مشكور اخي ابو الخل شغل عدل بس حرام على 2.7
قناة السيارات
مشكور اخي ابو الخل شغل عدل بس حرام على 2.7
ما شاء الله لا قوة إلأ بالله
ماشاء الله صورة ولا اروع لتويوتا فورتشنر ... لكن ما اعتقد ان الصورة التقطت في السعودية ..
على فكرة واحد من موظفين اللي في تويوتا يقول لي مكينة الفورتشنر 4 سلندر نفس مكينة الهايلوكس فهل كلامه صحيح ؟؟؟؟
المشاركة الأصلية كتبت بواسطة مساري الرياض
صراحه يابو الخل ماشالله عليك وعلى موترك وافكارك في التعديل عيني عليك بارده...
انا اعرف انك معدل في سيارتك تعديلات تخص نظام التعليق ما ادري وش هي بالظبط
وودي اسئلك عن الشركات الي تصنع هذي المنتجات ومدى فعاليتها على اداء السياره في بر
وفي الجبال والوديان وعيوبها على الخط المزفلت (خاصه مايخص فئات سياراتنا- سيارتي بالتوقيع)
ماراح يقنعني رد بسيط وياريت اذا جتك فرصه وكنت فاضي تكتب موضوع يخص
التعديل والقطع والشركات الي تنتجها والسيارات الي ممكن تستفيد منها ومدى فاعليتها
شكرا جزيلا واتمنى اني ماثقلت عليك (( لكن هذي ضريبة التميز زي مايقولون ))
يعطيك الف عافيه وبالتوفيق
أنا مغير المساعدات واليايات في سيارتي، ومركب نوع أسترالي إسمه Old Man EMU واختصارها OME، وأعطتني ارتفاع أكثر وخلوص أرضي أفضل، وقساوة في التعليق وهذا مفيد جداً في البر.
أيضاً مركب صدام أمامي حديد من ARB إسمه Sahara أي صحارى، وعليه ونش من وارن يشيل 3.5 طن. ومركب هوك خلفي لقطر المقطورات وقفل دفرنس أمامي من ARB إسمه Airlocker، يعمل بضغط الهواء، وكمبسر هواء داخل الكبوت لتزويد القفل بضغط هواء كافي لتشغيله. السيارة يجي فيها قفل دفرنس خلفي شد بلد.
وناوي في المستقبل القريب أركب بطارية إضافية وكمبرسر ثاني للاستخدام لنفخ الكفرات. وفي المستقبل البعيد إن شاء الله خزان وقود إضافي وصدام خلفي مع حامل للكفر السبير.
وهنا صور لإكسسوارات سيارتي:
قفل الدفرنس (أنبوب الهواء داخل فيه):
كمبسر الهواء:
الهوك الخلفي والمساعدات الخلفية:
السيارة لا تباع أو تسوق في سوق أمريكا الشمالية.
الداخلية كلها نفسها، لكن فيه فئات فيها تغيير رائع، مثل هذا إللي إسمه فورتشنر سمارت:
يا رجل، البرادو تلقى له هوك بالراحة في الغرابي.
لعلمك، في تايلند، حيث الصور مأخوذة، ما عندهم محرك الست سلندر. عندهم الجي إكس دفع خلفي، والفي إكس دفع رباعي. عندهم ثلاث محركات لكل فئة: ديزل 2.5 لتر (نفس الهاليكس إللي يجينا)، ديزل 3 لتر (محرك جبار أقوى من محرك الإيسوزو دي ماكس)، ومحرك بنزين 2.7 لتر. فأقوى محرك عندهم هو أبو 2.7 لتر.
نعم، نفس المحرك، والصور مأخوذة في تايلند.
وللعلم، الفورتشنر حاصلة على حصة في السوق الآسيوي لسيارات من فئة SUV نسبتها فوق الـ 70%، مع الـ 30% المتبقية لباقي الصناع.
التعديل الأخير تم بواسطة الخل الوفي ; 24-11-2007 الساعة 07:37 PM
ما شاء الله تعديلات مميزة وراائعة
مشكووور أخي الفاضل الخل الوفي
تحياتي.,
عفواً أخوي الديم. وبانتظار آراء القراء في الصور أعلاه لفئة فورتشنر سمارت.
اخي ابو الخل - قريت انك تبي تركب كمبروسور لنفخ الكفرات طيب ليش ما تستخدم الكمبروسور حق قفل الدفرنس الامامي اللي مركبة هناك قطعة و توصيلة تباع عند الرماية وسعرها اعتقد في حدود 120 ريال وهي مصممة لعذا الغرض
أشكرك على طرح هذا الأمر، وهو أمر أحتاج أستشير فيه. الحقيقة أنا من تجربتي أن الكمبرسر تضعف قوة نفخه مع الوقت حتى يصبح عديم الفائدة، وخرب على يدي ثلاث كمبسرات سابقاً، كلها فقط بالاستخدام العايدي لنفخ الكفرات، بل واحدة خربت من ثاني أو ثالث استخدام (نوع أمريكي سيء)، وأنا الصراحة ما عندي استعداد أضحي بالكمبرسر الأصلي من ARB قيمته 900 ريال عشان نفخ كفرات، خصوصاً أنني أطلع البر كثير وكثيراً ما أنسم الكفرات وأحتاج أنفخها. وإلا إيش رأيك؟
رد مع اقتباس
