مساعده ياشباب عن السوناتا v6

[عمر 2007]

السلام عليكم

كيف حالكم ان شاء الله تمام

ما ودي اكثر كلام

المهم ناوي ان شاء الله على سوناتا v6

بس قبل ما شتريها ابغى نصيحتكم من جميع النواحي

مثل قطع غيرها متوفره وكيف هل هي صبورها وعزمها يفرق عن الاربعه سرندل

واخيرا هل هى متوفره موديل 2007 _2008

وعلى فكره انا ساكن في الرياض يعني من عند الوعلان باخذها ومشكورين مقدما

[عاشق السوسو]

<< بالشرقية

كان ودي افيدك , بس المجدوعي ما يوفرها

إنـ شاء الله الشباب يفيدونك ..

[mr.magna1]

ايش اقللك بس لو كان في يدي اقللك ان السيارة كاملة كان قلتها لكن للاسف ماهي كاملة
لكن العيوب ماهي خطيرة في نظري العيوب مسالة الاذواق
بعدين للاسف لا المجدوعي ولا الناغي يوفرها
والله يعينك باقي لك وكيل واحد تشوفها فيه
او لاهنت المعارض يكون واحد اشتراها وباعها بعد فترة بسيطة
ان شاء الله اكون افدتك

[سوناتا488]

هلا اخوي


انا من الرياض


الوعلان متوفره عنده جميع المواصفات



انا اربعه سلندر الحمدلله حلوه


السته سلندر اشوف اصحابي ماشيه معهم مافي احد اشتكى


ملاحضه / ياليت تصبر اخاف ينزلون دفعه ثانيه يتغير الشكل سوها في 2005 اذا تأكدت توكل على الله واشتر


مبرووك مقدما

[mnaief]

من وجهة نظري تصبر للشكل الجديد اللي راح ينزل قريب بإذن الله
وأحتمال يكون هو الدفعه الثانيه ..
والوعـلان يوفر السوناتا v6 والموجوده الآن عندهم نص فل وليست فل كامل

[عمر 2007]

مشكورين شباب على المرور لكن قطع غيرها كيف متوفره واسعاره غاليه ولا لا

[LAMBADA]

الوعلان متوفرة عنده الستة سلندر وبفرق تافه عن الأربعة سلندر ..

اذا ما تقدر تصبر للشكل المجدد 2008 توكل على الله وخذها ..

عندنا وحدة ستة سلندر فالبيت وممتازة وفرق كبير بينها وبين الأربعة سلندر

[M.W4EVER]

انا شريت 6 سلندر اليوم بس موديل 2006 ماشيه 15000 كم بس أخذتها ب50
برأيي 2006 أحسن لعدة أسباب ::
أولها وأهمها ان مكينة السوناتا 2008 تجي 215 حصان مو 235 حصان
الشي الثاني موديل 2006 يجي منه فل كامل
أما 2008 ناقصه اشياء واجد أهمها الحساسات والجلد وجنوط 17