هيونداي تيراكان .... استفسار

[روودماستر]

السلام عليكم ورحمه الله وبركاته .....
امس صارتلي قصه .... وانا في الطعس بالداتسون نيسان .... طحت في رباضه على ما اعتقد اسمها
كذا .... المهم جاني سفاري ربع حاول يمين يسار مافيه فايده ....
وقالي صعب تطلع لان الرباضه هذي من النوع الطيني ....
المهم ال يجي راعي جيب هيونداي نزل ساق السفاري بس ما قدر والسفاري علق معي
والرجال ساق الجيب حقه وطلعنا ثنيناتنا ومر على الرباضه وكنه العيد
المهم انا ذيك الساعه ناديته ولتله وش هالموتر .... ( فتح عينه وقال صل على النبي )
المهم قالي اسمه تيراكان .... ولقطت الاسم من ورى السياره
Teraccan بس مو متأكد .....
.
.
الزبده ابي معلومات عن هالموتر سعره .. مشاكله ..... سبب عدم انتشاره ....
اذكر اني رحت وكاله هيونداي يمكن 10 مرات ... مع ولد عمي عنده سوناتا ...
ولا مره شفتها هناك .... بس دايما اشوفها في الطريق ....
اللي يقدر يساعدني ....

[GM_TAHOE]

هلا أخوي
حسب ماسمعت انة التيرايكان استبدل بسيارة مدري وش اسمة
على مظن اسمة فوت كروزر او فون كروزر مو متأكد بس شكلة جديد
هذا اللي حبيت افيدك فية


أخوك
SO S O 2 0 0 4

[alzaeem4613]

اخوي هذا الجيب انقطع من وكاله هيونداي و استبدلوه بجيب اسمه فيراكروز شبيه بجيب اللكزس 350 ار اكس بس السعر الله العالم انه حول 100000

[salehhd]

السلام عليكم

التريكان كسب علمي يحتوي على محرك متسوبيشي باجيرو

[سريع جدا]

التيراكان سياره ثقيله الحجم

مزوده بمحرك سداسي الأسطوانات سعه 3.5 ( 200 حصان )


أستهلاكها شره للوقود


توقف أستيرادها من قبل الوكيل

[DAHER]

انا قبل شهرين مريت وكالة هيونداي
وقالوا انه تغير وطوروه و راح ينزل قريب
ما قالوا تغير اسمه

[الخل الوفي]

يا اخوان جاكم العلم.

التيراكان هو الجيب الوحيد في أسطول هيونداي المصمم للظروف الوعرة والصعبة، والوحيد إللي فيه أدوات الدفع الرباعي الحقيقية، كالدبل الثقيل. وهو ليس مجهز بمحرك ميتسوبيشي، هذاك كان القالوبر، والقالوبر استبدل بالتيراكان وهو أيضاً جبار في البر بحكم أنه ميتسوبيشي باجيرو الموديل القديم، مع تغييرات طفيفة.

التيراكان توقفت الوكالة عن استيراده وليس له بديل للأسف. الفيراكروز ليس بديلاً له، لكن مندوبي المبيعات يحاولون الإيحاء بذلك. بل هو فئة مختلفة تماماً.

التيراكان كان يباع بسعر 75000 ريال، والمواصفات الكاملة بـ 85،000 ريال. الحقيقة إنه جيب ممتاز، لكن يعيبه أن خلوصه الأرضي قليل، فقط 200 ملم. إلا أنه يمكن حل هذه المشكلة بتركيب مساعدات ويايات جديدة من ARB. كما يتوفر له أقفال دفرنس خلفية وأمامية من ARB، ويتوفر بموديل دفع رباعي مستمر (ما يجي عندنا) ودفع رباعي مؤقت (يجي عندنا). محركه على ما أظن نفس محرك الكيا سورنتو، ويعتبر ضعيف نوعاً ما، بالمقارنة مع المنافسة، مثل محرك الباث فايندر القديم والبرادو.

شكله قبيح جداً، لكن أداؤه جيد.