جيب شيروكي ليمتد ( صور + معلومات )

[مجنــxAــون]

شكرا على الموضوع الشامل

[Night]

العفو حبيبي ..


تحياتي

[مــهــنــد]

والله انه موووووتر
وصدق من قال انه الكينج على الطعوس

[*الـسـفـيـر*]

سعره بين 99.000 و132.000 الف ريال

وشي غريب ان سرعته 185 حتى باقي سيارات الدفع الرباعي ما تجيب سرعات عالية مثل الهمر H2 !!!

تسلم على الموضوع والصور

[Night]

شكرا السفير على الرد

وتحياتي لك

[Night]

.







.

[شيروكي97]

السلام عليكم .. تحيه طيبه لكل الاخوة .. انا عندي شيروكي 97 توني شاريه .. وقبله كان عندي شيروكي 98 كانتري فل ابشن الدرجه الاولى شريته من الوكاله ..


والشيروكي اللي توني مشتريه عندي استفسارين عنه ؟؟

الاول .. / مرات وانا واقف السيارة ما فيها اي شي فجأه تطلع كلمه check engin وترجف السياره شوي يطلع من الاكزوز دخان ابيض كثيف وريحته بنزين ..

وفجاه تروح المشكله وفجاه تطلع .. سويتله تصفيه ونفس الشي .. مدام عنكم خبره تهقون من شنو .. بعض الميكانيكيه قالولي من الكمبيوتر والبعض قال من السنسر مال القير .. وانا محتار ..

الثاني : / تعرفون الشيروكي في الصيف - المكيف فاشل وحراره المكينه فوق النص .. ابي شنو الحل مع حراره المكينه ابيها في الصيف تصير الربع اشلون ..

انا بصراحه فكرت افصل راديتر نحاس 3 عيون .. واشيل مروحه الكرنك والثانيه .. واحط مراوح كهربائيه .. اما مالت المكسيما او مراول الزد التيربو .. لان عندي زد عليها مروحتين الماني ومراوحها قويه .. انتو شنو رايكم ..

الثالث : / ابي الشيروكي يصير طياره ويزيد عزمه اشلون .. وين يبيعون سستم الشوته حقه لاني شفت واحد حاطه على شيروكي ولا سألته ..

وشكرا ........

[Night]

ياهلا وغلا شروكي ..

اخوي بالنسبه ل :


الاول .. / مرات وانا واقف السيارة ما فيها اي شي فجأه تطلع كلمه check engin وترجف السياره شوي يطلع من الاكزوز دخان ابيض كثيف وريحته بنزين ..

وفجاه تروح المشكله وفجاه تطلع .. سويتله تصفيه ونفس الشي .. مدام عنكم خبره تهقون من شنو .. بعض الميكانيكيه قالولي من الكمبيوتر والبعض قال من السنسر مال القير .. وانا محتار ..

عزيزي شروكي 97 .. بالنسبه ل check engin فهذي الكلمه تعني انه السياره تحتاج الى
تصفيه ...

والسبب الاول هي البلكات عندك محترقه لانه السياره في وضعها العادي اذا البلكات شغاله يعني مافيها شي ،، لكن الرجفه الخفيفه وتحس انها ودها تنطفي وترد تشتغل بهذي البلكات الروس مالتها احترقت..

واذا قالولك انه القير مافيه شي ..

فجيك على روس القير ! مره ثانيه

وثاني شغله ممكن الكمبيوتر في عطل فهذا يسبب لك مصدر ازعاج ،، بس انا مااعتقد انه هذا كمبيوتر ..

هذي شغله بالقير .. ويستحسن تروح حق الشركه لانهم اهما راح يطلعون مصدر العطل بالضبط ..


الثاني : / تعرفون الشيروكي في الصيف - المكيف فاشل وحراره المكينه فوق النص .. ابي شنو الحل مع حراره المكينه ابيها في الصيف تصير الربع اشلون ..

