رابطة عشاق السوبارو (( اليجاسي )) و (( الامبريزا )) هنا كل شئ !!!

[$المهندس$]

يا شباب اليوم شفت الامبريزا الجديده عند الوكيل في الكراج ولله شكله مقبول و جميل


احلي من الصور .

[saurus]

شباب اليوم روحت شريت

G-TECHpro-ss

وجربته علي السياره وكان أداء اليجاسي يفشل الصراحه مو بالمستوي الي كنت أمله أخ بس أأأأأأأأأأأأأأااخخخخخخخخخخ



الصراحه ودي أبيع السياره

يعني الرقم ألى طلع يدل على أن السياره مو حقت تعديل مره

[الفجرmtr]

شباب اليوم روحت شريت

G-TECHpro-ss

وجربته علي السياره وكان أداء اليجاسي يفشل الصراحه مو بالمستوي الي كنت أمله أخ بس أأأأأأأأأأأأأأااخخخخخخخخخخ



الصراحه ودي أبيع السياره

يعني الرقم ألى طلع يدل على أن السياره مو حقت تعديل مره

اخوي ممكن تقولي وشو ذا الجهاز لاهنت او شفايدته

[الفجرmtr]

يا جماعه عندي سؤال للي شاف مكاين السوبارو الي في الامارات ودي اعرف شنو السبب الي يخليها ماتركب على الموديلات الجديده

[Lazorde]

السلام عليكم

اهلين اخواني والمعذرة على كثرة الاسئلة لاني محتاج الاجابه منكم ونصيحتكم

انا امس رحت لشركة سوبارو على طريق خريص

وشفت الليجاسي6 سلندر 2007 الفل كامل
وسعرها:107.000ريال
وجلست مع الموظف وقاعد اسئله عن السعر وبكم بتعطونيها
اذا دفعة كاااش
قال باعتبرك زي ولد عمي واكلم الاداره واخلي سعرها 100.000 ريال
وقال لي مابقى من الليجاسي الا عشر سيارات ويبون ويبعونها في اقرب فرصه
وقلت له متى بتنزل ليجاسي 2008
قال لي والله مدري
مع اني مكلم الوكاله اللي في التحلية وقال بتنزل في شهر 12 ميلادي

بس انا قلت في نفسي السعر مبالغ فيه مع ان 2008 قريب انها بتنزل
واذكر مع نزول موديل 2007 من الليجاسي
طاح سعر موديل الليجاسي 2006 الفل كامل الى 84000ريال مع ان سعرها كان في السابق 107.000ريال
يعني شي غير يريح النفس من ناحية السعر

اللون اللي عجبني هو الاسود والافضل طبعا اللون لؤلؤي قوي جدااا

ا نا عارف اني طولت عليكم بالكلام بس محتار اني اشتريها الحين وينزل سعرها فالاخير اندم
ارجووو انكم تنصحوني ياخبراء السوبارو خاصه الليجاسي
لان بأذن الله باشتري ليجاسي 2007
وان شاء الله ما تقصرون معي ويعطيكم العافيه

[سوبارو المبدع]

وعليكم السلام هلا فيك اخوي
اخوي اذا انت تفكر في البيع خذلك كامري ولا اي سياره عليها علامة تويوتا لانها مفضله لدى الشعب مع انها ما تقارن بالسوبارو
نصيحه تبي تشتري سوبارو لا تفكر في البيع لان السعر بيطيح بسرعه البرق فكر في الجوده وراحة البال مو كل شوي ورشه ولا خربت حتى شوف دعايه تويوتا عبد اللطيف يقول لا تستخدم الا قطع غيار اصليه ( حتى تويوتا قطعها غاليه )
ومن ناحيه هل هي يابانيه اعطيك معلومه الشركه الوحيده اللي تصنع السياره وقطع الغيار من نفس المصنع وعلشان كذا ممكن يكون سعر قطع الغيار مرتفع نسبيا بس مو اعلى من الشركات الثانيه
يعني من ناحيتي انا اشوف انها صفقه لا تعوض بثمن
واسسسسسسسسسسسسسسسسف على الاطااااااااااااااااااااااااااااااله

[سوبارو المبدع]

شباب نسيت اقولكم في مفاجئتين :
1- اتصل علي المسؤال عن نادي سوبارو في جده محمد الجهني وقالي في مفاجه للشباب بس لازم يعطوني معومات عنهم مثل الاسم الثلاثي و العمر و رقم الجوال والايميل ونوع السياره و + صورة السياره وانت بجنبها
طبعا هاذي المعلومات انا ماني عارف ليش يبيها بس المسئله فيها مصلحتنا ومفاجئه لنا كلنا

