كيف جودة جيب Honda CR-V واحتمال تعرضها للاعطال

[Diablozoo]

السلام عليكم...
ارغب وبشدة بشراء جيب CR-V Honda ذات الدفع الامامي لكن احد الاصدقاء قد حذرني من اعطال محتملة في القير الاتوماتيكي بعد مرور فترة من الاستعمال. حسب كلامة ممكن اضطر اروح للوكالة لاصلاح الاعطال.
انا لا اهتم بالقوة ولا أذهب للبر وكل مايهمني سيارة بقير توماتيك تستحمل ولا تتتعرض للخراب ولا تتطلب صيانة كثيرة لاحقا بعد مرور كذا سنة.
هذه سيارة تحمل اسم هوندا واثق بهذا لكن اخذت كلمة الرجل بجدية.
اتمنى احصل على نصيحة من شخص يملك هذة السيارة ويقول لي عيوبها وهل فعلا توجد مشاكل بقير السيارة بعد فترة من الاستعمال.

[أبـوأسـد]

أخوي كم موديل الهوندا CR-V التي تتحدث عنه
ممكن سرعة الأجابة

[Diablozoo]

موديل 2005 جديد

[أبـوأسـد]

معقولة!!!
طيب صديقك هل معه CR-V وكم موديله هل تقصد أن الي معه موديل 2005
لأني أول مرة أسمع هذا الشيء أن فيه مشكلة في القير؟

[محرك]

ألا .. ابو اسد فيه مشكلة كبيرة في القير حق الهوندا

شف ذا الرابط اخوي .. http://alsaha2.fares.net/[email protected]@.1dd7b3e4

http://alsaha2.fares.net/[email protected]@.1dd5d631/4

[أبـوأسـد]

غريبة
بس هذا الكلام في هوندا أوديسي وMR-V أيضا!!!
شيء غريب فعلا على هوندا؟

[Honda_CRV]

السلام عليكم ورحمة الله وبركاته

بصراحة السيارة ما عليها كلام، كان معي موديل 98 شريته مستعمل من المالك الاول ماشي 125 الف واستخدمته حوالي ثلاث سنوات وبعته من ثلاث شهور وما واجهت فيه اي مشكله ولله الحمد وحتى في البيعة ما تتغلب كثير ( الفرق بين سعر شراءه وسعر بيعه 9000 ريال يعني خسرت 3000 عن كل سنه بس مشيت عليه كثير فوق 200 الف) ، الشي الوحيد المهم الي صلحته فيه كان تهريب من الدودة وكلف 900 ريال. وما بعت السيارة الا عشان التغيير.
بعض الناس يقولوا ان قطع الغيارة غالية، بصراحة قطع الغيارة الاساسية معقولة المشكله في القطع الخارجية مثل الشمعات والاصطبات، غيرت الفحمات والقماشات بعد ما شريت السيارة (اصلي امامي 280 وخلفي 180) واستخدمتها 3 سنوات حوالي 100 الف كيلو وبعدها ما خلصت.
اهم شي الوكيل ممتاز واجور الصيانة معقولة كل الصيانة والاصلاحات القليلة الي سويتها وتغيير الزيوت كنت اسويها في الوكالة.

مشكلة القير الذي ذكروها الاخوان صحيحة وهي بس في الاوديسي والام ار في، واعترفت فيها شركة هوندا واستدعت سياراتها للصيانة، وحل المشكلة بس بتغيير ماسورة ( لي ) التزييت للقير لكن اهم شي قبل لا يخرب القير واي واحد كان بيراجع الوكاله عشان الصيانه الدورية غيروا له لماسورة بس المصيبة الي ما يراجع الوكاله الا بعد المشكلة ما ادري هم يتحملوا تصليح القير ولا لا.

بس تبي النصيحة لو ودك تشتري وكالة خذ نيسان باثفايدر احسن واقوي ويمسك سعره اكثر وسعره وكالة قريب من الهوندا بس يصرف بنزين ضعف الهوندا.
الشي الوحيد الي ما عجبني في الهوندا هو نظام الدفع فيها، امامي واذ غرزت يشتغل الخلفي، هو ممتاز وقوي في البر وما عمرها خذلتني ولله الحمد لا في بر ولافي خط ولا طين بس المشكلة انك من تقدر تفصله وتوزيع القوة في الامام اكثر من الخلف يعني الخلفي ما يشتغل الا اذا فر الامامي وما فيها دبل ثقيل (ما ادري عن الجديد ).

[عذب الاحاسيس]

طيب ياخي مدام مالك في البر والسفرات وش تبي بشي اسمه جيب

خذلك سيارة سيدان افالون اواكورد

وان مصمم تبي سيارة كبيرة خذ يوكن وخلك في المضمون احسن

تحياتي