عزيزي الشيروكي معروف من الموديلات القديمه لحد موديل 97 الحراره تصعد فوق النص ... وهذا يسبب ضرر اذا صعد الى الربع القبل الاخير من الحراره ..

واذا تبي الحراره معقوله عندك اشبك المرحتين على طوول في لها واير او مثل كبس بالمروحه الدايركتيه للمكيف اشلعا وخلها تشتغل على طوول وعلى هذي الحاله راح تظل المروحتين شغاله حق المكيف والثانيه .. وهذي طريقه يستعملونها اصحاب القومات عشان الحراره والخ ..

والشغله الثانيه اخوي اذا سيارتك تحط لها ماي عادي للراديتر وخاصتا من تحت موديل 98 ونازل فصدقني الحراره بسرعه تصعد ..

لكن انا جربتها من زمان كان عندي شيروكي موديل 94 .. وهذا الشيروكي من احط له ماي عادي حق الراديتر بسرعه ترتفع ..

والنصيحه انك تحط ماي للراديتر من النوع الاصلي واللي يكون لزج وقوي وانصحك انك تنظق ماي الراديتر وتغسله عدل عند الميكانيكين وتفضيه ..

وبعدين يقومون بإضافته للماي الراديتر الجديد ،، وانصحك بهذي الطريقه خاصتا انك ذكرت موديل سيارتك 97

فحط ماي للراديتر من النوع الممتاز ..


بس نصيحه اخوي احسن حل عشان ترتاح من الخرابات والحراره انك تاخذ شيروكي من موديل 2000 الى موديل 2001 وهذا يقدرك بالحراره لانه الحراره نص ثابته .. ومافيها خرابات مثل القديم اللي اهو القصه القديمه من موديل 97 وتحت ..



الثالث : / ابي الشيروكي يصير طياره ويزيد عزمه اشلون .. وين يبيعون سستم الشوته حقه لاني شفت واحد حاطه على شيروكي ولا سألته ..

اخوي في هاالموضوع انا راح اعطيك خطوات تخلي سيارتك تطير حيل ..

اول شي غير دهن المكينه ويفضل يفضل تحط زيت موبيل 1 هذا يخلي المحرك يشتغل بطريقه مريحه جدا .. لانه هاالزيت اقوى زيت واكثر الزيوت لزجه وهذا زيت عالمي معروف ..

والاهم

ثاني شغله انصحك انك تصفي السياره عن طريق تنظيف البخاخات وهذي الطريقه اللي تخلي السياره مثل الطلقه ..

انا جربتها وبطل البخاخات واحد واحد ونظفهم وركبهم .. والطريقه الثانيه تسوي تنظيف البخاخات عن طريق الجهاز واللي يشغل على طريقه البانزين بدون محرك السياره ويطلعلك كل الاشياء المتراكمه داخل البخاخات ويخلي الاداء لها قوي ..

ووالشغله الثالثه :-

تبديل الشوته وتغيرها اما بشوته ثانيه او سستم شوته بس الافضل سستم شوته ..


والرابعه ..

انك تضبط عيارات القير وماتخلي القير يبدل في وقت متأخر .. وهذي الطريقه مهمه لانه مرات التبديله تطول وراح تتعب منها ..


وجيك على الباكسس بالاخير اذا الزيت تالف فأنصحك تنظفه حتى يطلع اللون الاسود وتبدله ..


بلاضافه الى فلتر البانزين .. حق الدبه ..


وهذي احسن الطرق اللي انا جربتها وتخلي السياره طلقه فزه وخط ..

ولا تنسى تنظيف البخاخات تلعب دور بدون كبير في الفزه والخط والتبديل راح يكون مريح جدا .. بس شوف الميكانيكي الممتاز وقوله ينظفلك البخاخات عدل .


وتقبل تحياتي اخوي شيروكي 97

واسمحلي اذا طولت عليك وعلى هذا الرد المتأخر ..


اخوك night