2- المفاجئه الثانيه فيه تجمع انشاء الله في عطله الحج في الرياض مثل ما ذكرتوا ان الشباب يبون موقع قريب وبعيد عن الزحمه وفي نفس الوقت الناس تعرف
في موقع الي صار فيه سباق السرعه في الرياض اللي هو على شارع العليا العام على ما اعتقد مواقف شركة الجريسي مكان في قلب الرياض والزحمه هناك معقوله بقوه لاني راقبتها كم مره وفي كذا وقت وشفت الموقع مناسب وش اريكم ياشباب

لا تنسون ترسلون البيانات كامله وممكن انقطع يومين بسبب الاختبارات ( ديزل ههههههه)

[أبـوأسـد]

السلام عليكم

اهلين اخواني والمعذرة على كثرة الاسئلة لاني محتاج الاجابه منكم ونصيحتكم

انا امس رحت لشركة سوبارو على طريق خريص

وشفت الليجاسي6 سلندر 2007 الفل كامل
وسعرها:107.000ريال
وجلست مع الموظف وقاعد اسئله عن السعر وبكم بتعطونيها
اذا دفعة كاااش

قال باعتبرك زي ولد عمي واكلم الاداره واخلي سعرها 100.000 ريال

ياسلام على كلام المندوب تراه يضحك عليك!

بالله ودي أعرف وش جنسيته؟

فيه موضوع منزله ألتيما ألتيما يقول أن أحد المندوبين عارض عليه السيارة بـ 94 ألف وش هذي 100 ألف؟

مر كم مندوب لا تاخذ السعر من مندوب واحد صدقني ترى كل مندوب يعطيك سعر غير وأرخص واحد يعطيك السعر أشترها من عنده أن كنت تفكر بـ 2007

وقلت له متى بتنزل ليجاسي 2008

قال لي والله مدري

نصااااااااب السيارة موجودة بس ما بعد عرضت في صالات العرض

طاح سعر موديل الليجاسي 2006 الفل كامل الى 84000ريال مع ان سعرها كان في السابق 107.000ريال

يعني شي غير يريح النفس من ناحية السعر

شف أخوي موديل 2006 لو يعرضونها لك باللون الي تبي وفل كامل 6 سلندر وبـ 50 ألف لا تاخذها؟!!! ترى هوباتها مصدية وطقتها الشمس لين قالت بس ولا تستاهل هذي القيمة وللمعلومية من يوم نزلت 2007 وكانت تباع بـ 83 ألف؟؟؟ معقولة كل هذا الوقت ما تغير من سعرها إلا كذا ترى الي قالك هذا الكلام نصاااااااااب ويضحك عليك ومعليش من الي قالك أنها كانت بـ 107 ألاف ريال؟ أول ما نزلت سعرها 98 ألف أيه نعم سعرها 98 ألف ريال 2006 فل كامل 6 سلندر

شوف نصيحتي لك خذ 2008 طازجة لأن ميزة 6 سلندر الموديل الجديد حسب معلوماتي أنها بيكون فيها بصمة وتشغيل لمس يعني تستاهل من ينتظرها ولا تفكر أطلاقا بـ 2006 وأتمنى بعد ما تتحمس كثير إلى 2007 شوف أن نزلت الموديلين 2007 و2008 ناظر فرق المواصفات والسعر شوف الي يعجبك لا تتحسف وتتحسر أن شريت 2007 ولقيت 2008 مواصفات وسعر مقبول ثم تندم! أنتظر أفضل لك ولا تنسى الأستخارة أيضا

ا نا عارف اني طولت عليكم بالكلام بس محتار اني اشتريها الحين وينزل سعرها فالاخير اندم

وأكيد أن نزلت 2008 بتطيح 2007 قيمتها أن تقصد هي وكالة أما أن تقصد سعرها بعد البيع فحط في معلومك سوبارو ما تمسك سعرها أطلاقا خصوصا 6 سلندر, وأكثر سيارة محافظة على سعرها في سوبارو هي الليجاسي 4 سلندر المواصفات الأساسية مع فتحة (لأن ما تفرق عن الفل كامل 4 سلندر إلا الجلد ومرتبة السواق كهربائية فقط)

والله يكتب لك الي فيه الخير

فيه معلومة ودي أقولها لك بس خوفي تصرف النظر عن الليجاسي حاليا!
ترى الليجاسي بتتغير تغيير كلي في عام 2009