في الحفر
بعد ما خلصت من السكاريب اللي عندي
ابتديت بالاقرب هيونداي
فيرا كروز اقل فئه 101.500
جوده عاليه جدا في المواد
افضل من الياباني والامريكي
حسب نظرتي
بس الكوري كوري بعد خمس سنوات صعب التخلص منه

نيسان
سألت صديقي مدير الفرع عن الارمادا قال نطلبها لك خلال اسبوع
الفل 167 الف ريال كثير خاصة من اجل المواصفات الغير ضروريه
الفئه الاقل 147 الف غير مقنع خاصة انه لا يحتوي ثلاجه اونظام تشغيل عن بعد
نصحني صديقي بالباث فل بسمن غير جلد
فتحه وكمرا خلفيه وشاشة وغيرها 137 الف
غير مقنع خاصة لما فتح الباب وطلعت ريحة البلاستك
بصراحه ما حبيته

تويوتا
برادو 6 سلندر vx1 120 الف لاباس لو انهم معرضينه 15 سنتي
لاند غير موجود قلت طيب السعر اقل نوع اوتو 138 !!

التوكيلات
ls 130
lt 132
بس متردد مع الارتفاع الكبير في السعر
وبعد اخبار اعطال القير

فورد
للاسف ماعندنا له معرض او وكيل
سمعت انهم مسويين عرض طيب
على الاكسبلورر
حوالي 95 الف lt ونحط عليه ثلاث الاف يصير فل
افكر انزل الدمام واحاول اخذه من غير ضمان وتشييك
اذا نزلو في السعر
والساتر الله

[قسورة]

حلو الإكسبلورر إذا ما تنزل بر واجد
و على فكرة ماكينة الإكسبلورر 2008 ألمنيوم مثل البرادو

إذا تبي سيارة بر و كرف أفضل الخيارات الي ذكرتهم هو البرادو

[عاشق العباره]

اخوي جربت الباجيرو او مريته ؟؟؟ سعره حلوو وبمواصفات


قوويه ..مرر وشوفه وان شاءالله بيعجبك ...


وباللي حطيتهم البرادو حلو بس شكله قدددديم خلاااص


اتوقع يتغير السنه الجايه لأن خلاص غبررر ...


مع التحيه اخوك عاشق العباره

[farishayel]

أنا قبلك مريت بنفس الحيرة وما فيه وكالة ما مريتها وما فيه سيارة ما سألت عنها
وإنتهيت إلى سيارتين فقط - إذا تهمك المواصفات مثلى - جلد وفتحة وإوتو ..... الخ.
فعليك بالتالى :
1 ) إذا يهمك السعر والرخص وإستخدامك معقول خذ الإكسبلولر الفل بـ 107000 ريال سعره رخيص ومواصفاته عالية وعملى جدا خصوصا بالديرة
2) إذا إنت راعى كرف ديرة وبر ونفود خذ الباجيرو الفل بـ 131000 سعره جدا مناسب قياسا بإمكانياته ..

والله الموفق .

[أبـو أنـس]

يفرجها الله علينا وعليك بس يالغالي لاتنسى تستخير الله

والله يسهل أمورك

أخوك المحب أبو أنس

[blue_omg]

أنا قبلك مريت بنفس الحيرة وما فيه وكالة ما مريتها وما فيه سيارة ما سألت عنها
وإنتهيت إلى سيارتين فقط - إذا تهمك المواصفات مثلى - جلد وفتحة وإوتو ..... الخ.
فعليك بالتالى :
1 ) إذا يهمك السعر والرخص وإستخدامك معقول خذ الإكسبلولر الفل بـ 107000 ريال سعره رخيص ومواصفاته عالية وعملى جدا خصوصا بالديرة
2) إذا إنت راعى كرف ديرة وبر ونفود خذ الباجيرو الفل بـ 131000 سعره جدا مناسب قياسا بإمكانياته ..

والله الموفق .

بصراحة انت جبتها من الاخر
هالسيارتين هم اللي في بالي بعد بحث وتمحيص شديد

المشكلة انا راعي خطوط والباجيرو مزعجة في الخط كصوت هواء أو صرف بنزين
وفي نفس الوقت احب اطلع البر، والأكسبلورر مو حق كرف البر

[DAHER]

اشكر الجميع على تعاطفهم وتفاعلهم معي

وفعلا صعبه تلقا مرادك
واذا لقيته قد تصدم بالسعر او الجوده

حقيقه مو كل المواصفات تهمني
اقصد الرفاهيه وليس انظمة الثبات والكوابح والامان
جيد انك تلقا في السياره
ثلاجه
دفي دي
تشغيل عن بعد
مثبت سرعه - ريمونت - قفل مركزي
هذا ما اراه ضروريا
اما الجلد والفتحه و النفيجيشن والبصمه تشغيل بدون مفتاح ما تهمني
وارقام الباب السريه مفيده

الاكسبلورر انا اعشق السياره بس ما في وكيل في المنطقه
والظاهر ان العرض على السعر انتهى
باتصل عليهم الصباح وعسا تنفرج

[legendury]

والله انصحك بالأرمادا

والله يوفقك